Gn 34:26 - Chuj San Sebastian Bible

²⁶ 'Ix smiln cham ewin pax win Hamor yet' Siquem, xlajw cha, xyi'n 'elt ewin 'ix Dina 'a yol yatut winac, xpax eb' 'a scamplamento.

Chuj San Mateo Bible

²⁶ Ix miljicham vin̈aj Hamor yed' vin̈aj Siquem yuj eb'. Ix lajvi chi' ix yic'anelta ix Dina eb' vin̈ d'a yol spat vin̈aj Siquem chi', ix paxta eb' vin̈.

Gn 34:26 ပူးပေါင်းရင်းမြစ်များ

Gn 34:25

Palta ax Simeón yet' Leví ewin yunnal Jacob, snul'j 'ix Dina, schab'jil xo cha, x'at ewin 'a jun chon̈b' cha, ya' sb'a ya'ay ewin quelmtac chi yuj circuncisión cha, a yic xc'och eb' 'a yol chon̈b' cha, syamn 'och ewin smiln cham ewin ya'ay chi smasnil yet' yespada, yujto man̈xtzac stac' scoln sb'a eb'.

Gn 34:27

Xc'och pax jun tzo'n̈ xo ewin yunnal win Jacob cha, tojln̈ej yec' ewin 'a yib'n̈ ewin chamnc cha, x'at yi'nc 'elt ewin smasnil tastc 'ay 'a eb' 'anma cha, 'ixta xyutj ewin ya'n spac, yujto xyixtj win Siquem 'ix yanb' ewin cha.

A Ch'an̈ Schab'l Libro Samuel 2:26

'Ix 'awj 'at Abner chi 'a Joab, xyaln 'ixtic: —¿Tom ma'oj och wan a miln cham eb' 'anma tic? ¿Tom man̈xtzac a na jab'oc, chajtlto a jun tic, cojn somc'ojlal tzyij cot 'ayon̈? ¿B'a'n̈ wal 'oj al 'a eb' 'anma tic, yic tz'och wan eb' spechn b'eyc' eb' yit chon̈ab'? xchi.

Is 31:8

'Oj 'ejmc Asiria yuj q'uen espada, palta man̈ 'anmac 'oj utnc 'ixta yet' sjelnal. A jun owl chi 'oj pechnc 'at eb' 'anma 'a jun chon̈b' chi 'eloc, ax eb' quelmtac, 'oj 'ochcn eb' mosoal.

Lc 21:24

Nan̈l eb' 'oj milxc cham yuj owl cha. Nan̈l xo eb' 'oj 'atcn 'a 'icha presoal, ax spojx can 'ec' eb' 'a junjn chon̈ab'. A eb' man̈ israeloc cha, caw 'oj 'ixtxoc can 'el Jerusalén tic yuj eb'. 'Ixta 'oj 'ajoc, masnto 'oj lajwc jun tiempoal 'aj tzyac' eb' yajlil 'icha yaj snan Dios.

Dt 32:42

Caw chi'ctac 'oj 'aj in jul-lab' yuj schic'l eb', ax wespada 'oj tzu'nc can 'at snan̈l schib'jal eb' chamnc cha, yet' eb' yamchjnac cot 'a owal. A sjolm eb' yajl yajch 'a eb' 'ajc'ojl cha, caw chi'ctac xoj 'oj 'ajcni, xchi Dios.