Gn 29:27 - Chuj San Sebastian Bible

²⁷ Yiclj can jun seman sq'uin̈l a nupnel yet' 'unx Lea tic, tzlajw cha, ax e'n pax 'unx Raquel, toto tzac' a ti a munlj pax 'ayn uque'ocx ab'il, xchi Labán.

Chuj San Mateo Bible

²⁷ C'anab'ajejcan jun semana sq'uin̈ nupnajel yic ix Lea tic, ol ic'anpax ix Raquel chi' tato tzac' a ti' a cajan uqueocxo ab'il ix d'ayin, xchi vin̈aj Labán chi'.

Gn 29:27 ပူးပေါင်းရင်းမြစ်များ

Gn 29:20

'Ixta x'aj smunlj win Jacob uque ab'il yuj 'ix Raquel, caw matz yab' win yec' tiempo cha, yujto caw tzchaml win yet' 'ix.

Gn 29:26

Xyaln Labán 'a win 'ixtic: —A qui b'eyb'al 'a tic, matz tac' to a eb' 'ix tza'n 'ix tzb'ab'l 'och yichmil 'a eb' 'ix b'ab'l 'ix.

Gn 29:28

Xchan sc'ojl win Jacob jun paxti cha. Syiclni jun seman sq'uin̈l snupnel yet' 'ix Lea cha, slajw cha, xya'n pax win Labán 'ix Raquel chi yistloc winac.

Gn 31:41

Junc'l ab'il wal in 'aj et' 'a atut. Chan̈lajn̈e ab'il in munlj yuj chawn̈ eb' 'ix esl tic; ax waque xo ab'il in munlj 'aych yuj no 'a cajb'en noc' tic, lajn̈ 'ejm 'ix in extj paxti yuj in tojol.

Lv 18:18

May cab' mach tzmontj snul'j yistzil schab'l 'istziloc, matz tac' yi'n win 'ix, ya' sb'a to pitznto 'ix yistzil win cha, sec wach' may owl 'a scal eb' 'ix.

Malaquías 2:15

¿Tom man̈oc Dios 'ix 'a'n e mojc e b'a sec junn̈j niwnal tzex 'ajcni, yet' junn̈j pax espíritu 'aych 'ayex? ¿Tas snab'en Dios yuj cha, 'ixta xyutj tze na'a? 'Ixta xyutej, sec a eb' eyunnal, yic pax tz'aj eb'. Yuj cha, tan̈wjec e b'a, man̈ eyac' sat e c'ojl 'a e ti eya'jnac 'a eyistzil eyijnac e b'a yet' 'a yic quelmal.

1 Ti 6:10

Toto cojn tumn 'aj tzca'ch qui nab'en, 'oj pitzwc chan̈ smasnil jun tzo'n̈ maysch'olnil 'ayon̈. 'Ay eb' cojn tumn tznib'j 'ochi. Yuj cha, xyactn can eb' jun tzo'n̈ cuynb'il 'aj xcob' ya'ch eb' sc'ojol. Til wal scusc'ojlal eb' xyij cot 'a yib'an̈.

Jueces 14:10

Xlajw cha, xc'och smam Sansón chi yet' 'a 'aj 'ay 'ix cob's 'ix cha. 'Ix ya'n 'och Sansón chi jun q'uin̈ yuj snupnel, yujto 'ixta sb'eyb'al eb' quelmtac 'a jun lugar cha.

Jueces 14:12

Ax Sansón 'ix yal 'a eb' 'ixtic: —A ticnec 'ay jun tzo'n̈ tas 'oj wac' e nali. Toto a 'a scal uque c'u q'uin̈ tic, ata tojl 'oj eyutc eya'n spac 'ayin, toto 'ixta', 'oj wac' junjnoc e pichl 'a te lino wach' yaj sb'o'i, ax wa'n pax junjnoc e pichl tzeya'ch 'a yic 'ay junc q'uin̈.