Gn 35:5 - Chuj San Sebastian Bible

⁵ A yic x'elt eb' 'a jun lugar cha, a Dios x'a'n xiwc'ojlal 'a yib'n̈ smasnil eb' chon̈b' 'ayc' 'a stz'ey eb' cha, yuj cha, may eb' 'anma xpechn eb'.

Chuj San Mateo Bible

⁵ Ayic ix el eb' ta', a Dios ix ac'an xivc'olal d'a yib'an̈ masanil juntzan̈ chon̈ab' ayec' d'a slac'anil chi', yuj chi' man̈xalaj mach ix pechan eb'.

Gn 35:5 ပူးပေါင်းရင်းမြစ်များ

Gn 34:30

Yuj cha, xyaln win Jacob 'a Simeón yet' 'a Leví 'ixtic: —Caw wal tzeyac' in chac in b'a yet' smasnil eb' 'anma cajn 'a sla'nil jun lugar tic, atn eb' cananeo yet' eb' ferezeo. 'Oj syam sb'a am eb', ax ya'n eb' owl quet'ec, tecn 'oj on̈ smilc eb' qui masnil yet' cunnalec tic, yujto jaywn̈n̈ej wal qui b'islec, xchi winac.

Gn 35:4

'Ixta wal xyutj eb' ya'n jun tzo'n̈ sdiosal chi 'a Jacob yet' jun tzo'n̈ q'uen yumchiquin, ax Jacob 'ix mucn can 'ejm smasnil 'a yich jun te mach' 'ayc' 'a sla'nil Siquem cha.

2 Cr 14:13

Ax Asa, yet' eb' soldado 'ix 'at eb' 'a spatquil eb', masnto 'a Gerar. X'ajx ganar eb' etíope cha, man̈x 'a jac tas xcan 'a eb'. Man̈x 'ic stac' ste'wtzan sb'a eb' 'a sat Jehová yet' 'a sat eb' soldado, yujto c'uxn xyijcan 'ec' eb' soldado Asa tastc 'ay 'a eb'.

2 Cr 14:14

An̈jtona', 'ix ya'n pax eb' owl yet' jun tzo'n̈ chon̈b' 'ay 'a stz'ey Gerar cha, 'ix jaw xiwc'ojlal 'a scal eb' yuj Jehová. C'uxn 'ix yij 'at eb' yic Judá chi smasnil tastc 'ay 'a jun tzo'n̈ chon̈b' cha, yujto man̈x yalnb'ilc ricoal 'ay 'a 'a.

2 Cr 17:10

Yuj cha, a smasnil jun tzo'n̈ chon̈b' 'ay 'a sla'nil Judá, caw 'ix xiw eb' 'a Jehová, man̈xtoc x'och eb' 'a owl yet' Josafat.

Salmos 105:14

A Dios ma'ix yal sc'ojl to tz'ixtx eb', yuj cha, xya'n snab'enoc eb' rey, xyaln 'a eb' 'ixtic:

Salmos 14:5

Caw 'oj 'ib'xoc eb' yuj xiwlal, yujto a Dios 'ayc' yet' eb' tojl sb'eyb'al.

Ex 23:27

'Oj in xib'tc eb' 'anma tzchichn 'och 'ayex, ax wa'n somchjoc 'el eb' tzeyac' owl yet'oc. Smasnil eb' 'ajc'ojl yajch 'ayx 'a junjn chon̈b' 'aj 'oj eyeq'ui, an 'oj wac' 'at eb' 'elc 'ayex.

Ex 34:24

An 'oj wi'l jun tzo'n̈ 'anma 'aych 'a sat lum lum cha, ax sniwnb'i can e lum cha, may mach tzaln 'ica'anc lu'um, ya' sb'a tzex jaw 'a wojltac an e Diosal in tic.

Dt 11:25

May xon junc mach 'oj ste'wtzoc sb'a 'a eyojltac. A Jehová qui Diosalec, a 'oj 'a'noc 'och eb' 'anma chi 'a xiwc'ojlal, ax stac chan̈ sc'ojl eb' 'aj 'oj eyec' cha, 'icha wal 'ix yutj yaln cani.

Dt 2:25

Wal 'a jun c'u tic, tz'el yich wa'n xiwc'ojlal 'a smasnil eb' chon̈b' 'ay 'a sat lum lum tic. A yic 'oj laj yab'nc eb' yalx eyab'xil, caw wal 'oj xiw chan̈ eb'. 'Oj laj 'ib'xoc chan̈ eb' yuj xiwlal. Caw 'ayxn̈ej xiwc'ojlal eb', xchi Dios, xchi Moisés.

Josué 5:1

Ax smasnil eb' sreyl eb' amorreo cajn 'a junx sc'axpil 'ec' sti a Jordán, 'a stojlal 'aj tz'em c'u, yet' pax eb' sreyl eb' cananeo cajn 'a sla'nil sti a Mar Mediterráneo, 'ix yab' eb' yab'xil, to tacjnac chan̈ a Jordán yuj Jehová yic ye't chon̈b' Israel 'a yojl a'. Yuj cha, caw wal xiw chan̈ eb', may xon junc eb' ste'wtzej sb'a sjaw yac' owl yet' eb' israel.

A Ch'an̈ B'ab'el Libro Samuel 11:7

'Ix yi'n cot chawn̈ no mam wacax, scotc tzu'n 'at no', 'ix ya'n no 'a jun tzo'n̈ eb' schecab', yic tz'ec' sch'oxnc eb' 'ilxoc no 'a smasnil yol smacb'en eb' yit israelal. Tzlaj 'ec' yalnc eb' checb' chi 'ixtic: 'Ixtc wal 'oj 'aj swacx mach ma'oj 'och tza'n yuj Saúl, yet' pax Samuel, yic 'oj 'at eb' 'a owal, xchi eb'. 'Ix jaw jun niwquil xiwlal 'a yib'n̈ eb' 'anma chi smasnil yuj Jehová. Junxn̈ej xyutj sb'a eb' smasnil, 'ix wul ya'nc 'och sb'a eb' yet' eb'.

A Ch'an̈ B'ab'el Libro Samuel 14:15

Smasnil eb' filisteo 'ayc' 'a yol scamplamento cha, yet' eb' pucnc 'el 'a spatquil 'eli, caw x'och jun niwquil xiwc'ojlal 'a eb', yet' eb' caw jeln 'a owal, caw xiw eb'. A wal 'a jun rato cha, 'ix 'ec' jun quixcab' 'a sat lum lum cha, 'ixtnta xyutj Dios ya'n cot jun niwquil xiwc'ojlal 'a scal eb'.