Gn 32:13 - Chuj San Sebastian Bible

¹³ A 'a yic jun 'ac'wl cha, xcancn Jacob wayc 'a 'aj 'ayc' cha. Ax yic sacb'i, 'a 'a scal smasnil tas 'ay 'a yol sc'ab', 'ix si'lni tas tzsiyj 'a Esaú:

Chuj San Mateo Bible

¹³ A d'a jun ac'val chi', ix vaycan vin̈ ta'. Ayic ix sacb'i, a d'a scal masanil tas yed'nac vin̈, ix siq'uel tastac vin̈ yic siej vin̈ d'a vin̈ yuc'tac chi':

Gn 32:13 ပူးပေါင်းရင်းမြစ်များ

Gn 13:16

'Icha wal spoccal lum lu'um, may mach tztac' sb'isni, 'ixta 'oj 'aj en̈til.

Gn 15:5

'Ix yi'n 'el Abram 'a b'esan, 'ix yaln 'a 'ixtic: —'Ilt wal yilx q'ue satcha'an̈, b'is nab'n jun tzo'n̈ c'anal cha, toto tzb'ischj eb' o'oj. 'Ixta 'oj 'aj sb'isl en̈til, xchi Dios.

Gn 18:2

ax xyilni lin̈n 'ec' 'oxwn̈ winc 'a yojltac 'ati. A yic 'ix yiln cha, yajn̈j wal cha, 'ix 'at win 'at scha eb' muc'uc. Xlajw cha, x'em n̈ojnjoc win 'a sat lum 'a yojltac eb'.

Gn 22:17

to tzwalcn 'el in wach' paxti 'a eb'an̈. 'Oj wic' wal chan̈ sb'isl en̈til. 'Icha wal sb'isl c'anal 'a satcha'an̈, 'icha pax yarenail sti a mar, 'ixta 'oj 'aj eb'. Ax ya'n pax ganar eb' 'a eb' 'ajc'ojl yajch 'a 'a.

Gn 32:14

Chab' ciente no nun chiwo, junc'l pax no smam, chab' ciente no nun calnelu, junc'l pax no smam.

Gn 33:10

Palta ax win Jacob xyac' yip yaln 'a 'ixtic: —May wu'tac, toto wach'n 'a a sat, chaj smasnil jun tzo'n̈ siylab' tic tzwac' 'ayach, yujto a yic tzach wiln tic, 'icha wal to a qui Mam Dios tzwilchi, yujto wach' in otj in a chani.

Gn 33:8

Sc'anb'n Esaú 'a win Jacob 'ixtic: —¿Tas tza nib'j tza b'o yet' jun tzo'n̈ no noc' xin chaj 'a yol b'e? xchi Esaú. —Ec yaj smasnil no noc' cha, sec wach' man̈x 'a tu nab'enal tza na 'a in patic, xchi.

Gn 42:6

Ax José yajl yajch 'a Egipto cha, a tz'a'n 'elt 'ixm trigo 'a eb' manwjum tzlaj c'ochi. A yic xc'och eb' yu'tac 'a yojltac, x'em n̈ojn eb', masnto squil 'ejm eb' snan̈l sat 'a sat lu'um.

Gn 43:11

Xlajw cha, 'ix yaln win mamb'il chi 'ixtic: —Man̈x 'a wach' cutni, b'o cab' 'icha tzeyal cha, 'ixquec. 'Ijec 'at jac siylab' 'a winac, jun tzo'n̈ caw wach', caw chan̈ stojol, a tzeyij 'at 'a, atn bálsamo, no yal chab', perjuma, mirra, nueces, yet' te almendra.

Gn 43:26

Ax yic xc'och José 'a yatut cha, xya'n eb' jun tzo'n̈ siylab' 'a 'a, x'em n̈ojn eb' 'a yojltac masnto 'a sat lu'um.

Nehemías 4:13

Xlajw cha, xwalni, to a junjn macn̈ eb' yican sb'a, tzmacwj eb' 'a spatc 'el muro 'a 'aj ch'olan yet' a 'aj jacan, tzyi'n eb' yespada, lanza yet' jul-lab'.

Pr 17:8

A mach tzb'eylb'an ya'n tumn 'a c'ultaquil, a 'a snab'en to wach' tz'aj 'el'chi, yujto tzann̈j 'aj tz'eq'ui, tzb'on̈j 'icha tas tznib'ej.

Pr 18:16

Yuj tas tzqui siyjec, tztac' sjacw puerta 'ayn̈ec, 'ixta tzon̈ 'ajc qui c'och 'a eb' 'anma niwc yopiso.

Pr 19:6

A eb' 'ela tzyutj sb'a, til wal mach tzsayn 'ec' eb', yuj yoch eb' swach'c'ojloc eb'.

Pr 21:14

A siylab' c'ultac tz'ajxi, a tz'a'n tup c'a'lc'ojlal.

A Ch'an̈ B'ab'el Libro Samuel 25:27

Ax ticnec jun, tzin tew 'ayach to tza chaj jab' in siylab' wet' 'aych tic, tza pojn 'ec' 'a scal eb' a checb' ajun 'et' tic.

A Ch'an̈ B'ab'el Libro Samuel 25:8

Tztac' tza c'anb'j jun tzo'n̈ tic 'a eb' a checb' cha, 'oj yal eb' 'ayach chajtlto yel. Sc'ul wal a nan a q'uin̈ on̈ jaw on̈, yuj cha, tztew David 'ayach, to tzon̈ 'a chaj 'a tzaljc'ojlal. Tza'n tastc 'ay 'a yol a c'ab' 'ayn̈ on̈, yet' 'a jun a wach'c'ojl cha, xe chi 'a 'a, xchi David.