Gn 35:27 - Chuj San Sebastian Bible

²⁷ 'Ix 'at win Jacob 'at yil smam, atn win Isaac, cajn win 'a lum Mamre, 'a chon̈b' Arba, tzcuch pax Hebrón. Ata 'e'nc cajn Abraham yet' Isaac.

Chuj San Mateo Bible

²⁷ Ix b'at vin̈aj Jacob yil vin̈ smam, aton vin̈aj Isaac, cajan d'a lum Mamre, d'a chon̈ab' Arba, Hebrón pax sb'i. Ata' ec'nac vin̈aj Abraham yed' vin̈aj Isaac chi'.

Gn 35:27 ပူးပေါင်းရင်းမြစ်များ

Gn 13:18

Yuj cha, xyi'n chan̈ Abram smantiado 'ix c'och cajn 'a sla'nil 'aj 'ay jun tzo'n̈ te ma'ach', 'a yol yic win Mamre sb'i, 'a stz'ey chon̈b' Hebrón. Xlajw cha, sb'on jun yet'l xajmb'al 'a 'aj tzyal sb'a 'a Jehová.

Gn 14:13

Palta 'ay jun win 'ix yac' ganar yel 'a scal owal, 'ix 'at yalnc 'a Abram win hebreo, chajtlto tox 'ix 'ijx 'at Lot 'icha presoal. Ata cajn win 'a lum 'aj 'ay te ma'ach', 'a yol yic win Mamre amorreo. A win Mamre cha, yu'tac sb'a win yet' Escol, yet' pax Aner. A ewin cha, a yet' Abram 'aych ewinac.

Gn 17:8

'Oj wac' smasnil lum Canaán tic 'ayach, yet' 'a eb' en̈tl 'a jun 'ejmn̈ej, ax woch sDiosalc eb', xchi Dios 'a Abraham cha.

Gn 18:1

Xlajw cha, sch'oxn sb'a Jehová 'a win Abraham 'a sla'nil 'aj 'ay te ma'ach', 'a yol yic win Mamre. Yic am chimc'ual, wocn 'elt Abraham 'a sti smantiado,

Gn 23:19

'Ixta to b'i'an, 'ix smucn Abraham sniwnal yistzil 'a q'uen olb'il q'uen 'ay 'a lum Macpela cha, 'a yojltac 'el yic win Mamre 'a stojlal 'aj tzq'uel c'u, atn pax tzcuch Hebrón, 'a yol yic Canaán.

Gn 23:2

yic 'ix cham 'ix 'a lum Quiriat-arba, atn 'a Hebrón 'a yol yic Canaán. Caw 'ix 'oc' win Abraham yuj schamlil 'ix Sara cha, 'ix 'ochcn win 'a cusc'ojlal yuj 'ix.

Gn 28:5

'Ixta 'ix 'aj xchecx can 'at Jacob yuj Isaac 'a lum Padan-aram. 'Ix c'och Jacob 'a yatut Labán, win yunnal Betuel win arameo, snul'j 'ix Rebeca 'ix snun Jacob yet' Esaú.

Gn 37:14

—Wach' tzach 'ati, 'at 'ilto tas yaj eco, yet' e no calnelu cha, toto wach' e no', tzlajw cha, tzach meltzj muc'uc yic tzwul alnc wab'i', xchi winac. Xchecn 'at Israel win José 'a lum span̈nil Hebrón. Ax yic xc'och José 'a yol yic Siquem,

Gn 49:29

Xlajw cha, 'ix yaln Jacob 'a eb' yunnal 'ixtic: Jab'xoj wal tiempo ax in chami, yuj cha, ata tzin e muc yet' eb' in mam wichm 'a q'uen oln q'uen 'a slum can Efrón win hitita,

A Ch'an̈ Schab'l Libro Samuel 2:1

Xlajw cha, sc'anb'n David 'a Jehová 'ixtic; —¿Tom tztac' in 'at 'a junc eb' chon̈b' 'ay 'a yol yic Judá? xchi. —N', tztac' a 'ati, xchi Jehová. Yuj cha, sc'anb'n pax David jun 'ejm xo: —¿'Aj 'ay junc chon̈b' 'aj smoj in 'ati? xchi. —A 'a chon̈b' Hebrón tzach 'ati, xchi.

A Ch'an̈ Schab'l Libro Samuel 2:11

'Ixta x'aj David yoch sreyloc eb' yin̈tl Judá 'a uque ab'il yet' waque xo 'ujal, a jun chon̈b' 'aj xyac' reyal, atn 'a chon̈b' Hebrón.

A Ch'an̈ Schab'l Libro Samuel 2:3

'Ix yi'n 'at pax David chi eb' winc ajun yet'oc. 'Ix 'at eb' yet' yistzil, yet' yunnal, yet' pax yisil, axta xc'och cajn eb' 'a Hebrón yet' 'a jun tzo'n̈ chon̈b' 'a yol yic Hebrón cha.

A Ch'an̈ Schab'l Libro Samuel 5:1

Xlajw cha, smasnil eb' yin̈tl Israel 'ix wulc' eb' paxtinc yet' David 'a Hebrón, xyaln eb' 'a 'ixtic: An̈ tic caw wal 'ayt cuj qui b'a et'oc.

A Ch'an̈ Schab'l Libro Samuel 5:3

'Ixta 'ajnc smasnil eb' yichmtac wincal chon̈b' Israel xwulc' paxtinc yet' win rey David 'a Hebrón. 'Ix sb'on win rey chi jun strato yet' eb' 'a Hebrón cha, xya'n 'och eb' Jehová stestigooc. 'Ix ya'n can 'och eb' David chi sreyloc.

A Ch'an̈ Schab'l Libro Samuel 5:5

Nan̈l swajxquil ab'il ya'jnac reyl 'a chon̈b' Hebrón 'a yib'n̈ eb' yin̈tl Judá, ax 'a Jerusalén, 33 ab'il ya'jnac reyl 'a yib'n̈ smasnil chon̈b' Israel yet' 'a Judá.

Josué 15:13

Ax Josué, a 'ix 'a'n jun macn̈ lum smacl lum eb' yin̈tl Judá 'a win Caleb yunnal Jefone. 'Icha yaj yaln Jehová, x'ajx lum Quiriat-arba 'a 'a, atn lum tzcuch pax Hebrón, atn jun chi schon̈b' eb' yin̈tl win Anac yaji.

Josué 21:11

A 'a lum jolmctac witz yic Judá, ata x'elt Quiriat-arba, (tzcuch pax Hebrón) atn sb'ab'l chon̈b' eb' yin̈tl can win Anac,