Gn 30:25 - Chuj San Sebastian Bible

²⁵ Yic tox x'alj win José, xyaln win Jacob 'a win Labán 'ixtic: —A ticnec chaj in pax 'a 'in lu'um.

Chuj San Mateo Bible

²⁵ Ayic toxo ix alji vin̈aj José, ix yalan vin̈aj Jacob d'a vin̈aj Labán icha tic: —A ticnaic, cha in pax d'a in chon̈ab'.

Gn 30:25 ပူးပေါင်းရင်းမြစ်များ

Gn 18:33

Ax yic xlajw spaxtin eb' cha, 'ix 'at Jehová. Ax Abraham 'ix meltzj can pax 'a smantiado.

Gn 24:54

Xlajw cha, xwa win yet' eb' ajun yet' cha, 'ix can eb' 'a jun 'ac'wl chi ta'. Ax yic sacb' 'el 'a junx c'u, 'ix q'ue wan win checb' cha, 'ix yaln 'ixtic: —A ticnec jun, checc 'at 'unx cob's 'unn tic wet' 'a win in patron̈ cha, xchi winac.

Gn 24:56

Palta 'ix ta'w win checb' chi 'ixtic: —Man̈x in eyamch wa'an, a Jehová x'och wet'oc, yuj cha, wach' x'aj 'el'ch jun in checnb'il tic. Chajec in 'ati, to tzin pax 'a yatut in patron̈ cha, xchi winac.

Gn 26:3

A ticnec, wach' ajcn 'a jun lum tic. 'Aynn̈ej 'ec' et'oc, ax wa'n pax in yaxilal 'ayach. A smasnil jun lum tic, 'oj wac' 'ayach, yet' 'a smasnil en̈til, sec tz'el'ch smasnil tas waljnac can 'a a mam, atn Abraham.

Gn 28:13

Xyiln paxi to a Jehová lin̈n 'ec' 'a stz'ey, xyaln 'a 'ixtic: An ton tic Jehová in, sDiosal in a mam 'ichm Abraham, yet' a mam, atn Isaac. A 'ayach, yet' 'a smasnil eb' en̈til, ata 'oj wac' lum lum tic 'aj teln ach 'ec' tic.

Gn 28:15

'Aynn̈ej 'och et'oc, ax ach in tan̈wni pax 'a 'ajtil 'oj eq'ui, ax ach wi'n meltzjoc 'a lum lum tic jun 'ejm xo. May wal b'a'n̈ 'oj ach wactcani. 'Oj in yicl 'icha xwutj wa'n in ti 'ayach, xchi Dios 'a swaych Jacob cha.

Gn 31:13

An ton Dios in, xin ch'ox in b'a 'aych 'a Bet-el, 'a 'ajtil a secjnac can q'ue aceite 'a yib'n̈ jun q'uen q'ue'en, atn 'a 'aj a'jnac can a ti 'ayin. A ticnec 'ixc muc'uc, 'eln̈ 'a jun lugar tic, tzach meltzj 'a a lu'um, 'a 'aj 'aljnac ach, xchi Dios 'ayin, xchi Jacob 'a eb' 'ix yistzil cha.

Gn 31:55

Ax yic sacb'el 'a junx c'u, 'ix q'ue wan win Labán, stz'ub'n can 'elt sti eb' 'ix yisl cha, yet' eb' yixchiquin; xyaln can wach' paxti 'a yib'n̈ eb', 'ixta to b'i'an xmeltzj 'a slu'um.

A Ch'an̈ Carta D'a Eb' Hebreo 11:9

Yujto ya'jnac 'och Dios 'a sc'ojol, yuj cha, c'ochnc cajn 'a jun lugar ya'jnac Dios sti ya'n 'a 'a. A te mantiado sb'ojnac yatutoc. An̈jtona', 'ixta yutjnac sb'a Isaac yet' Jacob, yujto locn eb' xchan jun 'aj ya'jnac Dios sti cha.