Gn 29:25 - Chuj San Sebastian Bible

²⁵ Ax yic sacb'eli, xyiln cot sb'a win Jacob to a 'ix Lea xway yet'oc, yuj cha, x'at yalnc 'a win Labán 'ixtic: —¿Tas yuj 'ixtc in otej? Yuj 'unx Raquel in munlj 'ayach. ¿Tas yuj tzin extej? xchi.

Chuj San Mateo Bible

²⁵ Ayic ix sacb'i, ix yilanelta vin̈aj Jacob chi' to a ix Lea ix vay yed' vin̈, ix b'at yalan vin̈ d'a vin̈aj Labán chi' icha tic: —¿Tas yuj icha tic ix in utej? A ix Raquel ix in caj d'ayach, ¿tas yuj tzin ixtej? xchi vin̈.

Gn 29:25 ပူးပေါင်းရင်းမြစ်များ

Gn 12:18

Yuj cha, xya'n win rey 'ijx cot Abram, 'ix yaln 'a 'ixtic: ¿Tas wal yuj 'ixta tzin otej? ¿Tas yuj ma'ix al 'ayin, toto estzil 'ix 'ix tic?

Gn 20:9

Xlajw cha, 'ix yawtn cot win Abimelec win Abraham, 'ix yaln 'a 'ixtic: —¿Tas yuj 'ixta in otej? ¿Tas in mul 'ayach yuj cha, 'ijn tzcot jun niwquil mul tic 'a wib'n̈ o'oj, yet' 'a yib'n̈ smasnil eb' in checb' tic? Man̈ wach'c tas xa b'o'o.

Gn 26:10

Palta xyaln win rey chi 'ixtc 'a 'a: —¿Tas yuj 'ixta on̈ otj on̈? Jab'xoj ma'on̈ 'em 'a maysch'olnil o'oj. Q'uinloc 'ay junc winc xway yet' 'ix estzil tic, oj wali tz'och qui mul on̈, xchi winac.

Gn 29:16

A Labán cha, 'ay chawn̈ yisil; 'ix b'ab'el Lea sb'i 'ix, ax 'ix schab'il Raquel sb'i 'ix.

Gn 29:24

Xya'n win Labán jun 'ix ya'mal servil 'ix Lea cha, Zilpa sb'i 'ix.

Gn 29:26

Xyaln Labán 'a win 'ixtic: —A qui b'eyb'al 'a tic, matz tac' to a eb' 'ix tza'n 'ix tzb'ab'l 'och yichmil 'a eb' 'ix b'ab'l 'ix.

Gn 31:26

Syamn 'och Labán yaln 'och 'a sat Jacob 'ixtic: —¿Tas xa b'o'o? ¿Tas yuj in extej? Xe'n cot eb' 'ix wisil, coynto 'icha xo owl xotj e'n cot eb' 'ix.

Gn 31:7

Ax e mam 'icha to in yixtej, slajn̈ 'ejmal xo wal sjeln in tojol, palta a Dios matz nib'j tzin 'ixtxi.

Pr 11:31

Toto a eb' tojl sb'eyb'al 'oj scha eb' spac yic 'a sat lum tic, ocxom wal eb' may yel'ch Dios 'a sat yet' eb' 'ajmul, yel xo wal ya 'oj 'ec' eb' schan spac tas sb'o'o.

Mt 7:12

Toto tze nib'j caw wach' tzyutj sb'a eb' eyit 'anmal 'ayex, wach' pax tzeyutj e b'a 'a eb'. Yujto 'ixta tzyal 'el'ch jun tzo'n̈ ley yic Moisés 'aycni, yet' jun tzo'n̈ Ch'an̈ Un̈ tzi'b'b'il can yuj eb' schecb' Dios pecti'.

Mt 7:2

Yujto 'icha wal tzeyutj e b'eyc'ojlan eb' eyit 'anma'il, 'ixta 'oj ex yutc Dios ex sb'eyc'ojlan jun xo. A wal eyechtab' tzeya'lb'ej, a 'oj 'a'lb'axc 'ayex, tzyal 'el'chi to 'icha wal tzeyutj e b'eyc'ojlwi, 'ixta 'oj eyaj e b'eyc'ojlax jun xo.

Jn 21:17

'Ix yaln pax 'ixtc 'a yoxlal: —Simón, ach yunnal Juan, ¿tzam in a chamc'ojlej? xchi 'a 'a. Yuj cha, caw 'ix cus chan̈ Pedro cha, yujto yoxlal sc'anb'n Jesús 'a 'a, toto tzchamc'ojlej. Yuj cha, 'ix yaln pax 'a 'ixtic: —Mamin, ojc xon smasnil to chamc'ojlb'ilchn̈ej wu'uj, xchi 'a 'a. —Toto 'ixta', 'icha junc 'ilm calnelu, 'ixta tzotj a jucb'tzan eb' wic xo.

1 Co 3:13

Palta a qui munljel junjn on̈ec, caw 'oj checljoc 'eli, a yic 'oj jawc jun c'u yic b'eyc'ojlal. 'Icha junc c'ac' tzjawi, 'ixta 'oj 'aj sjaw jun b'eyc'ojlal cha. Ax yajx prowal qui munljel junjn on̈ec, toto wach', mto ma'ay.

Apoc 3:19

Jantcn̈ej eb' chamc'ojlb'il wu'uj, tzin tench wan eb', tzwa'n syailal eb'. Yuj cha, caw nac e b'a, tzeya'n pax 'och e nab'en 'ayin.

Jueces 1:7

Yuj cha, xyaln Adoni-bezec 'ixtic: A 'a yic yaln̈taxi, in tzu'jnac 'el snun sc'ab' yet' snun yoc 70 eb' rey, x'och eb' sic' sc'ajl schib'l woch 'a yaln̈ in mexa. 'Icha wal wutjnac eb' rey cha, 'ixta wal xyutj Dios ya'n spac 'ayn ticnec, xchi. Xlajw cha, xyi'n 'at eb' 'a Jerusalén, axta xchami.

Rt 4:11

'Ix ta'w eb' yichm wincal chon̈b' cha, yet' smasnil eb' 'ayc' cha, 'ix yaln eb' 'ixtic: —Tic tzquila, testigo tzon̈ 'ajcni. Ya' cab' Jehová syaxilal 'a yib'n 'ix 'ix tz'ochcn 'a yol atut cha. Lajn cab' 'oj 'el'chc 'ix 'icha 'ix Raquel yet' 'ix Lea, 'a 'aj cotnn̈c quin̈tl an̈ israel on̈c tic. An̈jtona pax ach tic, niwn cab' tz'aj a b'inax 'a yol yic Efrata yet' 'a Belén.

A Ch'an̈ B'ab'el Libro Samuel 28:12

A yic jun rato cha, 'ix yiln 'ix win Samuel. Caw wal 'ip x'el yaw yuj xiwlal, 'ix yaln 'ix 'ixtc 'a Saúl: