Gn 33:10 - Chuj San Sebastian Bible

¹⁰ Palta ax win Jacob xyac' yip yaln 'a 'ixtic: —May wu'tac, toto wach'n 'a a sat, chaj smasnil jun tzo'n̈ siylab' tic tzwac' 'ayach, yujto a yic tzach wiln tic, 'icha wal to a qui Mam Dios tzwilchi, yujto wach' in otj in a chani.

Chuj San Mateo Bible

¹⁰ Palta ix och ijan vin̈aj Jacob chi' yalan d'a vin̈ icha tic: —Maay vuc'tac, tato vach' in d'a ichan̈, cha juntzan̈ silab' svac' tic d'ayach, icha val to a Dios svilochi ayic tzach vilan tic, yujto d'a vach'c'olalil ix in a cha'a.

Gn 33:10 ပူးပေါင်းရင်းမြစ်များ

Gn 19:19

Caw wal niwn xo e wach'c'ojlal tze ch'ox 'ayin, 'in to in e colcn 'elta, sec matz in chami. Palta matz tac' in 'at 'a jolmctac witz cha, tecn tzin yamchj yuj jun yailal chi 'a yol b'e, ax in chami.

Gn 32:30

Xya'n can Jacob sb'ic jun lugar chi Peniel, yujto xyal 'ixtic: Caw wal xwil Dios yet' in sat, palta 'in pitzn in to, xchi winac.

Gn 33:11

Tzin tew 'ayach, chaj jun tzo'n̈ siylab' xwij cot 'aych tic, yujto a Dios x'el 'a sc'ojl ya'n in ricoal, may jac tas tzyac' palta 'ayin, xchi. Syamn 'och Jacob wal stew 'och 'a Esaú, ax x'aji c'ojnc'ojnil schaj jun tzo'n̈ siylab' cha.

Gn 33:9

—May wu'tac, til wal no wico'; can cab' no et'oc, xchi Esaú.

Gn 43:3

Palta xta'w win Judá 'a 'ixtic: —Caw wal wach' xyutj win chon̈m trigo yalni: Toto matz eyij cot win eyu'tac slajb' 'unn cha, man̈x ex jawc 'ayin, xchi winac.

Gn 47:29

A yic jab'xoj scham win Israel chi tzyab'i, xya'n 'awtxoc cot José, atn win yunnal, xyaln 'a 'ixtic: —Toto 'ay wal a chamc'ojlal 'ayin, tzin tew 'ayach, to tza'ch a c'ab' 'a yaln̈ in xub' tic, yic tza ta'wni a tic 'ayin, to matz in a muc 'a Egipto tic.

Gn 50:4

Yic xlajw 70 c'u cha, 'ixta b'i'an, x'at José paxtinc yet' ewin 'ay yopiso 'a sdespacho win rey faraón, xyaln 'a ewin 'ixtic: —Toto wach'n 'a e sat, 'o'ch cab' e c'ojl 'ayin, tzex 'at paxtinc 'a win rey wu'uj,

A Ch'an̈ Schab'l Libro Samuel 14:24

Palta xyaln win rey chi 'ixtic: C'ax'e'l cab' tzc'och ni Absalón chi 'a yatut, matz in nib'j to 'oj jawc ni 'a wojltac, xchi. Yuj cha, c'ax'e'l 'ix c'och Absalón chi 'a yatut, ma'ix yil xon sb'a yet' win rey cha.

A Ch'an̈ Schab'l Libro Samuel 14:28

'Ayx schab'l ab'il sjaw Absalón 'a Jerusalén, palta matz tac' sc'och 'a yojltac win rey cha.

A Ch'an̈ Schab'l Libro Samuel 14:32

'Ix ta'w Absalón 'ixtc 'a Joab: —Ach 'at wa' cotoc, sec tz'at a c'anb'c 'a win rey tas yuj in 'at paxtc 'a chon̈b' Gezur. Q'uinloc ma'ay, yel xo am wach' ata 'ayn 'ec' ta'. A ticnec tzin nib'j wil in b'a yet' win rey, toto 'ay mach 'aj 'ay in mul, tztac' cab' in chami, xchi winac.

A Ch'an̈ Schab'l Libro Samuel 3:13

'Ix ta'w David, xyaln 'ixtic: —Tzchaj in c'ojl in b'on junc in trato chi et'oc, cojn jun tas tzwalb't 'ayach; caw matz tac' a jaw 'a wojltac, toto matz ej cot 'ix wistzil, atn 'ix Mical yisl Saúl 'a yic tzach jaw wul in ela', xchi.

Job 33:26

A yic 'oj yalnc sb'a 'a Dios, ax ya'n Dios chi swach'c'ojlal 'a yib'an̈; caw tzaljc'ojlal 'oj yil-lac 'och sat yet' Dios, ax Dios chi 'oj 'a'nc 'och 'a wach'c'ojlal yet' jun 'ejm xo.

Salmos 41:11

'Ixta 'oj 'aj snachj 'el wu'uj, chajtlto xin b'o 'icha tas tza nib'ej, yujto a eb' 'ajc'ojl yajch 'ayin, ma'ix tzalj eb'.

Jeremías 31:2

A eb' 'anma 'ix 'at 'elc 'a yol sc'ab' chamel, ata schaj eb' in wach'c'ojlal 'a lum cusltac lu'um, yic wan sayn 'ec' eb' 'aj wach' tz'ilji.

Mt 18:10

Caw man̈ e patquilc can 'el eb' 'unn tic. An tzwal 'ayex, a eb' ángel tztan̈wni junjn eb', 'ayc'n̈ej eb' 'a yojltac qui Mam Dios 'a satcha'an̈.

Apoc 22:4

'Oj yil wal eb' sat. 'Oj 'och sb'i 'a snan̈l sat eb'.

Rt 2:10

A yic xyab'n 'ix 'ixta', 'ix 'em n̈ojnjoc 'ix 'a sat lu'um, 'ix yaln 'ix 'a win Booz chi 'ixtic: —¿Tas yuj wach' tzotj paxtinc a b'a 'ayin? Caw wach' pax tzotj a nab'en 'ayin, tic pax wal chuc chon̈b'al in, xchi 'ix.

A Ch'an̈ B'ab'el Libro Samuel 20:3

'Ix yaln David 'ixtc 'a Jonatán: Caw wal yojc a mam cha, chajtlto caw wach' waj et'oc, yuj cha, matz yal ab'i', sec matz ach cus wu'uj. Palta tzyil Jehová chajtlto jab'xoj sjaw chaml 'a wib'an̈, xchi.