Gn 31:24 - Chuj San Sebastian Bible

²⁴ Palta a 'a yic jun 'ac'wl cha, sch'ox sb'a Dios 'a Labán 'a waychil, xyaln 'a win 'ixtic: Tzcham wal a nani tas 'oj al 'a Jacob, man̈ comnoc tu 'oj a paxtini, xchi Dios 'a winac.

Chuj San Mateo Bible

²⁴ A d'a jun ac'val chi', ix sch'ox sb'a Dios d'a vin̈aj Labán chi' d'a svayich. Ix yalan Dios d'a vin̈ icha tic: Scham val a naani tas ol al d'a vin̈aj Jacob chi'. Man̈ comonoc ol ach lolonoc, xchi d'a vin̈.

Gn 31:24 ပူးပေါင်းရင်းမြစ်များ

Gn 20:3

Ax 'a jun 'ac'wal, 'ix waychni Abimelec, to a Dios 'ix aln 'a 'ixtic: 'Oj a chami, yujto a 'ix 'ix x'at ac' cotoc yic tz'och 'ix estzilc alni, 'ay yichmil 'ix, xchi 'a winac.

Gn 20:6

'Ix ta'w Dios 'a win rey 'ixtc 'a waychil: Wojtac to wach' xotej, yuj cha, ma'ach in chaj way yet' 'ix, sec wach' matz 'och a mul 'ayin.

Gn 24:50

Xlajw cha, xyaln Labán yet' Betuel 'ixtic: —Smasnil jun tzo'n̈ tic, a 'a Jehová xcoti, an̈ tic man̈x 'a tas wach' caln 'ayach.

Gn 28:5

'Ixta 'ix 'aj xchecx can 'at Jacob yuj Isaac 'a lum Padan-aram. 'Ix c'och Jacob 'a yatut Labán, win yunnal Betuel win arameo, snul'j 'ix Rebeca 'ix snun Jacob yet' Esaú.

Gn 31:10

A 'a jun 'el, 'ix 'och jun in wayich yic stiempoal stajn e no'. Xwilni to a no smam tz'a'n tajnc no snun cha, tz'ib'quintac yilx no', lin̈n̈b'a yilx stz'ib'l no'.

Gn 31:11

Ax 'a jun in waych cha, in yawtj jun yángel Dios, in ta'w 'a 'a: Waj 'a tic, xin chi 'a 'a.

Gn 31:23

Yuj cha, ax Labán yet' smasnil eb' yican, xcot eb' 'a spatc Jacob, swacl xo c'u scoti, xyamchj to yuj eb' 'a lum tzaln 'a yol yic Galaad.

Gn 31:25

Xjaw Labán 'a spatquil Jacob 'a lum tzaln 'a yol yic Galaad. Ata 'ayq'ui yic xjaw win Labán yet' ewin yican ajun yet'oc, sb'on chan̈ pax scamplamento ta'.

Gn 31:29

An tic, tztac' wa'n tu 'ayex toto tzyal in c'ojol, palta a 'a 'ac'wl q'uiq'ui, xch'ox sb'a sDiosal a mam 'ayin, xyaln 'ixtic: Tzcham wal a nani tas 'oj al 'a Jacob; man̈ comnoc tu 'oj a paxtini, xchi 'ayin.

Gn 31:42

Toc wal man̈toc 'aych sDiosal Abraham wet'oc, atn pax Dios 'aj tzleslwi in mam Isaac, wal yel, may jac tas 'ay 'a yol in c'ab' tzin meltzji. Palta a Dios x'iln in cusc'ojlal yet' tas x'aj yel'ch in munljel, yuj cha, ach stenn 'och wan 'a 'ac'wl q'uiq'ui, xchi Jacob cha.

Gn 31:7

Ax e mam 'icha to in yixtej, slajn̈ 'ejmal xo wal sjeln in tojol, palta a Dios matz nib'j tzin 'ixtxi.

Gn 40:5

'Ay jun 'ac'wal, x'och swaych ewin schecb' win rey schawn̈il, win tzb'achn b'ey yal uva yet' win b'om pan, junjn swaych junjn eb', 'ay tas pax tzyal 'el'chi.

Gn 41:1

X'ec' chab' ab'il, 'ay jun 'el x'och swaych win rey, ax xyilni lin̈n 'ec' 'a sti a niwquil a tzcuch Nilo.

A Ch'an̈ Schab'l Libro Samuel 13:22

An̈jtona Absalón may tas xyal 'a Amnón, wach'xam caw tzchichn sc'ojl Absalón chi 'a winac, yujto xyac' pural win yixtn 'ix yanb' win cha.

A Ch'an̈ B'ab'el Libro Yic Yab'ixal Eb' Rey 3:5

'Ay jun 'ac'wal yic 'ayc' 'a Gabaón cha, 'ix sch'oxn sb'a Jehová 'a Salomón 'a waychil, 'ix yaln Dios 'a 'ixtic: C'an tas tza nib'j 'ayin, 'oj wac' 'ayach, xchi 'a 'a.

Job 33:25

'Ixta 'oj 'aj sb'ox sc'ojol, ax sniwnal caw wal 'oj 'unnb'oc pax jun 'ejm xo, 'icha 'a yic scotch 'a quelmal.

Is 37:29

Yujto a 'ayn ach owx 'ochi, caw ch'an 'ix otj a b'a, yuj cha, 'icha to 'oj wa'ch jun argoya 'a a n̈i', yet' jun freno 'a a ti', ax ach wa'n meltzjc 'a a b'e 'aj ach coti, xchi Dios, xchi Isaías.

Os 12:12

A Jacob, 'atnc 'eloc, axta c'ochnc 'a lum Aram. Ata 'ochnc 'ilj calnelu yuj stojloc yistzil.

Nm 12:6

'ix yaln 'a eb' 'ixtic: 'Ab'c tas 'oj wal 'ayex: A yic tzwa'n cot junc in checb' 'a e cal, an tzin ch'ox in b'a 'a 'a, tzin paxtin pax 'a 'icha waychil 'a 'a.

Nm 22:20

Ax 'a jun 'ac'wl cha, 'ix sch'oxn sb'a Dios 'a Balaam, 'ix yaln 'a 'ixtic: —Toto ojn̈ej 'ix japx jun tzo'n̈ winc cha, q'uen̈ wa'an tztac' a 'at yet' eb', palta cojn tas 'oj wal 'ayach, a chi tz'at a b'o', xchi.

Nm 22:26

Ax jun yángel Jehová cha, 'ix b'ab'lj yuj eb', ax wal 'a jun lugar 'aj caw lot'n b'e cha, ata 'ix 'ochx lin̈an. Ata', may xon 'aj wach' yel no 'a sti b'e cha.

Nm 24:13

Wach'xam b'ut'jnac a despacho yet' q'uen oro mto q'uen plata, yic tza'n q'uen 'ayn smasnil, palta matz tac' in tenn tas tzyal Jehová, may tas tztac' in b'on 'a yol wico'. Yujto a tas tzyac' Jehová wala', atn chi yowlal tzwala.

Mt 1:20

Ax yic wan snan win José jun cha, 'ay jun yángel Cajlil 'ix ch'ox sb'a 'a win 'a swayich, 'ix yaln 'a 'ixtic: —José, ach yin̈tl can David, man̈ ach xiw e'n a b'a yet' 'ix María tic, yujto a Yespíritu Dios 'ix 'a'n pitzwc jun 'unn chi 'a 'ix.

Mt 2:12

Palta 'ix alx 'a eb' 'a swayich, to man̈xtzac 'ec' yal eb' yab' win Herodes. Yuj cha, chuc junx b'e 'aj xpax eb', 'ix c'ochx eb' 'a schon̈ab'.

Mt 27:19

Yic wocn to 'ejm win Pilato chi 'a sdespacho, 'ix c'och sti 'ix yistl win 'a 'a, xyal 'ix 'ixtic: Caw may jac tza'ch 'a yib'n̈ win tojl snab'en cha, yujto xin waychej jun chi q'uiq'ui, caw in xiw yuj jun in waych cha, xchi 'ix.

Dt 26:5

Tzlajw cha, tzeyaln jun tzo'n̈ xo paxti tic 'ixtc 'a sat Jehová qui Diosalec: A eb' qui mam quichmec, arameo eb', jaywn̈ej wal sb'ey eb'; ton̈j 'e'lb'a yec' eb', 'ijn xcham eb' yuj wejel; yuj cha, x'atcn eb' 'a Egipto yet' jaywn̈ yunnal, ata xcan cajn eb' ta'. Axta 'ix 'och eb' niwquil chon̈b'al, caw jeln x'aj eb', caw niwn pax x'aj sb'isl eb'.