Gn 32:4 - Chuj San Sebastian Bible

⁴ Xyaln schecnb'il 'a eb' 'ixtic: 'At alc 'ixtc 'a ni wu'tac Esaú: To a ni o'tac Jacob, tzya'ch sb'a ni 'a yaln̈ a checnb'il, xe chi 'a 'a. Tzeyaln paxi to a yet' win Labán in 'ec' jun tiempoal.

Chuj San Mateo Bible

⁴ Ix yalan vin̈ d'a eb' schecab' chi' icha tic: Alec d'a vin̈ vuc'tac aj Esaú icha tic: A vin̈ uc'tac aj Jacob syac'och sb'a vin̈ d'a yalan̈ a mandar. Tzeyalanpaxi to a yed' vin̈aj Labán ix in ec' jun tiempoal tic.

Gn 32:4 ပူးပေါင်းရင်းမြစ်များ

Gn 23:6

—Mamin, 'ab' wal tas 'oj cal 'ayach, ach tic niwn 'elch 'a qui cal on̈. Yuj cha, muc 'ix estzil chi 'a junc 'aj tzmucx eb' chamnc 'anma', junc caw wach' yilx tzela. May junc on̈ matz qui chaj a muc sniwnal 'ix estzil 'a 'aj tzmucx eb' chamnac, xchi eb' 'a winac.

Gn 25:30

Yuj cha, xyaln win Esaú 'ixtc 'a win Jacob: —Tzin tew 'ayach, 'ac' in c'ux jac a tan chac yilx cha, caw tzin cham yuj wejel, xchi winac. (Yuj cha, Edom x'ajx can sb'ic winac.)

Gn 27:29

Til wal 'anma 'oj a'n servil. Smasnil eb' nacion̈ 'oj 'em cumn eb' 'ayach. 'Oj och yajlil 'a yib'n̈ eb' o'tac. ¡'Oj laj 'em cumn eb' 'a ojltac! A eb' tzaln maysch'olnil 'a a patic, maysch'olnil yic eb', ax eb' tzach aln wach'il, wach' yic eb', xchi Isaac.

Gn 27:37

'Ix yaln Isaac chi 'a Esaú 'ixtic: —'Ilto, tox xwa'ch yopiso ni Jacob 'a eb'an̈. Smasnil eb' yu'tac 'oj 'och eb' schecb'oc. An̈jtona', tox 'ix walcni, to til wal 'oj yutc ya'n trigo yet' te uva 'a na. ¿Tasto wal wach' tzach wutj ach wunnal? xchi.

Gn 31:41

Junc'l ab'il wal in 'aj et' 'a atut. Chan̈lajn̈e ab'il in munlj yuj chawn̈ eb' 'ix esl tic; ax waque xo ab'il in munlj 'aych yuj no 'a cajb'en noc' tic, lajn̈ 'ejm 'ix in extj paxti yuj in tojol.

Gn 32:18

tzaln 'a 'ixtic: A jun tzo'n̈ tic siylab' Jacob 'ayach, tza'n sjaw 'a in patic, xa chi 'a 'a, xchi win Jacob cha.

Gn 32:5

A ticnec 'ay in wacax, in calnelu, in chiwo, in b'uru, ewin in checab' yet' eb' 'ix in checab'. Tzwalb't jun 'ab'x tic 'aych mamin Esaú, yujto tzin nib'j tzin 'och 'a junc'ojlal et'oc, xchi Jacob, xe chi 'a 'a, xchi 'a eb'.

Gn 33:14

Yuj cha, caw wach' tzach b'ab'l 'at 'a wojltac; al in c'ojnc'ojnil 'oj in 'ati, a tzyal jantc sb'ey eb' 'unin, yet' no calnelu yet' no wacx tic. 'Ojx ach wil'ch 'a Seir, xchi Jacob.

Gn 33:8

Sc'anb'n Esaú 'a win Jacob 'ixtic: —¿Tas tza nib'j tza b'o yet' jun tzo'n̈ no noc' xin chaj 'a yol b'e? xchi Esaú. —Ec yaj smasnil no noc' cha, sec wach' man̈x 'a tu nab'enal tza na 'a in patic, xchi.

Gn 36:8

Yuj cha, 'ix 'at Esaú 'at scaj lum jolmctac witz yic Seir.

Gn 36:9

Atn eb' yin̈tl Esaú tic, ewin smam 'ichm eb' edomita, ewin 'e'nc cajn 'a lum jolmctac witz yic Seir.

Gn 4:7

Toto wach' tas tza b'o'o, tzaljc'ojlal am aji, palta tu tas tza nib'j a b'o', yuj cha, a maysch'olnil chi q'ueln xo 'och 'ayach yic tzach ya'n telwoc, palta tztac' ach tzac' 'ejm jun maysch'olnil cha, xchi.

A Ch'an̈ B'ab'el Libro Yic Yab'ixal Eb' Rey 20:32

'Ix ya'n 'och eb' spichl n̈achtac sat cha, sut'n 'och eb' lasu 'a sjaj, 'ix 'at sch'oxnc sb'a eb' 'a yojltac win sreyl Israel, xyaln eb' 'ixtc 'a winac: —A win a checb' Ben-adad pitzn winac, tzwul yac' win cal 'ayach, comnoc tzac' niwnc'ojlal 'ayn̈ yet' winac, xchi eb'. Xta'w win Acab 'a eb' 'ixtic: —¿Tom pitzn to win jun? A 'a in sat an tic, 'icha wal wu'tac yaji, xchi 'a eb'.

Ex 32:22

'Ix ta'w Aarón 'ixtic: —Mamin, comnoc matz cot owl 'ayin. 'In ojc wal snab'en eb' 'anma tic, caw wal tznib'j eb' sb'o maysch'olnil.

Pr 15:1

A mach wach' tzyutj spacn junc paxti', tztup 'ejm owl yu'uj; ax toto ow tzyutj spacni, ton̈j tzwach' niwtj junc owl chi yu'uj.

Pr 25:15

A paxti to yic niwnc'ojlal yaji, c'un pax tz'aj yalxi, sictac tz'aj eb' tenmtac yu'uj, yet' pax eb' yajal, 'oj montchjoc eb'.

Pr 6:3

Ach wunnal, 'ixtc wal tzotj a coln 'el a b'a 'a yol sc'ab' junc et 'anmal cha: Tz'at ec' 'ejm a b'a 'a 'a, tza'n pural ya'n can pax junc smajn chi 'aj 'ix ac' a b'a fiadoral yuj cha.

Ec 10:4

Q'uinloc a junc mach yajl yaj 'ayn̈ec tzcot yowl yuj junc qui paltail, man̈ yajn̈joc cha, tzcactnec can copiso 'aj 'ayn̈ec 'ochi. Toto tzquijec 'ejm qui b'a, 'ay sb'omb'il jun qui paltail cha, wach'xam niwquil yalxi.

Is 21:11

Alb'il can 'el jun tzo'n̈ paxti tic 'ixtc 'a yib'n̈ chon̈b' Edom: 'Ay jun mach 'ix 'awj cot 'ayn 'a Seir, 'ix yaln 'ixtic: Ach macwjum, ¿jantc to wal sacb' ticnec tzela? xchi.

Lc 14:11

Tzann̈j mach tzyij chan̈ sb'a, 'oj 'ijxoc 'ejmi, man̈x 'a jac yel'ch 'oj 'ajoc. Palta ax mach tzyij 'ejm sb'a, 'oj 'ijxoc cha'an̈, caw niwn yel'ch 'oj 'ajoc, xchi Jesús.

A Sb'ab'el Carta San Pedro 3:6

'Ixta yutjnac sb'a 'ix Sara. Caw yiclum yutjnac sb'a 'ix 'a Abraham. 'In yaljnac 'ix 'ixtic: Wajlil ach, xchi 'ix 'a winac. Yuj cha, toto wach' tzeyutj e b'a jun xo, may junc tas 'aj tzex xiw jab'oc. Toto 'ixta', lajn e nab'en yet' Sara cha.

Jueces 5:4

Mamin Jehová, a wal yic ach 'elt 'a lum switzl Seir, yet' yic a b'eyc' 'a lum Edom, caw wal x'ib'x lum lu'um, xcot pax n̈ab' 'a satchan̈ yuj 'asun.

A Ch'an̈ B'ab'el Libro Samuel 26:17

A yic 'ix yab'n Saúl sjaj David, 'ix 'awj 'a win 'ixtic: —¿Tom ach David ach, ach tic 'icha wunnal aji? ¿tom ach tzach paxtin 'ayin? xchi Saúl. —N', an ton ach wajlil.