Gn 29:34 - Chuj San Sebastian Bible

³⁴ Scuchn pax chan̈ 'ix yune', ax yic x'alj junx yune 'ix cha, xya'n eb' sb'ic Leví, xyaln pax 'ix 'ixtic: A ticnec, junxn̈ej 'oj 'ajcn wichmil tic wet'oc, yujto 'ayx 'oxwn̈ wune yet'oc, xchi 'ix.

Chuj San Mateo Bible

³⁴ Ix aljipax junxo yune' ix, Leví ix yac' ix sb'iej, ix yalan ix: A ticnaic junxon̈ej ol aj vin̈ vetb'eyum tic ved'oc, yujto oxvan̈xo vune' yed' vin̈, xchi ix.

Gn 29:34 ပူးပေါင်းရင်းမြစ်များ

Gn 30:20

'Ix yaln 'ix 'ixtic: Xyac' Dios junx siylab' tic 'ayin, yuj cha, 'oj can cajn wichmil tic wet'oc, yujto swacwn̈il 'unn tzwune'ej tic, yuj cha, a win 'unn tic 'oj sb'ic win Zabulón, xchi 'ix.

Gn 34:25

Palta ax Simeón yet' Leví ewin yunnal Jacob, snul'j 'ix Dina, schab'jil xo cha, x'at ewin 'a jun chon̈b' cha, ya' sb'a ya'ay ewin quelmtac chi yuj circuncisión cha, a yic xc'och eb' 'a yol chon̈b' cha, syamn 'och ewin smiln cham ewin ya'ay chi smasnil yet' yespada, yujto man̈xtzac stac' scoln sb'a eb'.

Gn 35:23

A eb' yunnal Jacob yet' 'ix Lea atn eb' tic, Rubén win b'ab'l winac, Simeón, Leví, Judá, Isacar yet' Zabulón.

Gn 4:1

'Ix yi'n sb'a Adán yet' 'ix Eva, yuj cha, scuchn chan̈ 'ix yune'. Xlajw cha, x'alj jun yune 'ix, xya'n sb'ic Caín, xyaln 'ix 'ixtic: X'alj jun in winc 'unin. A Jehová a x'a'n 'ayin, xchi 'ix.

Ex 2:1

A 'a yic jun tiempoal cha, 'ay jun winc cotn̈c 'a eb' yin̈tl Leví, 'ix yij sb'a win yet' jun 'ix 'ix; an̈jtona', ata cotn̈c pax yin̈tl 'ix 'a win Leví cha, 'ix 'alj chawn̈ yunnal eb'.