Gn 37:28 - Chuj San Sebastian Bible

²⁸ Ax yic x'ec' eb' 'aj Madián cha, yajn̈ej x'at 'ijxoc q'uet win José yuj eb' yu'tac 'a yol jun xab' cha. Xchon̈n can 'at eb' win 'a ewin ismaelita tz'at 'a Egipto. Junc'l q'uen tumn plata schaj eb' 'a ewinac. 'Ixta wal x'aj s'atcn José 'a Egipto.

Chuj San Mateo Bible

²⁸ Axo yic ix ec' eb' vin̈ aj Madián chi', elan̈chamel ix ic'chajq'ueta vin̈aj José d'a yol jun jul chi', ix schon̈anb'at vin̈ eb' vin̈ d'a eb' vin̈ chon̈vajum chi'. 20 siclo plata ix yac' eb' vin̈ d'a eb' vin̈ stojoloc. Icha chi' ix aj yic'chajb'at vin̈aj José chi' d'a Egipto.

Gn 37:28 ပူးပေါင်းရင်းမြစ်များ

Gn 25:2

Atn eb' yunnal tic yet' 'ix, Zimram, Jocsán, Medán, Madián, Isbac yet' Súa.

Gn 37:25

Xlajw cha, x'em wocn eb' swa'i. Ya' sb'a cha, xyiln eb' scot jun tzo'n̈ eb' ismaelita xcot 'a Galaad, 'ay perjuma, bálsamo yet' mirra 'aych 'a yib'n̈ scameyo ewinac, yic tz'at schon̈c eb' 'a Egipto.

Gn 37:36

Ax yic xc'och ewin madianita 'a Egipto, xchon̈n can ewin José 'a win Potifar, win syajlil eb' soldado win sreyl Egipto cha.

Gn 39:1

A yic x'ijx 'at win José yuj eb' ismaelita 'a Egipto, a jun win 'aj Egipto tzcuch Potifar, a win xmann José cha. A win Potifar cha, niwquil yopiso win yuj win sreyl Egipto cha; yajl yaj win 'a eb' soldado tztan̈wni win rey cha.

Gn 40:15

Yujto an tic, ton̈j 'elc'b'iln cot 'a scal eb' hebreo, man̈ in mojc 'ayn 'och 'a preso tic, yujto may xon jac tas tu xin b'o'o, xchi José cha.

Gn 50:15

Yic xlajw xcham win Jacob, syamn 'och ewin yu'tac win José chi snani, xyaln ewin 'ixtic: A ticnec, tecn 'oj cot yowl win José tic 'ayn̈ec, tecn 'oj ya'x win spac 'icha cutjnaquec winac, xchi ewinac.

Salmos 105:17

Palta 'ix ya'cn b'ab'ljoc jun win quelm yuj eb', atn win José, win chon̈b'il can 'at mosoal.

Salmos 83:9

'Icha 'ix otj eb' 'aj Madián, 'icha 'ix otj win Sísara yet' pax win Jabín 'a sti a Cisón, 'ixta cab' tz'aj eb' o'oj.

Ex 2:16

Ata 'ay jun winc Jetro sb'i, ya'mal 'och sti eb' 'anma yaj 'a sdiosal, cajn 'a yol yic Madián cha, 'ay ucwn̈ yisil. 'Ix c'och eb' 'ix 'a sti a 'uc'b'il a chi yac' b'ut'joc te jucub', yic tzyu'n e no scalnelu smam eb' 'ix chi a'.

Ex 21:16

A mach tz'elc'n junc 'anma', toxn̈ej tox schon̈li, mto 'ayt 'ec' yet'oc, yowlal tzcham jun 'elc'm cha.

Is 60:6

Ax eyilni to til wal 'oj jawc eb' 'anma 'ayx yet' scameyo: 'Ay eb' 'oj cot 'a Madián. 'Ay eb' 'oj cot 'a chon̈b' Efa, 'oj jawc smasnil eb' 'aj Sabá. Caw 'al yaj eb' yet' yicatz ax sjaw eb', yet' eb' q'uen oro yet' incienso. 'Oj yaln eb' swach' paxti 'ayn an Jehová in, yujto satjub'tac yilx tas tzin b'o yil eb'.

Jeremías 38:13

Xlajw cha, xya'n 'ejm ewin ch'an̈ lasu cha, yamb'il can sn̈i ch'an̈ yuj ewinac, in sto'n q'uet ewin yet' ch'an̈. Xlajw cha, axta in cancn 'a 'amac', 'a 'aj 'ayc' eb' tztan̈wni despacho.

Lv 27:5

Ax pax yuj eb' o'e ab'il sq'uinal masnto 'a sjunc'lil ab'il, toto winac, junc'l q'uen tumn plata tz'ajx yu'uj, ax toto 'ix, lajn̈e q'uen tumn plata tz'ajx yu'uj.

Nm 25:15

Ax 'ix 'ix cha, Cozbi sb'i 'ix, yisl jun win tzcuch Zur, yajl pax yaj win 'a jun c'aj eb' 'aj Madián cha.

Nm 25:17

A ticnec, 'a'c owl yet' eb' 'aj Madián, ax e satn can 'el eb',

Mt 26:15

'ix yaln 'a ewin 'ixtic: —Toto 'oj wa'ch Jesús 'a yol e c'ab', ¿jantc tzin e tojo? xchi 'a ewinac. Yuj cha, xya'n ewin 30 q'uen tumn plata 'a 'a.

Mt 27:9

'Ixta x'aj yel'ch tas yaljnac can Jeremías win schecb' Dios pecti', yic yaln can 'ixtic: 'Oj yic' eb' 30 q'uen tumn plata, atn stojl jun 'oj manxoc cham yuj eb' israel.

A Tas Sc'ulejnac Eb' Schecab' Jesús Hechos 7:9

A eb' qui mam quichmec cha, 'ay jun yu'tac eb' José sb'i. Ax 'a jun 'el, sutmjnac eb' schichn 'och 'a 'a. Yuj cha, schon̈n can 'at eb' 'a chon̈b' Egipto. Palta ax Dios, 'ochnc yet' José cha.

Jueces 8:22

Xlajw cha, xyaln eb' israel chi 'ixtc 'a Gedeón: —A ticnec, ach tzach 'och qui yajliloc yet' eb' en̈tl b'aq'uin̈, yujto on̈ a col 'elt 'a yol sc'ab' eb' madianita, xchi eb' 'a 'a.

Jueces 8:24

Cojn tas tzin c'an 'ayex, comnoc tzeyac' q'uen yumchicn 'ayin yet' q'uen colc'ab' xeyij 'ec' 'a owl cha, xchi 'a eb'. —A jun tzo'n̈ cha, oron̈ej eb', yujto an̈j chi tzya'ch eb' ismaelita cha.