Gn 38:14 - Chuj San Sebastian Bible

¹⁴ yuj cha, yajn̈ej xyi'n 'el 'ix spichl tzya'ch yuj chamnc yichmil cha. Xya'n 'och 'ix jun te pichl wach', xya'n q'ue 'ix jun nip 'a sjolom, smacn 'ix sat yet' te', sec may mach tz'iln 'och 'ix. X'at 'em wocn 'ix 'a sti 'el chon̈b' Enaim, 'a 'aj tzc'och sb'el chon̈b' Timnat. 'Ixta xyutj sb'a 'ix yujto a win Sela tox stz'acw yab'lil winac, palta mantzac yij sb'a win yet' 'ix.

Chuj San Mateo Bible

¹⁴ d'a elan̈chamel ix yiq'uel spichul ix, aton c'apac syac'och eb' ix chamnac yetb'eyum. Ix yac'anoch jun smusil sat ix, yic vach' malaj mach snaaneli tato a ix. Ix em c'ojan ix d'a stiel chon̈ab' b'aj sc'och sb'eal chon̈ab' Enaim, d'a sb'eal Timnat chi'. Ix sc'ulej jun tic ix, yujto ix nachajel yuj ix to a vin̈aj Sela ix q'uib'el vin̈, palta maxto yic'laj sb'a vin̈ yed' ix.

Gn 38:14 ပူးပေါင်းရင်းမြစ်များ

Gn 24:65

'Ix sc'anb'n 'ix 'ixtc 'a win checb' cha: —¿Mach jun winc tzcot 'a qui sat cha? xchi 'ix. Xyaln win checb' chi 'ixtic: —Atn win in patron̈ cha, xchi winac, yuj cha, xyi'n 'emt 'ix spotil, smacn 'och 'ix 'a sat.

Gn 38:15

Ax yic xyiln 'at Judá 'ix, snan 'ixtic: 'Ajmul 'ix am jun cha, xchi, yujto macn sat 'ix.

Gn 38:26

Ax yic xyiln 'och win Judá, to yic win smasnil jun tzo'n̈ cha, xyaln win 'ixtic: A 'ix 'ix tic wach' tas sb'o 'ix, an tu xin b'o'o, an 'ix 'och in mul, yujto ma'ix wac' yi' sb'a 'ix yet' ni wunnal Sela, xchi winac. Yuj cha, ma'ix 'ajx tz'a 'ix, man̈x xon 'ajtil xway win yet' 'ix.

Pr 7:10

Yajn̈j wal cha, x'elt jun 'ix chi wul scha win muc'uc. 'Icha wal spichn sb'a junc 'ix 'ajmul 'ix, 'ixta yilx 'ix yet' spichul, 'ixta pax snab'en 'ix.

Pr 7:12

Cojn 'a yoltc caye tz'eq'ui, 'a yoltc chon̈ab' yet' pax 'a junjn yisquinyoal caye cha, yic tztan̈wni yec' junc winc 'a stz'ey.

Jeremías 3:2

'Ixquec q'ueln 'a eb' lum tzalctac, tzcham eyiln 'at eb' lum si'mb'il. ¿Tom 'ayt junc xo eb' lum 'aj mantzac ex mulni? Tzex 'em wocn 'a sti b'e, tze tan̈wni ye'ch eb' tzex muln yet'oc, 'icha tzyutj smacn eb' árabe yec' eb' b'eymal 'anma 'a lum cusltac lu'um. Yuj wal e maysch'olnilal cha, xjuw 'el lum lum tic eyu'uj.

Ez 16:25

A 'a 'aj tzlajw c'och junjn caye, ata xlaj sb'o chan̈ jun tzo'n̈ cha. A swach'l yilxi, 'ix ya'ch sb'a yajb'entaquil, tzann̈j mach tzc'och 'a 'a, tzb'on̈j 'ajmulal yet'oc.