Gn 29:33 - Chuj San Sebastian Bible

³³ Scuchn chan̈ 'ix junx yune', ax yic x'alj junx yune 'ix cha, xya'n eb' sb'ic Simeón, xyaln 'ix 'ixtic: 'Ix yil Jehová to chab'c'ojlb'iln 'eli, yuj cha, xyac' junx wune tic, xchi 'ix.

Chuj San Mateo Bible

³³ Ix lajvi chi' ix alji junxo yune' ix, Simeón ix yac' ix sb'iej, ix yalan ix icha tic: Ix yab' Jehová to chab'c'olab'il vaji, yuj chi' ix yac' junxo vune' tic, xchi ix.

Gn 29:33 ပူးပေါင်းရင်းမြစ်များ

Gn 30:18

Xyaln 'ix Lea chi 'ixtic: Isacar 'oj sb'ic win 'unn tic, spactzej Dios 'ayin, yujto xwac' 'ix in checb' 'a win wichmil tic, xchi 'ix.

Gn 30:20

'Ix yaln 'ix 'ixtic: Xyac' Dios junx siylab' tic 'ayin, yuj cha, 'oj can cajn wichmil tic wet'oc, yujto swacwn̈il 'unn tzwune'ej tic, yuj cha, a win 'unn tic 'oj sb'ic win Zabulón, xchi 'ix.

Gn 30:6

Xyaln Raquel 'ixtic: Dan 'oj sb'ic win 'unn tic, yujto xyab' Dios in lesal, in sb'oyaji, yuj cha, xya'n jun 'unn tic 'ayin, xchi 'ix.

Gn 30:8

Xyaln pax 'ix Raquel chi 'ixtic: A jun 'unn tic 'oj sb'ic Neftalí, yujto tzwac' owl yet' 'unx in nul'j Lea, ax ticnec wan wa'n ganar 'unix, xchi 'ix.

Gn 34:25

Palta ax Simeón yet' Leví ewin yunnal Jacob, snul'j 'ix Dina, schab'jil xo cha, x'at ewin 'a jun chon̈b' cha, ya' sb'a ya'ay ewin quelmtac chi yuj circuncisión cha, a yic xc'och eb' 'a yol chon̈b' cha, syamn 'och ewin smiln cham ewin ya'ay chi smasnil yet' yespada, yujto man̈xtzac stac' scoln sb'a eb'.

Gn 34:30

Yuj cha, xyaln win Jacob 'a Simeón yet' 'a Leví 'ixtic: —Caw wal tzeyac' in chac in b'a yet' smasnil eb' 'anma cajn 'a sla'nil jun lugar tic, atn eb' cananeo yet' eb' ferezeo. 'Oj syam sb'a am eb', ax ya'n eb' owl quet'ec, tecn 'oj on̈ smilc eb' qui masnil yet' cunnalec tic, yujto jaywn̈n̈ej wal qui b'islec, xchi winac.

Gn 35:23

A eb' yunnal Jacob yet' 'ix Lea atn eb' tic, Rubén win b'ab'l winac, Simeón, Leví, Judá, Isacar yet' Zabulón.

Gn 42:24

'Ix yi'n 'el sb'a José 'a stz'ey ewinac, syamn 'och yoq'ui. Xmeltzj pax coti, 'ix paxtin jun 'ejm xo. Xlajw cha, xyi'n 'el Simeón 'a scal eb', sat wal eb' xjalx can winac.

Nm 34:20

'A eb' yin̈tl Simeón, tzcot Semuel win yunnal Amiud.

Dt 21:15

Q'uinloc 'ay junc winc chawn̈ yistzil, palta jun wal 'ix tzchamc'ojlej winac, ax junc xo 'ix ma'ay. Toto tz'alj yune eb' 'ix schawn̈il, ax tz'aji a 'ix matz chamc'ojlej win cha, a 'ix tzb'ab'l 'alj yico',