Gn 31:26 - Chuj San Sebastian Bible

²⁶ Syamn 'och Labán yaln 'och 'a sat Jacob 'ixtic: —¿Tas xa b'o'o? ¿Tas yuj in extej? Xe'n cot eb' 'ix wisil, coynto 'icha xo owl xotj e'n cot eb' 'ix.

Chuj San Mateo Bible

²⁶ Ix och ijan vin̈aj Labán chi' yalanoch d'a sat vin̈aj Jacob chi' icha tic: —¿Tas ix a c'ulej? ¿Tas yuj ix in ac'can musansatil? Elelalxon̈ej ix utej ic'ancot eb' ix visil, ichato d'a scal oval ix yamchaj eb' ix uuj.

Gn 31:26 ပူးပေါင်းရင်းမြစ်များ

Gn 12:18

Yuj cha, xya'n win rey 'ijx cot Abram, 'ix yaln 'a 'ixtic: ¿Tas wal yuj 'ixta tzin otej? ¿Tas yuj ma'ix al 'ayin, toto estzil 'ix 'ix tic?

Gn 2:24

Yuj cha, a eb' winac, yowlal tzyactj can eb' smam snun, sec junxn̈ej tz'ajcn eb' yet' yistzil, 'icha wal to junxn̈ej niwnal tz'ajcn eb' schawn̈il.

Gn 26:10

Palta xyaln win rey chi 'ixtc 'a 'a: —¿Tas yuj 'ixta on̈ otj on̈? Jab'xoj ma'on̈ 'em 'a maysch'olnil o'oj. Q'uinloc 'ay junc winc xway yet' 'ix estzil tic, oj wali tz'och qui mul on̈, xchi winac.

Gn 29:25

Ax yic sacb'eli, xyiln cot sb'a win Jacob to a 'ix Lea xway yet'oc, yuj cha, x'at yalnc 'a win Labán 'ixtic: —¿Tas yuj 'ixtc in otej? Yuj 'unx Raquel in munlj 'ayach. ¿Tas yuj tzin extej? xchi.

Gn 3:13

Xlajw cha, sc'anb'n pax Jehová Dios 'ixtc 'a 'ix 'ix cha: —¿Tas yuj 'ixta 'ix otj a b'a? xchi. Xta'w 'ix, xyaln 'ix 'ixtc 'a 'a: —A no chan in 'ixtn paxti', yuj cha, xin lon te', xchi 'ix.

Gn 31:16

Wal yel a smasnil ricoal, xyij 'ec' Dios 'a qui mam on̈, ax ticnec, quic ecxo yet' eb' cunnalec tic. Yuj cha, smasnil tas xyal Dios 'ayach, 'el'ch cab'i', xchi eb' 'ix 'a winac.

Gn 31:25

Xjaw Labán 'a spatquil Jacob 'a lum tzaln 'a yol yic Galaad. Ata 'ayq'ui yic xjaw win Labán yet' ewin yican ajun yet'oc, sb'on chan̈ pax scamplamento ta'.

Gn 31:27

¿Tas yuj in extej, ton̈j ach 'el coti, man̈xtoc xal a b'a 'ayin? Ma'ix al wab'i', alto ma'ay, xeyalcn e b'a 'ayn 'a tzaljc'ojlal, x'och son yet' tinab' yet' arpa yic ex coti.

Gn 31:36

Yuj cha, xcot yowl win Jacob 'a Labán, xyaln 'ixtic: —¿Tas wal in mul x'och 'ayach? ¿'Ajtil 'ay in mul, yuj cha, tzach 'och tza'n wu'uj?

Gn 34:29

Xyelc'n cot ewin smasnil tas 'ay 'a yol yatut eb', xyi'n 'at ewin eb' cotc 'unin, yet' eb' 'ix 'ix smasnil.

Gn 4:10

'Ix yaln pax Dios 'ixtc 'a winac: —¿Tas yuj 'ixta xa b'o'o? A schic'l win o'tac 'ix 'elcn 'a sat lum lum tic o'oj, 'icha to a tzyal sb'a 'ayin, yic tzin b'onyaji.

Jn 18:35

—¿Tom israel in tzela? A eb' et chon̈ab', yet' eb' sat ya'mal 'och e ti 'a Dios, a eb' ach wul 'a'nc 'och 'a yol in c'ab'. ¿Tas xa say a muloc? xchi win 'a 'a.

Josué 7:19

Xlajw cha, xyaln Josué 'a win Acán chi 'ixtic: —Ach 'un, 'a sat Jehová qui Diosalec an̈ israel on̈c tic, tza jacn a ti'oc, tas wal jun maysch'olnil chi 'ix a b'o'o, man̈ a c'ub'c 'eli, xchi 'a winac.

A Ch'an̈ B'ab'el Libro Samuel 14:43

Yuj cha, xyaln Saúl 'a Jonatán 'ixtic: —Al 'ayin, tas xa b'o'o, xchi. —Wal yel, 'ix in nib'j 'och no yal chab', yuj cha, 'ix in coln 'ejm sn̈i te in c'occh tic 'a scal no', 'ix in le'ni. Al ticnec waji, tztac' in chami, xchi Jonatán cha.

A Ch'an̈ B'ab'el Libro Samuel 17:29

—¿Tas ex wutj pax ticnec jun? An tic 'in ton̈j nant tzin paxtini, xchi David.

A Ch'an̈ B'ab'el Libro Samuel 30:2

'Ix 'ijx 'at eb' 'ix 'ix, eb' 'unin, yet' eb' 'ichm 'anma 'ayc' ta yuj eb', palta may junc mach smil cham eb'.