Gn 33:14 - Chuj San Sebastian Bible

¹⁴ Yuj cha, caw wach' tzach b'ab'l 'at 'a wojltac; al in c'ojnc'ojnil 'oj in 'ati, a tzyal jantc sb'ey eb' 'unin, yet' no calnelu yet' no wacx tic. 'Ojx ach wil'ch 'a Seir, xchi Jacob.

Chuj San Mateo Bible

¹⁴ Yuj chi' vach' tzach b'ab'laj vuuj. A inxo tic, c'ojanc'olaln̈ej ol in b'atoc, icha syal sb'ey eb' unin yed' noc' noc' tic. Olxo ach vilc'och d'a Seir, xchi vin̈.

Gn 33:14 ပူးပေါင်းရင်းမြစ်များ

Gn 32:3

Xlajw cha, xchecn 'at Jacob jun tzo'n̈ eb' schecb' 'a lum Seir, 'a yol yic Edom, yic tz'at alxoc yab'xil 'a Esaú chajtlto wan sjapx jun yu'tac chi 'a 'a.

Gn 32:4

Xyaln schecnb'il 'a eb' 'ixtic: 'At alc 'ixtc 'a ni wu'tac Esaú: To a ni o'tac Jacob, tzya'ch sb'a ni 'a yaln̈ a checnb'il, xe chi 'a 'a. Tzeyaln paxi to a yet' win Labán in 'ec' jun tiempoal.

Gn 33:13

Xta'w Jacob 'ixtic: —Ach wu'tac, ojtac to a eb' 'unin c'un sc'unb' chan̈ eb'. Tzin na pax yuj no calnelu, yet' no wacx cotcto yune', q'uinloc tzin pech e no', toq'ue tzc'unb' chan̈ e no', 'ay smay scham smasnil e no 'a junn̈j c'u.

2 Cr 20:10

A ticnec, 'ilto, 'ayc' eb' amonita, yet' eb' moabita, yet' eb' cajn 'a lum jolm witz 'a yol yic Seir, atn lum slum eb' 'aj ma'ix yal a c'ojl to 'ix 'e't eb' quit israelal on̈, yic xcot eb' 'a Egipto, yuj cha, 'ix sjeln eb' sb'e, ma'ix yac' lajwc 'el eb' 'anma cha.

Is 40:11

'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

Ez 25:8

An Jehová Yajl in, an tzwal 'ixtic: A eb' 'aj Moab yet' eb' 'aj Seir, tzyal eb' to a eb' 'aj Judá, lajn eb' yet' jun tzo'n̈ xo nacion̈.

Mr 4:33

Til wal jun tzo'n̈ 'ab'x 'icha jun tic 'ix yal Jesús 'a eb' 'anma', yic 'ix yaln 'el spaxti', cojn jun tzo'n̈ tas tznachj 'el yuj eb', a xyal-li.

Ro 15:1

An̈ec tic, te'n on̈c xo 'a yic Dios, yujto tznachj 'el cujec, to may yowlal jun tzo'n̈ cha. Palta 'ay eb' mant 'a ste'nal, tzxiw eb' yu'uj. Yuj cha, yowlal tzca'c techjoc tas tzna eb', sec matz somchj 'el eb' cujec. Matz tac' qui comn b'onec 'icha tzqui nib'ej.

1 Co 3:2

'Icha junc tz'ulc 'unin, mantzac stac' xon swan jac wa'il, 'ixta 'ex ta'. Yuj cha, 'icha tz'aj yajx chuw junc tz'ulc 'unn cha, 'ixta 'ec' wutjnac waln jun tzo'n̈ cuynb'il 'ayex. An̈j jun tzo'n̈ cuynb'il man̈ 'ajltacc 'ec' waljnac 'ayex, yujto a jun tzo'n̈ cuynb'il ya, mantzac techj eyuj ta'. Palta an̈jtona', 'ixta 'ex to pax ticnec,

Dt 2:1

Xlajw cha, on̈ cotc pax 'a lum cusltac lum cha, on̈ 'ochc 'a sb'el a Chac Mar, 'icha wal xyutj Jehová yaln 'ayin. Caw niwn tiempo on̈ oyyec' qui b'eyc 'ec' 'a lum switzl Edom.

Jueces 5:4

Mamin Jehová, a wal yic ach 'elt 'a lum switzl Seir, yet' yic a b'eyc' 'a lum Edom, caw wal x'ib'x lum lu'um, xcot pax n̈ab' 'a satchan̈ yuj 'asun.