Gn 32:29 - Chuj San Sebastian Bible

²⁹ —A ticnec al a b'i 'ayin, xchi Jacob 'a winac, yuj cha, xyaln win 'a 'ixtic: —¿Tas yuj tza c'anb'j in b'i? xchi. Xlajw cha, xyaln can win wach' paxti 'a yib'n̈ Jacob cha.

Chuj San Mateo Bible

²⁹ —A ticnaic al d'ayin tas a b'i ach tic, xchi vin̈aj Jacob chi'. Axo ix yalan jun vinac chi' icha tic: —¿Tas yuj tza c'anb'ej in b'i? xchi. Ata' ix yalcan vach' lolonel d'a yib'an̈ vin̈aj Jacob chi'.

Gn 32:29 ပူးပေါင်းရင်းမြစ်များ

Gn 17:5

Man̈x Abram 'oj a b'i'oc, palta Abraham 'oj a b'i'oc, yujto niwn nacion̈ 'oj ach wa'ch smam 'ichmoc.

Gn 35:10

'Ix yaln 'ixtic: Ach tic tza cuch Jacob, palta ticnec man̈x 'ichcta 'oj a b'i'oc, a ticnec tza cuchcn Israel, xchi Dios 'a Jacob. Yic xlajw sjeln can Dios sb'i Jacob,

Gn 35:9

A yic xmeltzj win Jacob 'a Padan-aram, xch'oxn sb'a Dios jun 'ejm xo 'a 'a, xyaln Dios wach' paxti 'a yib'n̈ winac.

A Ch'an̈ B'ab'el Libro Yic Yab'ixal Eb' Rey 18:31

'Ix yi'n cot Elías lajchwe q'uen q'ue'en, yujto 'ixta sb'isl eb' yunnal Jacob, atn win 'aj alb'il yuj Jehová to Israel tz'aj sb'i.

A Ch'an̈ Schab'il Libro Yic Yab'ixal Eb' Rey 17:34

Sb'eylb'ejn̈ej eb' 'icha xon sb'eyb'al 'a yaln̈taxi; matz 'och eb' 'emmquilal 'a Jehová, matz yiclj eb' sb'on 'icha yaln sley yet' schecn̈b'il jun 'ix 'ajx sb'eylb'oc eb' yin̈tl Jacob, atn jun 'ix 'ajx sb'ic Israel.

1 Cr 1:34

A Abraham a 'ay yunnal Isaac. Ax eb' yunnal Isaac, atn Esaú yet' Israel.

Job 11:7

Am wal tzotj a nani, to 'oj ojcoc 'el sjelnal Dios to c'ultac yaji, atn jun Dios tztac' yuj smasnil.

Pr 30:4

¿Mach wal junc xit'q'ue 'a satcha'an̈, 'ix 'empaxta? ¿Mach junc tztac' syamn 'och wan 'ic' 'a yol sc'ab'? ¿Mach junc tztac' spichn 'och a mar 'a yol spotil? ¿Mach jun x'a'n can 'ejm smon̈jonal lum lum tic? Alc 'ayin toto eyojtac tas sb'i, tas pax sb'i yunnal.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Os 6:1

'Oj cob' yal eb' 'anma chi 'ixtic: Cotn̈ec e masnil, meltzj coyc pax 'a Jehová. A 'on̈ cotc ch'iychtanec 'ati, palta 'oj ya'x b'oxc qui c'ojlec, on̈ ya'c lajwoc, palta a pax 'oj can̈tnec.

Nm 20:14

A yic 'ayc' Moisés 'a lum Cades, 'ix schecn 'at jaywn̈ eb' schecb' 'a win sreyl Edom, yic tz'at yalnc eb' 'ixtc 'a 'a: An̈ israel on̈ tic, cu'tac to qui b'a eyet'oc, tecn tzeyab' yab'xil tas wal tzon̈ 'aj quixtx 'a Egipto.

Lc 1:19

'Ix yaln pax jun ángel chi 'ixtc 'a winac: —An ton tic Gabriel in, 'ayn 'och ya'malc servil Dios; a 'in checn cot wul wal jun wach' 'ab'x tic 'ayach.

Dt 29:29

'Ay jun tzo'n̈ tas man̈ cojcoc: A jun tzo'n̈ cha, yic Jehová qui Diosalec yaji; 'ay pax jun tzo'n̈ tas tz'ajx cojcoc 'eli, tz'ajx pax yojcoc 'el eb' cunnalec, sec tzqui yicljec 'a smasnil tiempo; atn smasnil checnb'il yet' jun ley tic.