Gn 30:33 - Chuj San Sebastian Bible

³³ Yuj cha, a yic tzach japx wul el e no xwij in tojloc cha, 'ixta 'oj otc eln cot in yiclumal 'ayach. Toto a 'a scal no wic cha, 'ay no chiwo man̈ tz'ib'quintacoc, no man̈ lin̈n̈b'aoc yilx stz'ib'ul, yet' no calnelu man̈ q'uic'oc, toto 'ixta', wan ach welc'n tzyal cha, xchi Jacob.

Chuj San Mateo Bible

³³ Yuj chi' jun, ayic tzach c'och il noc' a noc' chi', noc' svic' in tojoloc chi', icha chi' ol aj ilancot in tojolal. Tato a d'a scal noc' vic chi' ay noc' chiva, ma noc' calnel chi' man̈ tz'ib'iltacoc, mato man̈ q'uiq'uic'oc, van ach velc'an syal chi', xchi vin̈.

Gn 30:33 ပူးပေါင်းရင်းမြစ်များ

Gn 30:32

A ticnec, chaj in 'och 'a scal no 'a calnelu tic, yic tzin pojn 'el smasnil no cotc calnelu q'uic' yilxi yet' no yune chiwo to tz'ib'quintac, yet' no lin̈n̈b'a yilx stz'ib'ul, a e no chi tz'och in tojloc.

Gn 30:34

—Ya' cab'n̈ej 'ixta', tzchaj in c'ojl tas tzal cha, xchi win Labán.

Gn 31:37

Smasnil tas 'ay 'ayin, c'uxn tza say ela', ¿tas 'ay 'a atut x'ilchj 'oj ticnec? 'Ac' 'ejm 'a tic, 'a sat eb' wican ajun wet' tic, yet' 'a sat eb' ecan ajun et' tic, sec wach' a eb' tztac' yalni machn̈ yel tzcala.

A Ch'an̈ Schab'l Libro Samuel 22:21

A Jehová, 'ix yac' spac wico', yujto wach' in b'eyb'al.

Salmos 37:6

'Oj ya' checljoc qui tojl b'eyb'alec yet' qui wach' nab'enalec, 'icha wal stzictznil yoc c'u 'a chimc'ual, 'ixta wal yilxi.

Ex 13:14

A yic 'oj sc'anb'noc eb' cunnalec 'ayn̈ b'aq'uin̈: ¿Tas tzyal 'el'ch jun tic? toto xchi eb', tzcalnec 'ixtc 'a eb': Sch'oxnb'il yic on̈ yi'n 'elt Jehová yet' spoder 'a yol yic Egipto, 'a 'ajtil 'e'nc on̈ mosoal.

Is 59:12

Ach qui Diosal on̈, caw yel x'och qui mul 'aych on̈, mun wal a qui mul chi tz'i'n cot 'a quib'n̈ on̈. A tas xlaj qui b'o on̈, caw checl yaji, cojc wal si'mb'il 'aj xlaj 'och qui mul on̈.

A Ch'an̈ B'ab'el Libro Samuel 26:23

A cab' Jehová tz'a'n spac 'a junjn mach yuj swach'l snab'en, yujto wach' tzyutj sb'a. Wach'xam 'a jun c'u tic, ach ya'ch Jehová 'a yol in c'ab', palta ma'ix yal in c'ojl ach in mil chamoc, yujto a ach si'n 'och 'a opiso.