Gn 35:7 - Chuj San Sebastian Bible

⁷ Ata sb'o win jun yet'l xajmb'al, xya'n sb'ic jun lugar chi El-bet-el, yujto a yic x'at 'elc 'a yu'tac, ata xch'oxjnac sb'a Dios 'a 'a.

Chuj San Mateo Bible

⁷ Ata' ix sb'oq'ue jun altar vin̈, El-Betel ix sb'iejcan jun lugar chi' yuj vin̈, yujto ata' ix sch'ox sb'a Dios d'a vin̈ ayic ix el vin̈ d'a vin̈ yuc'tac.

Gn 35:7 ပူးပေါင်းရင်းမြစ်များ

Gn 12:7

Ata xch'ox sb'a Jehová 'a Abram cha, 'ix yaln 'ixtic: A jun lum tic 'oj wac' 'a smasnil eb' en̈til, xchi 'a 'a. Yuj cha, sb'on Abram jun yet'l xajmb'al 'a 'aj tzyal sb'a 'a Jehová, yujto ata xch'ox sb'a Dios 'a 'a.

Gn 12:8

Xlajwn̈ej cha, 'ix cotxi, axta 'ix japx 'a eb' lum jolmctac witz 'a snan̈l chon̈b' Bet-el yet' chon̈b' Hai. Ata x'aj cajan. A chon̈b' Bet-el cha, ata 'ay 'a stojlal 'aj tz'em c'u. Ata 'ix sb'o junx yet'l xajmb'al, 'a 'aj tzyal sb'a 'a Jehová.

Gn 28:10

A yic x'el Jacob 'a Beerseba, x'atcn 'a sb'el Harán.

Gn 28:13

Xyiln paxi to a Jehová lin̈n 'ec' 'a stz'ey, xyaln 'a 'ixtic: An ton tic Jehová in, sDiosal in a mam 'ichm Abraham, yet' a mam, atn Isaac. A 'ayach, yet' 'a smasnil eb' en̈til, ata 'oj wac' lum lum tic 'aj teln ach 'ec' tic.

Gn 28:17

'Ix xiw cha'an̈, yuj cha, snan 'ixtic: Caw 'ay smay jun lugar tic. Atn am wal 'a tic 'ay yatut Dios, mto ¡spuertail satchan̈ yaji! xchi.

Gn 28:19

A 'a jun lugar cha, ata 'ay jun chon̈b' xon 'a pecti', tzcuch Luz, palta ax Jacob xjeln can sb'i, xya'n sb'ic Bet-el.

Gn 28:22

A 'aj 'ix in lin̈cn chan̈ jun q'uen q'uen tic, 'icha to yatut Dios tz'ajcni. A smasnil tas 'oj yac' 'ayin, 'oj wi'l junjn 'a junjn lajn̈e', ax wa'n 'a 'a, xchi.

Gn 29:1

'Ix 'atx Jacob masnto xc'och 'a slum ewin cajn 'a stojlal 'aj tzq'uel c'u.

Gn 31:13

An ton Dios in, xin ch'ox in b'a 'aych 'a Bet-el, 'a 'ajtil a secjnac can q'ue aceite 'a yib'n̈ jun q'uen q'ue'en, atn 'a 'aj a'jnac can a ti 'ayin. A ticnec 'ixc muc'uc, 'eln̈ 'a jun lugar tic, tzach meltzj 'a a lu'um, 'a 'aj 'aljnac ach, xchi Dios 'ayin, xchi Jacob 'a eb' 'ix yistzil cha.

Gn 35:1

Xlajw cha, 'ix yaln Dios 'a Jacob 'ixtic: 'Eln̈ 'a tic, tzach 'atcn 'a Bet-el, ata tza b'o junc yet'l xajmb'al 'ayn an Dios in tic, yujto ata xin ch'ox in b'a 'ayach, yic wan a 'at 'elc 'a ni o'tac Esaú, xchi.

Gn 35:15

Xya'n can win sb'ic jun lugar chi Bet-el, yujto ata xpaxtin Dios yet'oc.

Gn 35:3

Coyc mu'c 'a Bet-el, ata 'oj in b'o junc yet'l xajmb'al yuj yi'mb'ilc chan̈ sb'i Dios, atn jun colwjnac wet'oc yic 'ayn 'och wal 'a somc'ojlal, xcolwj pax wet' 'aj in laj 'eq'ui, xchi winac.

Ex 17:15

'Ix sb'on Moisés jun yet'l xajmb'al, xya'n 'och sb'i: A Jehová in bandera yaji, xchi.

Ez 48:35

A yechl jun muro chi 'a smasnil, jun oyn 'och 'a spatc 'el jun chon̈b' cha, b'aln̈e mil metro. Ax sb'i jun chon̈b' cha: Scajnub' Jehová, 'ixta 'oj sb'ioc, xchi Dios 'ayin, xchi Ezequiel.

Jueces 6:24

Xlajw cha, 'ix sb'on chan̈ Gedeón jun yet'l xajmb'al yic tzyi'n chan̈ sb'i Jehová. Xya'n can scuch: A Jehová 'Ac'm Junc'ojlal, xchi. A jun yet'l xjamb'al tic, ata xcan 'a Ofra 'a yol yic eb' yin̈tl Abiezer.