Gn 31:12 - Chuj San Sebastian Bible

¹² Xyaln 'ayn 'ixtic: Cham elni chajtlto a no smam tz'a'n tajnc no snun, to tz'ib'quintac yilx no', yet' lin̈n̈b'a pax stz'ib'l no'. Yujto c'uxn xwila tas ach yutj Labán, yuj cha 'ixta xwutej.

Chuj San Mateo Bible

¹² Ix yalan d'ayin icha tic: Scham val ilani to a noc' smam stajni yed' noc' snun, tz'ib'iltac noc', jasquiltac pax stz'ib'ul noc', yujto ix vil masanil tas ix ach utaj yuj vin̈aj Labán.

Gn 31:12 ပူးပေါင်းရင်းမြစ်များ

Gn 31:10

A 'a jun 'el, 'ix 'och jun in wayich yic stiempoal stajn e no'. Xwilni to a no smam tz'a'n tajnc no snun cha, tz'ib'quintac yilx no', lin̈n̈b'a yilx stz'ib'l no'.

Gn 31:42

Toc wal man̈toc 'aych sDiosal Abraham wet'oc, atn pax Dios 'aj tzleslwi in mam Isaac, wal yel, may jac tas 'ay 'a yol in c'ab' tzin meltzji. Palta a Dios x'iln in cusc'ojlal yet' tas x'aj yel'ch in munljel, yuj cha, ach stenn 'och wan 'a 'ac'wl q'uiq'ui, xchi Jacob cha.

Salmos 10:14

Ach wal 'ix ela to maysch'olnil tas xlaj sb'o eb', yuj cha, ach 'oj a pactzoc 'a eb'. Ach tzach colwj 'a eb' meb'a 'unn chamnc smam tzyal sb'a 'ayach.

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Salmos 139:3

Ojtac tas weq'ui, tzin eln pax 'a yic tzin 'ilji, ojc wal yilx pax in b'eyb'al.

Ex 3:7

'Ix yaln Jehová 'ixtic: —Wal yel caw wal 'oltac tz'aj eb' in chon̈b' yab'n syal 'a Egipto, tzwab' yoc' eb' yuj tas tz'aj yixtx yuj eb' 'aych yilmalc eb'. Wojtac to caw wal 'oltac tz'aj eb' in chon̈ab'.

Ex 3:9

Caw wal tzq'ue'ch yaw eb' et israelal yawj 'ayin, yujto til wal tz'aj eb' yixtx 'a 'aj 'aych mosoal cha.

Ec 5:8

Man̈ sat qui c'ojlec quiln tz'aj yixtx eb' meb'a 'a 'aj matz yiclx tojlal, yujto a eb' 'ay yopiso, tzcolx eb' yuj jun tzo'n̈ xo eb' niwc yopiso. Ax eb' cha, tzcolx eb' yuj jun tzo'n̈ xo eb' yel xo niwc yopiso 'a yib'n̈ eb'.

Lv 19:13

Man̈ eyixtc eyit 'anma'il, man e comn to'c 'ec' tas 'ay 'a 'a. Man̈ e macch wan stojl eb' e munljum, man̈octo 'a junc xo c'u tzeyac' stojl cha.

A Tas Sc'ulejnac Eb' Schecab' Jesús Hechos 7:34

A eb' in chon̈b' 'ayc' 'a Egipto, tzwila, caw wan yab'n eb' syal ta'. Tzwab'i, caw tzc'acw eb' yab'n syail. Yuj cha, in jaw wul wic' 'elt eb' 'a scal syail. Yuj cha, 'ixic. To ach 'oj ach in checb't 'a Egipto cha, xchi Dios 'a Moisés.

Ef 6:9

Ax xo patron̈ ex, 'ixta pax tzeyutj e b'a 'a eb' e moso. Man̈ owc tzeyutj e b'a 'a eb'. Tze na coti, to 'ay jun 'a satchan̈ tzex 'a'n mandar yet' eb', atn Cajlilec. A 'a sat, lajnn̈ej eyel'ch yet' eb'.

Dt 24:15

Tojc sc'u eb' e majn 'a junjn yemc'ual, yujto a eb' meb'a', yowlal tzman eb' tas tzc'ux 'a junjn c'u. Toto ma'ay, 'oj yal sb'a eb' 'a Jehová, ax yochcn jun chi e muloc.