Gn 38:10 - Chuj San Sebastian Bible

¹⁰ Xcot yowl Jehová yuj tas tzb'o win Onán, yuj cha, 'ix yi'n pax 'ec' sq'uinl winac.

Chuj San Mateo Bible

¹⁰ A tas ix sc'ulej vin̈ chi', chuc d'a sat Jehová, yuj chi' ix cham vin̈.

Gn 38:10 ပူးပေါင်းရင်းမြစ်များ

A Ch'an̈ Schab'l Libro Samuel 11:27

Ax yic 'ix 'ec' scusc'ojlal 'ix cha, 'ix 'at ya'nc win David cot 'ix. 'Ix jaw 'ix 'a yatut win cha, 'ix 'och 'ix yistzilc winac. Xlajw cha, 'ix 'alj jun swinc 'unn 'ix. Palta a jun tas sb'ojnac David cha, caw wal maysch'olnil 'a sat Jehová.

A Ch'an̈ B'ab'el Libro Yic Yab'ixal Eb' Rey 17:20

Yajn̈ej x'awj chan̈ 'a Jehová, 'ix yaln 'ixtic: Mamin Jehová in Diosal ach, ¿tom tza chaj cot wal scusc'ojlal 'ix chamnc yichmil tic? A pax 'a 'ix 'ay in posada, palta xcham pax win yune 'ix tic, xchi.

1 Cr 2:3

Eb' yunnal Judá: atn Er, Onán yet' Sela. A snun eb' 'oxwn̈ tic, atn 'ix yisl Súa, 'aj Canaán 'ix. Palta a Er cha, win sb'ab'l 'unnal Judá, caw wal tu sb'eyb'al, yuj cha, 'ix satx 'el yuj Jehová.

1 Cr 21:7

An̈jtona pax Dios caw ma'ix schaj sc'ojl jun tzo'n̈ cha. Yuj cha, 'ix ya'n cot yailal 'a yib'n̈ chon̈b' Israel.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Pr 24:18

Toto tzex tzalj yuj eb', man̈x 'oj ya'ch Jehová yowl sc'ojl 'a yib'n̈ eb', yujto man̈ wach'c jun e tzaljc'ojlal chi 'a sat Dios.

Jeremías 44:4

Til wal 'ejm 'ix wa't eb' in checab', yic tzyaln eb' to matz e b'eylb'ej jun tzo'n̈ cha, yel tzwala, to caw matz chaj in c'ojol.

Hageo 1:13

'Ix waln 'ixtc 'a eb': A Jehová, a tzaln 'ixtic: 'Aynn̈ej 'ec' eyet'oc, xchi Dios, xin chi 'a eb'.

Nm 11:1

'Ay jun c'ual, 'ix syamch eb' israel yaln tu paxti 'a Jehová, yuj yailal tzlaj 'ec' 'a yib'n̈ eb'. A wal yic xyab'n Jehová jun tzo'n̈ paxti cha, caw wal 'ix cot yowal. Yuj cha, 'ix ya'n cot jun c'ac' 'a scal eb', 'ix tz'a eb' 'ayc' 'a sti 'el camplamento cha.

Nm 22:34

Xlajw cha, 'ix ta'w Balaam 'a jun yángel Jehová chi 'ixtic: —'Ix 'och wal ton in mul. Man̈ wojcoc toto ach tza mac yol in b'e tic, yuj cha, toto matz yal a c'ojl tzin 'ati, tztac' in meltzji, xchi.

Nm 26:19

A 'a scal eb' yunnal Judá, ata 'ix cham win Er yet' Onán. A eb' tic, ata 'ix chamcn eb' 'a yol yic Canaán.

A Ch'an̈ B'ab'el Libro Samuel 2:25

Toto 'ay junc mach tz'och smul 'a junc yit 'anma'il, tztac' to tzcolwj Dios yet'oc. Palta toto 'ay mach tz'och smul 'a Jehová, ¿mach wal 'oj stac' scolni? xchi Elí. May xon yel'ch tas xyal smam eb' chi 'a 'a, yujto a Jehová tox 'ix sna'a to 'oj cham eb'.