Gn 31:34 - Chuj San Sebastian Bible

³⁴ Palta wal 'a yajn̈ej sc'ub'n 'el Raquel jun tzo'n̈ yechl chi 'a yaln̈ stz'um no cameyo, xlajw cha, x'em wocn 'a yib'an̈. X'ec' cob' win Labán say 'a yol smasnil smantiado eb', palta may tas x'ilchj yuj winac.

Chuj San Mateo Bible

³⁴ Axo ix ix c'ub'an el juntzan̈ yechel chi' d'a yalan̈ stz'um noc' camello, ix emcan c'ojan ix d'a yib'an̈. Ix ec'chaj vin̈aj Labán say d'a masanil mantiado, palta maj ilchajlaj sdiosal vin̈ chi' yuuj.

Gn 31:34 ပူးပေါင်းရင်းမြစ်များ

Gn 31:17

Xlajw cha, xya'n lista sb'a Jacob yic tzmeltzj 'a Canaán, 'a 'ajtil cajn win Isaac atn smam. Xya'n q'ue win eb' yunnal yet' eb' 'ix yistl 'a yib'n̈ no cameyo, xyi'n smasnil tas 'ay 'a 'a, xcot yet' smasnil no noc' schaj stojloc yuj smunljel 'a Padan-aram.

Gn 31:19

Ya' sb'a a win Labán 'ayb't win 'a junx lugar sjox scalnelu, ax 'ix Raquel xyelc'n cot 'ix jun tzo'n̈ sdiosal smam 'a yol yatut.

Gn 31:33

X'och win Labán 'a yol smantiado Jacob, x'och pax 'a yol yic 'ix Lea, yet' 'a yol yic chawn̈ eb' 'ix ya'mal servil eb' 'ix cha, palta may tas x'ilchj yuj 'a eb', ax yic x'elt 'a yol yic 'ix Lea, x'och pax 'a yol yic 'ix Raquel.

Gn 31:35

Yuj cha, xyaln Raquel 'a win 'ixtic: —Mamin, matz cot cab' owl 'ayin, yujto matz in q'ue wan 'a ojltac, yujto a ticnec, yujl yel a a 'ayin, xchi cob' 'ix. Ax Labán an̈ja yec' say jun tzo'n̈ sdiosal cha, palta matz 'ilchj yu'uj.

Os 3:4

'Ixta pax eb' wit israelal, to najtl tiempo 'oj can eb' 'a may sreyal, may syajlil eb' tztan̈wni, man̈x 'a xajmb'al eb' 'oj yac' 'a Dios, man̈x 'a eb' q'uen q'uen wach' yilx tzsay eb', man̈x 'a te spichl eb' ya'mal 'och sti eb' 'a Dios tzb'o'o, man̈x 'a pax yechl junc comn dios 'ayc' 'a yol yatut junjn eb'.

Lv 15:9

Toto tzq'ue jun winc chi 'a yib'n̈ chej, ax stz'um no chej cha, man̈ wach'c tz'ajcn yu'uj.

Jueces 18:24

—Ax tic xeyij cot jun tzo'n̈ in diosal b'ob'il wu'uj, xeyi'n pax cot jun ya'mal 'och in ti 'a in diosal cha. Man̈x 'a jac tas xeyactj can 'ayin. ¿Palta te'tni cob' eyec' e c'anb'n 'ayin, yuj tas tzin 'i'ni? xchi Micaía 'a eb'.

A Ch'an̈ B'ab'el Libro Samuel 15:23

A tenmtaquil, lajn smul-l yet' eb' tztac' snan 'el junc paxti'; ax pital, lajn wal smul-l 'icha eb' tz'em n̈ojn 'a junc yechel. Yujto xa patquilj can 'el tas xyal Jehová, yuj cha, ach spatquilncan 'eli, ach yi'n 'el 'a reyal, xchi Samuel.