Gn 35:22 - Chuj San Sebastian Bible

²² A yic cajn 'ec' eb' 'a jun lugar cha, ax win Rubén win yunnal Israel cha, xway win yet' 'ix Bilha, 'ix schab'l 'istzil smam cha, palta xyab' sb'a win mamb'il chi yuj tas sb'o winac. Lajchwan̈ ewin yunnal win Jacob.

Chuj San Mateo Bible

²² Yacb'an cajan ec' eb' d'a jun lugar chi', axo vin̈aj Rubén, yuninal vin̈aj Israel chi' ix vay vin̈ yed' ix Bilha, schab'il yetb'eyum vin̈ smam chi'. Ix yab' vin̈aj Israel chi' tas ix sc'ulej vin̈ yunin chi'. Lajchavan̈ eb' vin̈ yuninal vin̈aj Jacob chi':

Gn 35:22 ပူးပေါင်းရင်းမြစ်များ

Gn 35:18

Palta yic wan xo xcham 'ix, jab'xoj tz'el-l yalni, xya'n 'ix sb'ic can jun 'unn chi Benoni; palta ax win Jacob, Benjamín xyac' win sb'ioc.

A Ch'an̈ Schab'l Libro Samuel 13:21

A yic xyab'n rey David tas 'ix uj cha, caw wal 'ix cot yowl si'mb'il, palta may tas 'ix yal 'a Amnón cha, yujto sb'ab'l 'unnal, caw wal xajn pax yu'uj.

A Ch'an̈ Schab'l Libro Samuel 20:3

A yic xjapx rey David 'a yatut jun 'ejm xo 'a Jerusalén, 'ix yi'n 'at eb' 'ix lajn̈wan̈ schab'l 'istzil 'aycn stan̈malc yatut, 'ix cann̈j eb' 'ix 'a jun n̈a yu'uj, yic tztan̈wx eb' 'ix. An̈jta 'ix 'ajx wa eb', palta man̈x 'aj xway jun 'ejmoc yet' eb' 'ix. 'Ix macx can 'och eb' 'a yol n̈a cha, 'ix cann̈j eb' 'ix 'a man̈x 'a yichmil, 'icha eb' 'ix chamnc yichmil, masnto xcham eb'.

1 Cr 5:1

A Rubén, atn win sb'ab'l 'unnal Israel, ax eb' yunnal: atn Hanoc, Falú, Hezrón yet' Carmi. Palta a Rubén ma'ix yij smacl yic sb'ab'l 'unnab'ilal, yujn̈ej to syam cot win yistzil smam. A jun smacl yic sb'ab'l 'unnab'ilal cha, ata x'ajx can 'a eb' yunnal José, atn junx win yunnal pax Israel cha. A yic xb'ey tiempo, a Judá caw niwn yel'ch 'ix 'aj 'a yib'n̈ eb' yu'tac, yujto a 'a x'elt jun yajal, palta ax jun macl yic b'ab'l 'unnab'ilal cha, a 'a José, ata 'aycni.

Ex 2:1

A 'a yic jun tiempoal cha, 'ay jun winc cotn̈c 'a eb' yin̈tl Leví, 'ix yij sb'a win yet' jun 'ix 'ix; an̈jtona', ata cotn̈c pax yin̈tl 'ix 'a win Leví cha, 'ix 'alj chawn̈ yunnal eb'.

Lv 18:8

May cab' mach tzyij 'el sq'uixwel smam yic tzb'on 'ajmulal yet' yistzil smam cha.

Nm 10:14

Ax eb' soldado 'et'jnac sbandera Judá, a eb' b'ab'el; a Naasón yunnal Aminadab a 'aych syajlilc eb'.

Nm 13:4

A eb' x'at cha, atn sb'i eb' tic: Samúa, yunnal Zacur yic eb' yin̈tl Rubén; Safat, yunnal Horí yic eb' yin̈tl Simeón; Caleb, yunnal Jefone yic eb' yin̈tl Judá; Igal, yunnal José yic eb' yin̈tl Isacar; Oseas, yunnal Nun yic eb' yin̈tl Efraín; Palti, yunnal Rafú yic eb' yin̈tl Benjamín; Gadiel, yunnal Sodi yic eb' yin̈tl Zabulón; Gadi, yunnal Susi yic eb' yin̈tl José, (tzyal 'el'chi atn eb' yic Manasés;) Amiel, yunnal Gemali yic eb' yin̈tl Dan; Setur, yunnal Micael yic eb' yin̈tl Aser; Nahbi, yunnal Vapsi yic eb' yin̈tl Neftalí; Geuel, yunnal Maqui yic eb' yin̈tl Gad.

A Tas Sc'ulejnac Eb' Schecab' Jesús Hechos 7:8

An̈jtona', ya'jnac can pax Dios strato yet' Abraham cha. Yaljnac can 'a 'a, to tz'och jun senya 'a sniwnal, yet' 'a eb' yin̈til, sec chequel to 'ay strato yet' eb'. A jun senya cha, atn jun circuncisión sb'i. Yuj cha, a yic yalj jun yunnal Abraham Isaac sb'i, yucb'ixial xo yalji, yajx circuncidar yuj Abraham cha. An̈jtona', 'ix 'alj pax jun yunnal Isaac, Jacob sb'i. 'Ix 'ajx pax circuncidar yuj Isaac cha. Ax Jacob, lajchwan̈ eb' yunnal 'aljnac. C'uxn xyac' circuncidar eb' smasnil. A eb' lajchwan̈ cha, atn eb' qui mam quichmec an̈ israel on̈c tic.

1 Co 5:1

'Ix wab'i, to 'ay jun winc 'a e cal caw 'ajmul. Tolab' 'ix smontj 'el win schab'l nun yic'. A jun cha, caw maysch'olnil. 'Intax 'a scal eb' mant 'ojtnacoc Dios, may 'aj tzb'o eb' jun chi 'ixta'.

Dt 27:12

A yic tzex c'axw 'ec' 'a yojl a Jordán, a eb' yin̈tl Simeón, Leví, Judá, Isacar, José yet' Benjamín, ata tz'aj eb' tic 'a lum yich witz Gerizim, sec ata 'oj yal eb' wach' paxti 'a yib'n̈ eb' chon̈ab'.

Dt 27:20

Catb'tzaxc cab' eb' tzmuln yet' yistl smam, yujto 'a yet' jun 'ix chi tzyij 'el sq'uixwel smam, xchi eb' levita. 'Ixta cab' tz'aji, 'oj xchic eb' chon̈ab'.

Apoc 21:14

A smuroal cha, 'ay lajchwe niwc q'uen 'aycn 'ejm yipnub'oc. Ax 'a sat junjn q'uen cha, ata tz'ib'b'il 'och sb'i eb' schecb' jun tzcuch Calnelu slajchwan̈il.

Jueces 5:14

'Ix 'eml eb' soldado yic Efraín 'a lum 'a'lic, tza'n yeml eb' soldado yic Benjamín yuj eb'. 'Ix 'eml pax eb' syajlil eb' soldado Maquir yet' eb' syajlil chon̈b' yic Zabulón.

A Ch'an̈ B'ab'el Libro Samuel 2:22

Caw wal 'ichm winc xo win Elí cha, palta 'ix yab' tas tzb'o eb' yunnal chi 'a eb' yit israelal. Xlaj way ewin yet' eb' 'ix 'ix tztan̈wni sti smac Mantiado 'aj tzchaj sba Dios yet' eb' 'anma'.