Gn 31:48 - Chuj San Sebastian Bible

⁴⁸ Xlajw cha, xyaln pax win Labán 'ixtic: —A ticnec, a jun b'uln̈ q'uen q'uen tic, testigo tz'ajcn 'och q'uen 'ayn̈ qui chawn̈il, xchi. Yuj cha, sb'in can jun lugar chi Galaad.

Chuj San Mateo Bible

⁴⁸ Ix lajvi chi' ix yalan vin̈aj Labán chi' icha tic: —A ticnaic, a jun juyan̈ q'ueen tic testigo tz'ajcan cuj co chavan̈il, xchi vin̈. Yuj chi' Galaad sb'i jun lugar chi'.

Gn 31:48 ပူးပေါင်းရင်းမြစ်များ

Gn 21:30

'Ix yaln Abraham 'ixtic: —A ucwn̈ calnelu tic, to ec yaj wu'uj, toto tza chaj 'ayin, tzyal 'el'chi to tza chaj ab'i to an b'ojnac jun 'uc'b'il a tic, xchi.

Gn 31:23

Yuj cha, ax Labán yet' smasnil eb' yican, xcot eb' 'a spatc Jacob, swacl xo c'u scoti, xyamchj to yuj eb' 'a lum tzaln 'a yol yic Galaad.

Dt 2:36

'Ix 'el yich qui satnec 'el eb' 'a lum chon̈b' Aroer, lum 'ay 'a span̈nil sti a Arnón, masnto on̈ jawc 'a Galaad. May xon junc eb' chon̈b' chi stac' scoln sb'a 'ayn̈ec; yujto a Jehová qui Diosalec, a 'ix 'a'n eb' 'a yol qui c'ab'ec.

Dt 3:16

Ax 'a eb' yin̈tl Rubén yet' eb' yin̈tl Gad, ata xwac' lum 'ay 'a snan̈l Galaad yet' a niwquil a Arnón. Ata tz'ec' smon̈jonal lum 'a spacl lum ch'olan, masnto tzc'och 'a sti a Jaboc, atn a 'aych smon̈jonoc eb' amonita.

Josué 22:27

Toto 'ixta 'oj cutc on̈, tzyal 'el'chi to wan qui patquiln can 'el Jehová on̈. May cab' b'a'n̈ 'oj qui b'o 'ixta'. 'Ix qui b'o jun yet'l xajmb'al tic on̈, sec a tzcan ch'oxnb'ilal 'a qui cal eyet' on̈, yet' 'a eb' quin̈tlec b'aq'uin̈, an̈ tic on̈, an̈j 'a Jehová tzcal qui b'a eyet' on̈. An̈ tic on̈, 'oj 'at ca'n̈j qui xajmb'al 'a jun yet'l xajmb'al yic Jehová 'ay 'a scajnub', xchi eb'.

Josué 22:34

Yuj cha, ax eb' yin̈tl Rubén yet' eb' yin̈tl Gad, xyac' eb' scuch jun yet'l xajmb'al chi Choxnb'ilal. Xyaln eb' 'ixtic: A jun yet'l xajmb'al tic, ch'oxnb'il tz'ajcn 'a qui calec, to a Jehová caw yel atn Dios, xchi eb'.

Josué 24:27

Xyaln pax Josué 'ixtc 'a smasnil eb' chon̈b' cha: —A jun q'uen tic, a tz'ochcn testigoal yuj smasnil tas xyal Jehová 'ayn̈ec. A q'uen tz'ochcn pax testigoal 'ayex, sec ma'oj eyac' 'es 'a Dios, yuj tas xeyal tic, xchi 'a eb'.

Jueces 10:3

Xlajw cha, ax Jair win 'aj Galaad, a win x'ochx can yac' yajlil 'a chab'schawinc ab'il.