Gn 3:17 - Chuj San Sebastian Bible

¹⁷ Xyaln pax 'ixtc 'a win winc cha: —Yujto xa yiclj 'a 'ix estzil tic, xa lon sat te te xwal to matz a lo'o, a ticnec, tic wal tzin catb'ej can 'el lum lum tic a mulojoc. Ya' sb'a 'aych 'ec' 'a yolyib'n̈q'uinl tic, 'oj ab' syal a munlji, 'ixta to b'i'an ax yilchj tas tza c'uxu.

Chuj San Mateo Bible

¹⁷ Ix yalanpax Jehová Dios d'a vin̈aj Adán chi' icha tic: —Yujto ix a c'anab'ajej ix etb'eyum tic a loan sat te te' ix vala' to max a lo'o, a ticnaic jun, uuj tzin catab'ejcan lum luum tic, yuj chi' d'a scal yaelal ol ach vaoc yacb'an ayach ec' d'a yolyib'an̈q'uinal tic.

Gn 3:17 ပူးပေါင်းရင်းမြစ်များ

Gn 3:11

'Ix sc'anb'n Dios 'ixtc 'a winac: —¿Mach x'a'n ojcoc 'eli chajtlto jitn ach 'eli? ¿Tope wal 'ix a lo sat te te 'ix wal 'ayach to matz a lo'o? xchi.

Gn 3:18

'Oj q'uib' te q'ui'ix yet' te c'ultc 'ay sq'uixl 'a sat lum lum tic, ax a lon te 'itj 'oj pac' 'a scal te c'ultc cha.

Gn 3:6

'Ix yiln 'och 'ix te sat cha, to wach' sloxi, wach' pax yilxi, snib'n pax 'ochi sec wach' tz'acw snab'en 'ix yalni. Yuj cha, sch'inn 'elt 'ix jun te sat cha, slon 'ix te'. 'Ayc' pax win yichmil 'ix chi yet'oc, xya'n 'ix te 'a winac, slon pax win te yet' 'ix.

Gn 8:21

Caw su'q'ui sjab' jun xajmb'al chi xyab' Jehová, yuj cha, snan 'ixtic: Man̈x 'oj in chacl lum lum tic yuj syaloc eb' 'anma tic, yujto yictax 'unn 'anma to eb', cojn maysch'olnil tznib'j eb' sb'o'. Man̈ yujoc cha 'oj to in satl smasnil tas pitzan, 'icha 'ix wutj tic.

Job 14:1

An̈ 'anman̈ tzon̈ 'alj 'el 'a yolyib'n̈q'uinl tic, caw jab' wal qui q'uinal, scal pax yailal tz'aj yec' tiempo cuj on̈.

Job 21:17

¿Tom comn xoj tz'ec' sq'uinl eb' maysch'olnil chi 'icha tz'aj stup sc'a'l junc cantil? Toc tzcomn jaw yailal 'a yib'n̈ eb'. Toc tzcomn cot yowl sc'ojl Dios 'a eb'.

Salmos 127:2

May jac tzca'c ganar yic tzon̈ cob' seb' 'ochc 'a qui munljel, tz'at pax c'u cob' qui meltzjec, yic cob' tzqui saynec tas tzqui c'uxu, yujto a Dios tzyac' swach'c'ojlal 'a eb' chamc'ojlb'il yu'uj, ya' sb'a to tz'ilj eb'.

Ec 2:11

Xlaj in yamn 'och in b'eyc'ojlan in munljel xlaj in b'o', atn jun tzo'n̈ munljel teb'il b'onc wu'uj, ata xwil coti to a smasnil jun tzo'n̈ cha, may jac yel'chi. Lajn jun tzo'n̈ chi 'icha wal yic tzcob' qui pechnec qui b'a yet' 'ic' yic tzcob' ca'lnoc qui yamni. May jac tas wach' qui'nec 'a yolyib'n̈q'uinl tic.

Ec 2:17

Ax x'aji in tzactzj cha'an̈, nab'a xoj pitzn in, yujto a smasnil tas tzin b'o 'a yolyib'n̈q'uinl tic, ton̈j tzwixtj in b'a in b'oni. Mayxon jac yel'ch smasnil, lajn wal 'icha yic tzcob' qui pechnec qui b'a yet' 'ic' yic tzcob' ca'lnoc qui yamni.

Mt 22:12

Yuj cha, xyaln win rey chi 'ixtc 'a 'a: Ach in wach'c'ojol, ¿tas yuj tzach comn jaw 'a jun nupnel tic? 'In man̈oc a pichl yic nupnel 'aych o'oj, xchi win 'a 'a. Palta ton̈j sictac x'aji, ma'ix ta'w xon jab'oc.

Mt 25:45

Palta 'oj wal 'ixtc 'a eb': Wal yel tzwal 'ayex, a yic ma'ex colwj 'a jun tzo'n̈ eb' tic, wach'xam may yel'ch eb', tzyal 'el'chi, a 'ayn ma'ex colwji, 'oj in chic 'a eb'.

Lc 19:22

Yuj cha, xyaln pax win 'ixtc 'a 'a: Ach tic cob' moso ach, palta caw may a ch'olnil. Yuj wal jun tzo'n̈ tas xal tic, 'oj ach in b'eyc'ojloc. 'In ojc xoni ch'an in. Toxn̈ej tzin chaj wico'oc tas tzyac' ganar junc xo 'anma'. Toxn̈ej tzin jach'a, palta may tas tzwawej.

Jn 16:33

'Ix wal smasnil jun tzo'n̈ tic 'ayex, sec wach' junc'ojlal xoj 'oj 'aj e pixn wu'uj. A 'a yolyib'n̈q'uinl tic, 'oj eyab' ton syail. Palta te'n tzeyutj e b'a, yujto a jun yolyib'n̈q'uinl tic, 'ix can 'a yaln̈ wu'uj, xchi 'a eb'.

Ro 3:19

Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.

A Ch'an̈ Carta D'a Eb' Hebreo 6:8

Palta 'ay pax lum nab'a q'ui'ix, nab'a c'ultc tzpac' 'a 'a, may jac yopiso. Yuj cha, 'oj jawc yowl sc'ojl Dios 'a yib'an̈, c'uxn 'oj tz'a'oc.