Gn 31:32 - Chuj San Sebastian Bible

³² Palta toto a 'a junc eb' 'ayc' 'a tic, 'ayc' jun tzo'n̈ a diosal chi 'a 'a, tztac' schami. Ax eb' 'ayc' quet' tic, tztac' ya'n testigoal sb'a eb', say ela', toto 'ay jac ec 'ayc' 'ayin, tztac' e'n paxi, xchi Jacob. Palta man̈ yojcoc Jacob toto a 'ix Raquel x'elc'n cot sdiosal smam cha.

Chuj San Mateo Bible

³² Tato a junoc eb' ayec' d'a tic b'aj ayec' a diosal chi', syaln̈ej schami. A eb' ayec' qued'oc tic syal yac'an testigoal eb'. Say ila', tato ay jab'oc a tastac ix vic'coti, syal ic'anpaxoc, xchi vin̈aj Jacob chi'. Palta man̈ yojtacoc vin̈aj Jacob chi' tato a ix Raquel ix elc'ancot sdiosal vin̈ smam chi'.

Gn 31:32 ပူးပေါင်းရင်းမြစ်များ

Gn 13:8

Yuj cha, 'ay jun c'u, 'ix yaln Abram 'a Lot 'ixtic: Caw an̈to 'ochi, man̈ smojc ca'n owal, 'ixta pax eb' yilmal qui cajb'en noc', man̈ smojc ya'n eb' owal.

Gn 19:7

'Ix yaln 'a ewin 'ixtic: —Ex wit 'anma'il, man̈ e b'o wal tas tu'.

Gn 30:33

Yuj cha, a yic tzach japx wul el e no xwij in tojloc cha, 'ixta 'oj otc eln cot in yiclumal 'ayach. Toto a 'a scal no wic cha, 'ay no chiwo man̈ tz'ib'quintacoc, no man̈ lin̈n̈b'aoc yilx stz'ib'ul, yet' no calnelu man̈ q'uic'oc, toto 'ixta', wan ach welc'n tzyal cha, xchi Jacob.

Gn 31:19

Ya' sb'a a win Labán 'ayb't win 'a junx lugar sjox scalnelu, ax 'ix Raquel xyelc'n cot 'ix jun tzo'n̈ sdiosal smam 'a yol yatut.

Gn 31:23

Yuj cha, ax Labán yet' smasnil eb' yican, xcot eb' 'a spatc Jacob, swacl xo c'u scoti, xyamchj to yuj eb' 'a lum tzaln 'a yol yic Galaad.

Gn 31:30

Ocxo jun, toxn tza nib'j paxt xon a b'a 'a yatut a mam, yuj cha, ach coti. Palta ¿tas yuj xel'j cot jun tzo'n̈ in diosal? xchi winac.

Gn 31:31

Xta'w Jacob 'a win Labán 'ixtic: —In 'el 'ayach yujto in xiwi, a wal xwutj in nani toq'ue tzac' pural e'n can pax 'ec' eb' 'ix esl tic 'ayin.

Gn 31:33

X'och win Labán 'a yol smantiado Jacob, x'och pax 'a yol yic 'ix Lea, yet' 'a yol yic chawn̈ eb' 'ix ya'mal servil eb' 'ix cha, palta may tas x'ilchj yuj 'a eb', ax yic x'elt 'a yol yic 'ix Lea, x'och pax 'a yol yic 'ix Raquel.