Gn 31:29 - Chuj San Sebastian Bible

²⁹ An tic, tztac' wa'n tu 'ayex toto tzyal in c'ojol, palta a 'a 'ac'wl q'uiq'ui, xch'ox sb'a sDiosal a mam 'ayin, xyaln 'ixtic: Tzcham wal a nani tas 'oj al 'a Jacob; man̈ comnoc tu 'oj a paxtini, xchi 'ayin.

Chuj San Mateo Bible

²⁹ A in tic syal vac'an chucal d'ayex, tato syal in c'ool, palta a q'uiq'ui d'ac'val ix sch'ox sb'a sDiosal vin̈ a mam d'ayin, ix yalani: Scham val a naani tas ol al d'a vin̈aj Jacob chi'. Man̈ comonoc tzach loloni, xchi d'ayin.

Gn 31:29 ပူးပေါင်းရင်းမြစ်များ

Gn 24:50

Xlajw cha, xyaln Labán yet' Betuel 'ixtic: —Smasnil jun tzo'n̈ tic, a 'a Jehová xcoti, an̈ tic man̈x 'a tas wach' caln 'ayach.

Gn 28:13

Xyiln paxi to a Jehová lin̈n 'ec' 'a stz'ey, xyaln 'a 'ixtic: An ton tic Jehová in, sDiosal in a mam 'ichm Abraham, yet' a mam, atn Isaac. A 'ayach, yet' 'a smasnil eb' en̈til, ata 'oj wac' lum lum tic 'aj teln ach 'ec' tic.

Gn 31:24

Palta a 'a yic jun 'ac'wl cha, sch'ox sb'a Dios 'a Labán 'a waychil, xyaln 'a win 'ixtic: Tzcham wal a nani tas 'oj al 'a Jacob, man̈ comnoc tu 'oj a paxtini, xchi Dios 'a winac.

Gn 31:42

Toc wal man̈toc 'aych sDiosal Abraham wet'oc, atn pax Dios 'aj tzleslwi in mam Isaac, wal yel, may jac tas 'ay 'a yol in c'ab' tzin meltzji. Palta a Dios x'iln in cusc'ojlal yet' tas x'aj yel'ch in munljel, yuj cha, ach stenn 'och wan 'a 'ac'wl q'uiq'ui, xchi Jacob cha.

Gn 31:5

Ax yic xc'och eb' 'ix, xyaln win 'a eb' 'ix 'ixtic: —A ticnec, tox xwila to a 'e mam ow xoj tzyutj snab'en 'ayin, man̈x 'ichaoc 'a yic yalan̈, palta a sDiosal in mam, caw wal 'aych wet'oc.

Gn 31:53

A cab' sDiosal a mam 'ichm Abraham, yet' sdiosal in mam 'ichm Nacor, a tzon̈ 'iln qui chawn̈il, xchi winac. Xlajw cha, xya'n win Jacob sti 'a sb'i sDiosal smam 'aj tz'och Isaac 'emmquilal.

Gn 31:7

Ax e mam 'icha to in yixtej, slajn̈ 'ejmal xo wal sjeln in tojol, palta a Dios matz nib'j tzin 'ixtxi.

A Ch'an̈ Schab'l Libro Samuel 13:22

An̈jtona Absalón may tas xyal 'a Amnón, wach'xam caw tzchichn sc'ojl Absalón chi 'a winac, yujto xyac' pural win yixtn 'ix yanb' win cha.

A Ch'an̈ Schab'il Libro Yic Yab'ixal Eb' Rey 19:10

A 'a Diosal tzalni, to ma'oj 'ajxc 'och Jerusalén 'a yol in c'ab'; palta man̈ a'ch yipc 'a c'ojl tas tzyal a Diosal cha, man̈ a cha 'ixtxoc paxti a b'a yu'uj.

Salmos 52:1

Ach to jeln a'n owal, ¿tas yuj tzej chan̈ a b'a 'a maysch'olnil? A schamc'ojlal Dios 'ayc'n̈ej 'a jun 'ejmn̈ej.

Dn 2:47

'Ix yaln win rey chi 'a Daniel 'ixtic: —Wal yel a e Diosal ax tic, cojxn̈ej niwquil yel'ch 'a yib'n̈ jun tzo'n̈ xo comn dios, syajlil eb' rey yaji, a tzch'oxni tas jun tzo'n̈ waych to c'ultac yaji, tic wal 'ix nachj 'el jun waych tic o'oj, xchi winac.

Dn 3:28

A wal 'a yic jun rato cha, 'ix yaln win rey chi 'ixtic: Alx cab' wach' paxti 'a sDiosal Sadrac, Mesac yet' Abed-nego, yujto a 'ix checn cot jun yángel wul scol-l eb' schecb' caw tzya'ch sc'ojl 'a tic. Eb' ma'ix yiclni jun ley xwac' 'elt an reyn tic. Schaj sc'ojl eb' schami, 'a yib'n̈ pax to tzyac' 'ejm sb'a eb' 'a junc xo dios to man̈ sDiosalc eb'.

Dn 6:20

A yic xc'och win 'a stz'ey jun xab' cha, 'ix 'awj win 'a Daniel. Caw cusltac xyutj win sjaj yawji, xyaln win 'ixtic: —¡Daniel, ach schecb' jun Dios pitzan, atn jun 'aj tzac' 'emmquilal! Yamto wal stac' ach scoln 'el a Diosal chi 'a yol sc'ab' e no león, xchi winac.

Dn 6:26

Tzwalb't 'ayx e masnil, ex 'ayx 'ec' 'a yol smacb'en jun nacion̈ 'aj tzwac' reyl tic, niwn cab' yel'ch sDiosal Daniel 'a e sat. Yujto a jun Dios tic, caw pitzan, 'ayc'n̈ej 'a jun 'ejmn̈ej. May xon b'a'n̈ 'oj satxoc 'el yopiso. A sjelnal may b'a'n̈ 'ay slajub'.

Miqueas 2:1

'Oltac wal eb' waync cob'i', palta xoj smitz'tz'ec' snab'en eb' snani tas maysch'olnilal 'oj sb'o eb', ax yic tzsacb' 'eli, tzyamn 'och eb' sb'on tas tzna cha, yujto 'ayc' 'a yol sc'ab' eb' sb'oni.

A Tas Sc'ulejnac Eb' Schecab' Jesús Hechos 9:5

—Mamin, ¿mach ach? xchi winac. —An ton tic Jesús in. Caw an tzin a pech b'eyc'oc. [Palta mun tzextj 'el a b'a, 'icha junc wacax, tztecx 'och te 'a 'a, tzte'wj pax 'a jun te cha, xchi Jesús 'a winac.