Gn 37:9 - Chuj San Sebastian Bible

⁹ Xlajw cha, x'och junx swaych José, an̈jtona', xyaln pax yab' eb' yu'tac cha, xyaln 'a eb' 'ixtic: —'Ay wal junx in waych x'ochi. A 'a jun in waych cha, xwila to a c'u yet' 'uj yet' uxlche c'anal x'em n̈ojn eb' 'ayin, xchi José.

Chuj San Mateo Bible

⁹ Ix lajvi chi' ix och junxo svayich vin̈aj José chi', ix yalanxi vin̈ d'a eb' vin̈ yuc'tac chi' icha tic: —Ay val junxo in vayich ix ochi. A d'a jun in vayich chi' ix vila', to a c'u yed' q'uen uj yed' uxluche' c'anal ix em n̈ojan d'ayin, xchi vin̈.

Gn 37:9 ပူးပေါင်းရင်းမြစ်များ

Gn 20:3

Ax 'a jun 'ac'wal, 'ix waychni Abimelec, to a Dios 'ix aln 'a 'ixtic: 'Oj a chami, yujto a 'ix 'ix x'at ac' cotoc yic tz'och 'ix estzilc alni, 'ay yichmil 'ix, xchi 'a winac.

Gn 37:10

A wal yic xyaln José jun swaych chi 'a smam, yet' 'a eb' yu'tac cha, 'ix owx smam 'a 'a, xyaln 'a José 'ixtic: —¿Tas tzyal 'el'ch jun a waych chi jun? ¿Tom 'oj wem n̈ojn yet' a nun tic, yet' eco o'tac tic 'aych tzyal cha? xchi Jacob.

Gn 37:7

'Ix in waychej to qui masnilec tzon̈ polwec trigo, junjn on̈ec tzqui jalc junjn yuchn̈ qui trigo cha, ax 'ixm wic cha, xq'ue lin̈n 'ixim, x'och pax oyn 'ixm eyic chi 'a stz'ey 'ixm wic cha. Xlajw cha, x'ejm n̈ojn eb' 'ixm 'a yojltac 'ixm wic cha, xchi José.

Gn 37:8

Yuj cha, xta'w eb' yu'tac chi 'a 'ixtic: —¿Am tzyal 'el'ch jun tzal cha, to 'oj och am qui reyloc, ax on̈ a'n mandar tzyal cha? xchi ewinac. Caw wal xwach' cot yowl eb' 'a José, yujto xyal swaych chi 'a eb'.

Gn 41:25

Yuj cha, xyaln José 'a win rey chi 'ixtic: —A chab' a waych xa waychej cha, junn̈j tas tzyal 'el'chi. A Dios tz'a'n a waychoc mamin rey tas nab'il xo yu'uj.

Gn 41:32

Cha'ejm yamn x'och a waych mamin rey, sec tznachj 'el o'oj, to a Dios nab'ilx xon jun tzo'n̈ chi yu'uj, yowlal 'oj 'el'choc muc'uc.

Gn 42:6

Ax José yajl yajch 'a Egipto cha, a tz'a'n 'elt 'ixm trigo 'a eb' manwjum tzlaj c'ochi. A yic xc'och eb' yu'tac 'a yojltac, x'em n̈ojn eb', masnto squil 'ejm eb' snan̈l sat 'a sat lu'um.

Gn 43:26

Ax yic xc'och José 'a yatut cha, xya'n eb' jun tzo'n̈ siylab' 'a 'a, x'em n̈ojn eb' 'a yojltac masnto 'a sat lu'um.

Gn 43:28

X'em n̈ojn ewinac, xyaln ewin 'ixtic: —A win qui mam chi 'on̈, 'ayt 'eq'ui, caw wach' sc'ojl winac, xchi eb'.

Gn 44:14

'Ayt 'ec' José 'a yatut yic xc'ochx win Judá yet' eb' yu'tac cha, x'em n̈ojnjoc eb' 'a yojltac José masnto 'a sat lu'um.

Gn 44:19

Mamin, ach wal xa c'anb'j 'ayn̈ a checb' on̈ tic, toto 'ayt 'ec' qui mam on̈, toto 'ayt junc xo cu'tac on̈.

Gn 45:9

A ticnec, 'ixquec mu'c 'a qui mamc cha, tzeyaln 'a 'ixtic: 'Ixtc wal yaln ni onnal José: A Dios in 'a'n 'och yajlil 'a yol yic Egipto tic, yuj cha, cotn̈ wul in ela', man̈ a ma'q'ui.

Gn 46:29

xyaln José to tz'ajx lista scaruaje yic tzwul schanc smam. A yic xjaw 'a yojltac smam cha, x'och la'n̈joc 'a 'a, caw najt hora xyac' yoc' 'ejm 'a squelb' smam cha.

Gn 47:12

'Aychn̈ej José ya'n tas tzc'ux eb', a tzyal jantc sb'isl junjn eb' yet' yunnal.

Dn 8:10

Caw xq'uib' si'mb'il, 'ix q'ue'ch 'a 'aj 'ay eb' soldado yic satcha'an̈, niwn jun tzo'n̈ c'anal sjul 'emt 'a yolyib'n̈q'uinl tic, ste'n can 'ejm eb'.

Nm 12:6

'ix yaln 'a eb' 'ixtic: 'Ab'c tas 'oj wal 'ayex: A yic tzwa'n cot junc in checb' 'a e cal, an tzin ch'ox in b'a 'a 'a, tzin paxtin pax 'a 'icha waychil 'a 'a.

A Scarta San Pablo D'a Eb' Aj Filipos 2:15

Man̈ e b'o 'ixta', sec may mach 'oj alnoc, to 'ay e mul, mto e paltail. Wach'xam 'ayx 'ec' 'a scal eb' 'anma maysch'olnil, mto eb' tu snab'en, ax xo yel yunnal ex Dios, man̈x 'a maysch'olnil 'aych 'ayx yet' eb'. 'Icha jun tzo'n̈ c'anal, caw tzictzni yilx 'a q'uic'q'uinal, 'ixta ex 'a scal eb'.