Gn 31:42 - Chuj San Sebastian Bible

⁴² Toc wal man̈toc 'aych sDiosal Abraham wet'oc, atn pax Dios 'aj tzleslwi in mam Isaac, wal yel, may jac tas 'ay 'a yol in c'ab' tzin meltzji. Palta a Dios x'iln in cusc'ojlal yet' tas x'aj yel'ch in munljel, yuj cha, ach stenn 'och wan 'a 'ac'wl q'uiq'ui, xchi Jacob cha.

Chuj San Mateo Bible

⁴² Ta val man̈ ayoc och Dios ved'oc, aton sDiosal vin̈ in mam icham aj Abraham, aton Dios b'aj slesalvipax vin̈ in mam aj Isaac, val yel, malaj am jab'oc tas d'a yol in c'ab' tzin paxta. Palta a Dios ix ilan in yaelal yed' tas ix aj yelc'och in munlajel, yuj chi' aton ix ach cachanoch vaan q'uiq'ui d'ac'val chi'.

Gn 31:42 ပူးပေါင်းရင်းမြစ်များ

Gn 11:5

Ax Jehová, 'ix 'eml wul yil jun chon̈b' cha, yet' jun torre tzb'o eb' cha.

Gn 16:11

Totn et'x one jun, yuj cha, a yic 'oj 'aljoc jun one cha, 'oj ac' sb'ic Ismael, yujto xyil Jehová a cusc'ojlal.

Gn 16:13

Yujto xpaxtin Agar yet' Dios, yuj cha, xya'n can sb'ic Jehová 'ixtic: A Dios Wilmal. Wal yel xwil in Diosal tzin 'ilni, xchi 'ix.

Gn 27:33

Caw wal 'ix sat sc'ojl Isaac, toxn̈ej tzquecni spaxtini, xyaln 'ixtic: —¿Mach pax ni xit' ma'j noc' chi jun, yuj cha, 'ix wul sb'ab'l 'a'nc ni no in chi'? An tic 'ix in c'ux smasnil, yic mantzac ach jaw 'ayin, yuj cha, xwaln can 'el wach' paxti 'a yib'n̈ na. A ticnec, yic xo ni yaj wach'l cha, xchi Isaac.

Gn 29:32

Scuchn chan̈ 'ix Lea yune', ax yic x'alj jun swinc 'unn 'ix, xya'n eb' sb'ic Rubén, yujto xyal 'ix 'ixtic: A Jehová, a x'ilni to patcab'iln 'el yuj wichmil, ax ticnec 'oj in chamc'ojlax yu'uj, xchi 'ix.

Gn 31:12

Xyaln 'ayn 'ixtic: Cham elni chajtlto a no smam tz'a'n tajnc no snun, to tz'ib'quintac yilx no', yet' lin̈n̈b'a pax stz'ib'l no'. Yujto c'uxn xwila tas ach yutj Labán, yuj cha 'ixta xwutej.

Gn 31:24

Palta a 'a yic jun 'ac'wl cha, sch'ox sb'a Dios 'a Labán 'a waychil, xyaln 'a win 'ixtic: Tzcham wal a nani tas 'oj al 'a Jacob, man̈ comnoc tu 'oj a paxtini, xchi Dios 'a winac.

Gn 31:29

An tic, tztac' wa'n tu 'ayex toto tzyal in c'ojol, palta a 'a 'ac'wl q'uiq'ui, xch'ox sb'a sDiosal a mam 'ayin, xyaln 'ixtic: Tzcham wal a nani tas 'oj al 'a Jacob; man̈ comnoc tu 'oj a paxtini, xchi 'ayin.

Gn 31:5

Ax yic xc'och eb' 'ix, xyaln win 'a eb' 'ix 'ixtic: —A ticnec, tox xwila to a 'e mam ow xoj tzyutj snab'en 'ayin, man̈x 'ichaoc 'a yic yalan̈, palta a sDiosal in mam, caw wal 'aych wet'oc.

Gn 31:53

A cab' sDiosal a mam 'ichm Abraham, yet' sdiosal in mam 'ichm Nacor, a tzon̈ 'iln qui chawn̈il, xchi winac. Xlajw cha, xya'n win Jacob sti 'a sb'i sDiosal smam 'aj tz'och Isaac 'emmquilal.

Gn 32:9

Yajn̈ej syamn 'och sleslwi 'ixtic: Ach in Diosal, ach sDiosal in mam 'ichm Abraham, yet' in mam atn Isaac, ach 'ix ala to tzin meltzj 'a in lu'um, yet' 'a scal eb' wican, xalni to 'aych 'och wet'oc sec wach' tzin 'aj 'el'chi.

Gn 35:3

Coyc mu'c 'a Bet-el, ata 'oj in b'o junc yet'l xajmb'al yuj yi'mb'ilc chan̈ sb'i Dios, atn jun colwjnac wet'oc yic 'ayn 'och wal 'a somc'ojlal, xcolwj pax wet' 'aj in laj 'eq'ui, xchi winac.

Gn 46:1

Xlajw cha, 'ix 'at Jacob yet' smasnil tas 'ay 'a 'a. A yic xc'och 'a Beerseba, xya'n xajmb'al 'a Dios atn sDiosal yet' smam.

1 Cr 12:17

'Ix 'at David chi scha eb', 'ix yaln 'a eb' 'ixtic: Toto tzex jaw 'a junc'ojlal, yic tzex colwj wet'oc, 'oj ex in cha jawc wet' 'a smasnil in c'ojol; wach'xam may junc tas tu x'el in b'oni, palta toto tzex jaw 'ayn yuj in eya'n 'och 'a yol sc'ab' eb' 'ajc'ojl yajch 'ayin, ¡ax cab' qui Diosal yet' eb' qui mam quichmec, 'oj yil sb'a eyet'oc, yic tzya'n 'och eyailal! xchi 'a eb'.

Salmos 31:7

A 'a chamc'ojlal a tz'i'n cot tzaljc'ojlal 'ayin. 'In tzel in cusc'ojlal, ojc pax in somc'ojlal.

Ex 3:7

'Ix yaln Jehová 'ixtic: —Wal yel caw wal 'oltac tz'aj eb' in chon̈b' yab'n syal 'a Egipto, tzwab' yoc' eb' yuj tas tz'aj yixtx yuj eb' 'aych yilmalc eb'. Wojtac to caw wal 'oltac tz'aj eb' in chon̈ab'.

Is 8:13

An Jehová in tztac' wuj smasnil, a 'ayn smoj a xiwi, niwn cab' wel'ch 'a a sat.

Dn 2:23

Ach qui Diosal on̈, sDiosal ach pax eb' qui mam quichm on̈, caw tzwac' yuj diosal 'ayach. Tzwaln pax wach' paxti 'ayach, yujto 'ix ac' in jelnal, yet' pax wip. A ticnec 'ix ac' wojcoc 'el tas 'ix qui c'an 'aych on̈; xac' wojcoc 'el tas yaj swaych win rey, xchi Daniel 'a Dios.

Dt 15:13

A yic tzeya'n paxoc, man̈ eyac' meltzjoc 'a 'ichn̈jta', 'ay cab' jac tas tzeyac' 'a 'a.

San Judas 1:9

Tzqui nacc cot jun sat ángel Miguel sb'i, ya'jnac owl yet' win diablo 'a jun 'el, yic sten sb'a yet' win yuj sniwnal Moisés. A Miguel cha, wach'xam caw niwn spoder, palta ma'ix ste'wtzej sb'a sb'uchwj 'a win diablo cha. Ma'ix yal smul winac. Cojn 'ixtc xyutj yaln 'a winac: Comnoc a Dios 'oj a tumni, schin̈j 'a winac.