Gn 32:20 - Chuj San Sebastian Bible

²⁰ Tzeyaln 'ixtic: A 'a checb' Jacob, tza'n sjaw 'a qui patc on̈, xe chi 'a 'a, xchi win 'a ewin schecb' cha. Yujto sna win Jacob 'ixtic: Tecn 'oj sicb'oc 'ejm yowl sc'ojl Esaú yuj jun tzo'n̈ siylab' xwac' b'ab'ljoc wuj tic, 'ixta 'oj wutc wiln in b'a yet'oc; toto 'ixta', tecn 'oj in scha 'a tzaljc'ojlal, xchi.

Chuj San Mateo Bible

²⁰ Tzeyalani: Tzac'an vin̈aj Jacob a checab' cuuj, xe chi, xchi vin̈ d'a eb' vin̈ schecab' chi'. Icha tic ix yutej snaan vin̈aj Jacob chi': Tecan ol emta yoval sc'ol vin̈aj Esaú yuj in silab' ix vac' b'ab'laj d'a vichan̈, ol vilan val och in b'a yed' vin̈. Tato icha chi' tecan ol in scha vin̈ d'a vach'il, xchi vin̈.

Gn 32:20 ပူးပေါင်းရင်းမြစ်များ

Gn 32:19

'Ixta pax xyutj yaln 'a win schac'ajil yet' 'a win yoxc'ajil; 'ixta xyutj yaln 'a smasnil ewin 'et'jnac junjn monto no noc' cha: —A yic 'oj e chanc e b'a yet' Esaú cha, jun lajnn̈ej tzeyutj eyalni.

Gn 32:21

'Ixta xyutj win Jacob ya'n b'ab'ljoc siylab' 'a yojltac, palta xcan to win junx 'ac'wl 'a scamplamento.

Gn 43:11

Xlajw cha, 'ix yaln win mamb'il chi 'ixtic: —Man̈x 'a wach' cutni, b'o cab' 'icha tzeyal cha, 'ixquec. 'Ijec 'at jac siylab' 'a winac, jun tzo'n̈ caw wach', caw chan̈ stojol, a tzeyij 'at 'a, atn bálsamo, no yal chab', perjuma, mirra, nueces, yet' te almendra.

A Ch'an̈ B'ab'el Libro Yic Yab'ixal Eb' Rey 20:31

Yuj cha, ax eb' 'aych yajlil yet'oc, 'ix yaln eb' 'a 'ixtic: —'Ix cab'i to a eb' sreyl Israel, to wach' snab'en eb'. Comnoc tzchaj a c'ojol, tzca'ch qui pichl n̈achtac sat tzqui sut'n 'och lasu 'a qui jaj on̈, tzlajw cha, tz'at qui ch'oxnc qui b'a 'a yojltac win sreyl Israel chi 'on̈. Lemb'il tzyac' win niwnc'ojlal 'ayn̈ec, xchi eb' 'a Ben-adad.

Pr 15:18

Toto c'un scot cowlec, cojn owl tzq'ue wan cujec; ax toto niwn qui c'ojlec, tzca'c tup owal.

Pr 16:14

A yowl sc'ojl win rey, chaml tzyij coti, ax eb' jeln snab'en, a eb' tzsayn sb'omb'il tas tz'aj yec' yowl sc'ojl win cha.

Pr 18:16

Yuj tas tzqui siyjec, tztac' sjacw puerta 'ayn̈ec, 'ixta tzon̈ 'ajc qui c'och 'a eb' 'anma niwc yopiso.

Pr 21:14

A siylab' c'ultac tz'ajxi, a tz'a'n tup c'a'lc'ojlal.

Pr 6:35

Matz chaj win siylab' tzyac' mach tz'och smul cha, matz sicb' xon jac yowl sc'ojol, wach'xam caw niwn siylab' tz'ajx 'a winac.

Jonás 3:9

Toq'ue tzat tztac' sjeln Dios snab'en 'a q'uib'n̈ec, yic tz'och wan yowl sc'ojol, toto 'ixta', matz on̈ chamec, xchi win rey 'a jun ley cha.

2 Ti 2:25

An̈jtona', 'emmquil tzyutj eb' yaln 'a eb' tzchichn 'och 'a 'a. Toq'ue 'oj yac' Dios sna sb'a eb', ax yojcan 'el eb' jun cuynb'il caw yel.

A Ch'an̈ B'ab'el Libro Samuel 6:5

Yuj cha, b'oc yechl jun tzo'n̈ malel yab'il cha, tze b'on pax yechl no ch'ow tz'ixtn 'el sat qui lu'um, tzeyi'n chan̈ sb'i sDiosal Israel. Lemb'il tz'och wan qui yailal yu'uj, yet' 'a eb' qui diosal. Comnoc tz'och pax wan yixtx sat qui lumec.