Gn 37:3 - Chuj San Sebastian Bible

³ Caw wal nib'b'il José yuj smam 'a yib'n̈ jun tzo'n̈ xo eb' yu'tac, yujto 'ichm winc xo win Jacob yic x'alj winac, yuj cha, sb'on win Jacob chi jun spichl winac, to yel xo wach' yilxi.

Chuj San Mateo Bible

³ Te xajan vin̈aj José chi' yuj vin̈ smam d'a yichan̈ juntzan̈xo eb' vin̈ yuc'tac chi', yujto yolxo yichamvinaquil ix alji vin̈. Yuj chi' ix sb'o jun spichul vin̈, tz'ib'iltac yilji.

Gn 37:3 ပူးပေါင်းရင်းမြစ်များ

Gn 37:23

A yic xc'och José 'a eb' yu'tac cha, yajn̈ej 'ix yi'n 'el eb' jun spotl win caw wach' 'aych yu'uj, atn te tz'ib'quixtac yilxi,

Gn 37:31

Yajn̈j wal cha, snan ewinac tas tzyutj sb'a eb', smiln cham ewin jun no yune chiwo, xyi'n 'elt ewin schic'l no', xlajw cha, sb'on̈n 'och eb' 'a spichl win José cha.

Gn 37:32

Xya'n 'at eb' 'a smam, xyaln 'at eb' 'ixtic: X'ilchj jun pichl tic cuj on̈, 'iltnab'an, coyn wal to a te spichl win onnal tic mto ma'ay, xchi eb'.

A Ch'an̈ Schab'l Libro Samuel 13:18

'Ix spechn 'el win checb' chi 'ix 'a sti n̈a cha, caw wal sin̈n̈i xyutj win smacn te puerta cha. A 'ix Tamar cha, caw wach' yilx spichl 'ix 'aychi, 'icha spichl eb' 'ix cob'stac yisl ewin rey tzya'n̈j 'ochi.

Ez 16:16

Ax yet' jun tzo'n̈ spichl wach' yilx cha, a yet' sb'o jun tzo'n̈ mantiado 'aj tz'och 'emmquilal 'a jun tzo'n̈ comn dios 'a lum tzalctac. Atn wal yet' jun tzo'n̈ chi say smuloc, caw man̈ smojc wal ton sb'on jun tzo'n̈ cha.

Jn 3:35

Yunnal qui Mam Dios jun cha, chamc'ojlb'il yu'uj. Yuj cha, a Smam chi 'a'jnac 'och smasnil tas 'a yol sc'ab' yic tzya'n cuenta.

Jueces 5:30

Tecnto wan spojn 'ec' win jantc tas 'ix yijcan 'ec' 'a owl cha. Wan am si'lni ewin junjnoc eb' 'ix cob'stac chi yistloc, mto chatcwan̈oc eb' 'ix 'a junjn ewinac. Am te pichl caw wach' yilx yelwnub'l xyique'ej win Sísara cha; jun am wal xyij winac, mto chab' xyij winac, am te caw wach' yaj stz'isx 'ejm yelwnub'l sat 'a schapaq'uil, am te 'oj ya'ch win 'a sjaj yujto xyac' ganar owl cha, xchi eb' 'ix.