Gn 3:19 - Chuj San Sebastian Bible

¹⁹ 'Oj 'el yalil snan̈l a sat, ax yilchj tas 'oj a c'uxu', masnto 'oj a meltzj 'a lum lum tic jun 'ejm xo, yujto a 'a lum ach coti, yuj cha, 'oj a meltzj can pax 'och lumal jun 'ejm xo, xchi Dios.

Chuj San Mateo Bible

¹⁹ Ol el alil a munlaji, icha chi' ol aj a va'i masanto ol ach meltzajxoc och luumal. Yujto d'a lum ix ach coti, lum ach taxoni, yuj chi' ol ach meltzajxoc och luumal, xchi Jehová d'a vin̈.

Gn 3:19 ပူးပေါင်းရင်းမြစ်များ

Gn 18:27

'Ix yaln pax Abraham 'ixtic: —'Ac' niwnc'ojlal 'ayin, to tzin paxtin to jacx et'oc, ach tic Yajl ach, an tic 'anmann̈ej, may jac wel'chi.

Gn 2:7

'Ix sb'on Dios jun 'anma'. A yet' spoccal lum lum 'ix b'o'i. 'Ix yutz'n 'och Dios yic' 'a sn̈i', 'ixta wal x'aj yel yich spitzw 'el 'anma'.

Gn 23:4

—Toxn̈ej am chuc chon̈b'al waj 'a e cal tic, comnoc tz'el 'a e c'ojl e chon̈n wal jac e lum 'ayin, sec ata tzin muc sniwnal 'ix wistzil, xchi 'a ewinac.

Gn 3:18

'Oj q'uib' te q'ui'ix yet' te c'ultc 'ay sq'uixl 'a sat lum lum tic, ax a lon te 'itj 'oj pac' 'a scal te c'ultc cha.

Job 1:21

'Ix yaln win 'ixtic: —May xon jac tas wet'i yic in 'alj 'el 'a yolyib'n̈q'uinl tic, may pax jac tas 'oj wic' yic 'oj in meltzj paxi. A Jehová a x'a'n smasnil tas 'ayin, a pax x'i'n 'ec' jun 'ejm xo; alx cab' wach' paxti 'a 'a, xchi Job.

Job 10:9

Na cot nab'an, to an tic b'ob'iln 'oj 'a lum pococ; ax ticnec ¿tom tzin a'x can 'och pococal muc'uc?

Job 19:26

Wach'xam tzlajw 'el in tz'umal tic, palta 'oj wilch Dios yet' in niwnal tic.

Job 21:26

Palta ax 'a yol lum 'aj tzmucx eb' tzcham cha, lajn xoj tz'aj eb' 'anma ta', a no ay tzwa 'a schib'jal eb'.

Job 34:15

to 'ixta', jun 'ejmn̈ej tzon̈ chamc qui masnil, tzon̈ 'ochx canec poccal.

Job 4:19

Ocxom wal eb' 'anma', caw wal may ste'nal eb'. Lajn eb' 'icha junc xamit n̈a b'ob'il q'ue 'a yib'n̈ poc. Wach' yic tzq'uin̈lb'i, ax 'a yic yemc'ual juwnc xo paxi. Lajn pax eb' 'icha no 'ij tzte'x can 'ejm 'a sat lum, jun 'ejmn̈ej tzcham muc'uc, toc 'ay mach tzcus yu'uj.

Salmos 103:14

Yujto yojtac tas 'ajnc on̈c qui b'o'i, a yet' lum pococ b'ob'iln̈ec.

Salmos 104:23

Ax an̈ 'anman̈ tic on̈, an̈ xo tzon̈ 'elt can munljoc, tzon̈ munljn̈ej tz'ec' c'u, masnto 'a yic tz'em c'u.

Salmos 104:29

Toto tzej 'el a sat 'a e no', wal xiw chan̈ e no cha; toto tzej 'ec' sq'uinl e no', 'oj cham e no', ax yochx can e no poccal.

Salmos 127:2

May jac tzca'c ganar yic tzon̈ cob' seb' 'ochc 'a qui munljel, tz'at pax c'u cob' qui meltzjec, yic cob' tzqui saynec tas tzqui c'uxu, yujto a Dios tzyac' swach'c'ojlal 'a eb' chamc'ojlb'il yu'uj, ya' sb'a to tz'ilj eb'.

Salmos 22:15

'Icha wal junc lum tacn̈ texu, 'ixta wal x'aj stacj 'el yol in jaj, tox 'ix can tzayn wac' 'a yol in jom. In a'cn 'ejm 'a scal spoccal yet'l eb' chamnac.

Salmos 22:29

Smasnil eb' rico 'ayc' 'a sat lum lum tic, 'oj wa eb', ax ya'n eb' 'emmquilal 'ayach. Smasnil 'anma', 'oj 'em pax cumn eb' 'a ojltac, yujto may junc on̈ mun quic qui b'a yet' qui tzatzl on̈, palta to chamlb'a caj qui masnil on̈.

Salmos 90:3

Ach tzon̈ ac' meltzjoc can pax 'och an̈ 'anman̈ tic poccal, a yic tzaln 'a 'ayn̈ 'ixtic: Ex 'anma', meltzjan̈c can pax 'och poccal, xa chi.

Pr 21:16

A mach tzyij can 'el sb'a 'a wach' b'eyb'al, wan s'atcn 'a scal eb' chamnac.

Ec 1:13

'Ix in yamn 'och in b'eyc'ojlani, 'ix cham in cuyn wal 'a jelnal smasnil tas 'ay 'a yolyib'n̈q'uinl tic. Caw wal 'al jun 'ictz 'aych can 'a quib'n̈ an̈ 'anman̈ec tic yuj Dios.

Ec 1:3

¿Tas wal tzyac' ganar eb 'anma', yic til wal munljel tzb'o eb' a yolyib'n̈q'uinl tic?

Ec 12:7

A yic 'oj lajwc c'och jab' qui q'uinlec tic, ax qui niwnalec 'oj meltzjoc can pax 'och poccal 'a sat lum tic, 'icha xon yaj 'a yic yaln̈taxi; ax qui pixnec, 'oj meltzjoc can pax 'a Dios, yujto a 'a'jnac 'ayn̈ec.

Ec 3:20

Junn̈j lugar 'aj tzc'och qui niwnalec tic yet' no noc' cha, yujto a 'a lum lum cotn̈c on̈ec, an̈jtona', a pax ta tzon̈ meltzjec can qui masnil.

Ec 5:15

'Icha wal tz'aj yalj 'a yolyib'n̈q'uinl tic, 'ixta tz'aj smeltzj paxi; jitn 'eli yic tz'alji, ax yic 'oj meltzjoc paxi may jac chi 'oj yic' yet'oc. A jun cha, caw wal cusc'ojlaln̈ej yaji, scal xiwc'ojlal, scal yailal mto scal somc'ojlal tzwa'i, yuj cha, nab'an̈ej tzyixtj sb'a smunlji.

Dn 12:2

Til wal eb' chamnc xo 'oj pitzwc paxi. 'Ay eb' 'oj scha sq'uinl 'a jun 'ejmn̈ej. 'Ay pax jun tzo'n̈ xo eb' jun, 'oj 'atcn eb' 'a q'uixwc'ojlal 'a scal yailal 'a jun 'ejmn̈ej.

1 Co 15:47

A jun b'ab'l winac, a 'a lum lum b'onac. Yuj cha, yic yolyib'n̈q'uinl tic yaji. Ax junx schab'il atn Cajlilec, yic satchan̈ yaji.

Ef 4:28

Toto 'ayex, an̈ja 'elc'm ex, caw man̈x eyelc' junc tas ticnec. Yel xo wach' tzex munlj 'a junc munljel wach', sec 'oj stac' e colwj pax 'a jun tzo'n̈ xo eb' caw may jac yico'.

1 Ts 2:9

Ex wu'tac, ex wanab', tecn tze na coti, chajtl 'ec' cutjnac qui munlj 'a e cal on̈. Caw xcac' 'ip qui munlj on̈. Yic 'ec' calnc 'el wach' 'ab'x yic Dios 'ayx on̈, sc'ual yac'wlil munljnacn̈ pax yuj qui gasto on̈. 'Ixta 'e'nc on̈ ta 'on̈, yujto qui nib'jnac on̈, may mach tz'ab'n syal ya'n qui gasto ta 'on̈.

2 Ts 3:10

Yujto a yic 'ayn̈ 'ec' 'a e cal on̈, caln can jun checnb'il 'ayx 'ixtic: Toto 'ay mach matz nib'j tzb'o smunljel, caw matz tac' yajx wa'oc, xqui chi 'on̈.

A Ch'an̈ Carta D'a Eb' Hebreo 9:27

Smasnil 'anma', yowlal tzcham eb' jun 'ejem. 'Oj lajwc cha, ax sb'eyc'ojlax eb'.