Gn 35:18 - Chuj San Sebastian Bible

¹⁸ Palta yic wan xo xcham 'ix, jab'xoj tz'el-l yalni, xya'n 'ix sb'ic can jun 'unn chi Benoni; palta ax win Jacob, Benjamín xyac' win sb'ioc.

Chuj San Mateo Bible

¹⁸ Palta ayic vanxo scham ix yuj jun unin chi', ix sayancan sb'i ix, Ben-oni ix sb'iejcani. Axo vin̈aj Jacob chi' jun, Benjamín ix yac' vin̈ sb'iej.

Gn 35:18 ပူးပေါင်းရင်းမြစ်များ

Gn 30:1

Snan sb'a sc'ojl 'ix Raquel, yujto may yune 'ix yet' Jacob, yuj cha, syamn 'och 'ix schichn 'och 'a spatc 'ix Lea cha, xyaln 'ix 'a win Jacob chi 'ixtic: —'Ac' wune', toto ma'ay tic 'oj in chami, xchi 'ix.

Gn 35:17

A yic 'aych 'ix 'a somc'ojlal yab'n syail, ax 'ix wetz'wjum cha, xyaln 'ix 'ixtic: Man̈ ach xiwoc, tox 'ix 'alj junx a winc 'unin, xchi 'ix.

Gn 35:19

'Ixta wal x'aj scham 'ix Raquel, xmucx can 'ix 'a yol b'e yic Efrata, atn jun lugar chi Belén sb'i ticnec.

Gn 35:24

A pax yunnal win yet' 'ix Raquel, atn José yet' Benjamín.

Gn 42:38

Palta 'ix yaln win Jacob 'ixtic: —Ma'oj 'at ni wunnal tic eyet'oc. 'Ilt win José chamnc winac, toq'ue 'ay pax tz'i'n junx ni tic 'a yol b'e, ax wal tz'och e mul, yic tzin cham an 'ichm in tic yuj cusc'ojlal, xchi winac.

Gn 42:4

Ax win Benjamín yu'tac win José, ma'ix schaj 'at win Jacob chi winac, yujto sna win 'ixtic: Toq'ue 'ay tz'i'n win wunnal tic, xchi winac.

Gn 43:14

A Dios tztac' yuj smasnil, a 'oj 'och 'a snab'en jun winc cha, ax ya'n 'elt ni eyu'tac Simeón, sec wach' 'oj 'aj pax smeltzj ni eyu'tac Benjamín tic eyet'oc. An xo pax an tic, wach'xam tzin can 'a man̈x 'a wunnal, xchi win Israel cha.

Gn 49:27

Ach xo ach tic Benjamín, lajn ach 'icha wal junc no 'ocs caw ow, a 'a yic caw sq'uin̈b'il to, tzchin 'ejm yit noc'al; ax 'a yic sq'uic'b'alil xo, tzpojn can 'ec' tas matz lajw yu'uj, xchi win Jacob 'a eb' yunnal cha.

1 Cr 4:9

A Jabes cha, 'ixtc 'ix 'ajx sb'ic yuj snun yujto 'ix yal 'ix 'ixtic: Yet' wal yailal x'aj yalj jun wune tic, xchi 'ix. Caw niwn yel'ch Jabes cha 'a yib'n̈ eb' yu'tac.

Salmos 16:10

Yujto ma'oj actc can in pixn 'a scal eb' chamnac, ma'oj a cha c'a in niwnal an sic'b'iln 'el oj tic.

Salmos 80:17

Cojn b'i'an, to tza b'achb't a c'ab' 'a yib'n̈ jun mach sic'b'il 'el o'oj, atn win rey to ach 'ix ac' yip.

Ex 12:7

Smasnil te n̈a 'aj 'oj chixoc no noc' cha, junjn mamb'il 'oj succh jac schic'l no noc' chi 'a sjolm smarcoal smac yatut yet' 'a smarcoal 'a smo'och.

Lm 2:12

'Ay eb' 'unn tzaln cob' 'ixtc 'a snun: 'Ac' jac tas tzqui c'ux on̈ mto tas tzcu'j on̈, xchi cob' eb'. 'Icha wal to lajwnac eb', tzlaj chamcn eb' 'a yol scayeal chon̈ab'. Toxn̈ej tzsi'si'n eb' scham 'a yol sc'ab' snun.

Lc 12:20

Palta xyaln Dios 'ixtc 'a winac: Ach tic, caw may jac a nab'en. A 'a jun 'ac'wl tic ax a chami. Ax jantcn̈ej tas cob' molb'il o'oj, ¿machm 'oj 'ica'anoc? xchi 'a winac.

Lc 23:46

Ax Jesús, caw 'ip 'ix 'awj cha'an̈, xyaln 'ixtic: —Mamin, tic tzwac' 'ab'enal in pixn 'a yol a c'ab', xchi 'a Dios. Xlajwn̈ej yaln jun cha, 'ix chami.

A Tas Sc'ulejnac Eb' Schecab' Jesús Hechos 7:59

Wan xo sjuln cham eb', 'ix leslwi Esteban, 'ix yaln 'ixtic: —Ach Wajlil Jesús, chaj in pixan, xchi.