Gn 36:17 - Chuj San Sebastian Bible

¹⁷ Ax eb' yunnal Reuel cha, eb' x'och yajlil, atn eb' tic: Nahat, Zara, Sama yet' Miza, atn jun tzo'n̈ eb' tic x'och pax yajlil 'a scal eb' yin̈tl win Reuel 'a yol yic Edom; smasnil jun tzo'n̈ eb' tic, yixchicn 'ix Basemat, 'ix yistzil Esaú.

Chuj San Mateo Bible

¹⁷ A d'a scal eb' yuninal vin̈aj Reuel yuninal vin̈aj Esaú, a eb' ix och yajaliloc chon̈ab': Aton vin̈aj Nahat, vin̈aj Zera, vin̈aj Sama yed' vin̈aj Miza. A eb' yajal tic ix el d'a yin̈tilal vin̈aj Reuel d'a yol yic Edom. Masanil juntzan̈ eb' vin̈ tic, yixchiquin eb' vin̈ ix Basemat yetb'eyum vin̈aj Esaú.

Gn 36:17 ပူးပေါင်းရင်းမြစ်များ

Gn 26:34

Chawinc ab'il sq'uinl Esaú yic xyi'n sb'a yet' 'ix Judit, 'ix yisl win Beeri hitita, xyi'n pax win 'ix Basemat, yisl pax junx win hitita win Elón sb'i.

Gn 36:13

Eb' yunnal Reuel: atn Nahat, Zera, Sama yet' Miza; atn eb' yixchicn 'ix Basemat, atn junx 'ix yistzil win Esaú.

Gn 36:16

Coré, Gatam yet' Amalec. Atn eb' tic x'och yopiso 'a scal eb' yin̈tl Elifaz 'a yol yic Edom. Smasnil jun tzo'n̈ eb' tic, yixchicn 'ix Ada eb'.

Gn 36:18

Ax pax 'a eb' yune 'ix Aholibama cha, eb' x'och yopiso 'a scal eb', atn Jeús, Jaalam yet' Coré.

Gn 36:4

'Ix 'alj yune 'ix Ada yet' Esaú cha, atn Elifaz; ax pax 'ix Basemat, x'alj jun yune', atn Reuel.

1 Cr 1:37

Eb' yunnal Reuel: atn Nahat, Zera, Sama yet' Miza.