Gn 31:38 - Chuj San Sebastian Bible

³⁸ Junc'l ab'il in munlj et'oc, may wal junc a calnelu mto junc no a chiwo x'ec' yune', may pax junc no 'a mam calnelu xin chi'ejmi.

Chuj San Mateo Bible

³⁸ A d'a 20 ab'il ix in munlaj ed'oc, malaj val junoc noc' a calnel, malaj val junoc noc' smam a chiva ix in chib'ati, malaj val noc' snun ton̈ej ix ec' sti'.

Gn 31:38 ပူးပေါင်းရင်းမြစ်များ

Gn 30:27

Xyaln win Labán 'a win 'ixtic: —Ma'ay, tzin tew 'ayach to wach'n̈j aj wet'oc, yujto x'ajx wojcoc 'eli, to ojn̈ej yuj cha, 'ay syaxilal Jehová 'a wib'an̈.

Gn 30:29

Xyaln Jacob 'ixtc 'a winac: —Ojtac tas in 'aj in munlj 'ayach, yet' tas xwutj wiln no 'a cajb'en noc' tic.

Gn 30:30

'In ojtac to jaywn̈ej no 'a cajb'en noc' tic yic in jawi, ax ticnec, caw wal xniwtj sb'isl no'. Yictax in jaw cha, syamn 'och Jehová ya'n syaxilal 'a eb'an̈. A ticnec, ¿b'a'n̈ 'oj wi'l yich wiln wic yet' eb' wunnal? xchi.

Gn 31:10

A 'a jun 'el, 'ix 'och jun in wayich yic stiempoal stajn e no'. Xwilni to a no smam tz'a'n tajnc no snun cha, tz'ib'quintac yilx no', lin̈n̈b'a yilx stz'ib'l no'.

Gn 31:37

Smasnil tas 'ay 'ayin, c'uxn tza say ela', ¿tas 'ay 'a atut x'ilchj 'oj ticnec? 'Ac' 'ejm 'a tic, 'a sat eb' wican ajun wet' tic, yet' 'a sat eb' ecan ajun et' tic, sec wach' a eb' tztac' yalni machn̈ yel tzcala.

Gn 31:39

May 'ajtil xwij cot junc no 'a calnelu 'ayach, junc no chib'il yuj no 'oques, palta a wico', in tojjnac no 'ayach. Toxn̈ej c'ual mto 'ac'wl tz'at no 'a cajb'il noc' yuj 'elc'um, 'in a c'anjnac stojl no 'ayin.

Ex 23:26

'Oj wac' najtxb'oc e q'uinal. Ax 'a yol e chon̈b' cha, may junc 'ix 'ix ton̈j 'oj 'ec' yune', may pax junc 'ix ma'oj 'unewoc.

Dt 28:4

'Oj 'ajxoc yaxilal 'a yib'n̈ eb' eyunnal, 'a yib'n̈ smasnil eyawb'en, 'a yib'n̈ e cotc wacax, e cotc calnelu, e cotc chiwo yet' 'a yib'n̈ yune smasnil jun tzo'n̈ xo e cajb'en noc'.