Gn 29:13 - Chuj San Sebastian Bible

¹³ Ax yic xyab'n Labán speclal Jacob, to yune yanb' winac, carela xcot win wul scha'. X'och la'n win 'a Jacob, stz'ub'n 'elt win sti', xyi'n 'at 'a yatut. Xlajw cha, syamn 'och Jacob yaln 'a Labán, tas x'aj s'at 'a yol b'e yet' 'a yatut.

Chuj San Mateo Bible

¹³ Axo ix yab'an vin̈aj Labán sb'inaj vin̈aj Jacob yune' yanab', ix b'at lemnaj vin̈ schacot vin̈. Ix och lac'naj vin̈ d'a vin̈, ix tz'ub'anelta sti' vin̈, ix yic'anb'at vin̈ vin̈ d'a spat chi'. Ix och ijan vin̈aj Jacob chi' yalani tas ix aj scoti.

Gn 29:13 ပူးပေါင်းရင်းမြစ်များ

Gn 24:29

'Ay jun win snul'j 'ix Labán sb'i, yajn̈ej 'ix 'at win 'a 'aj 'ay a 'uc'b'il a cha, yic tz'at yi'nc cot win jun winc cha.

Gn 24:31

'Ix yaln 'a 'ixtic: —Con̈ wet' 'a watut mamin 'ichm winac, wach' ec yuj Jehová. Matz tac' tzach can 'a tic. Tox 'ix in b'o 'aj 'oj a wayi, 'ay pax 'aj wach' 'oj wa e no a cameyo tic, xchi Labán cha.

Gn 24:32

'Ixta to b'i'an, 'ix 'at win checb' 'a yatut win Labán cha, ax Labán 'ix colwj yi'n 'el yictz e no cameyo cha, xya'n win tas tzc'ux e no', yajn̈ej 'ix yi'n cot pax win a a', yic tzb'icn 'el win checb' chi yoc yet' eb' ajun yet'oc.

Gn 33:4

Ax Esaú xc'och 'a yojltac muc'uc, x'och la'n̈joc 'a sjaj stz'ub'n 'elt eb' sti jun jun, x'oc' chan̈ eb' schawn̈il.

Gn 45:15

'Ix stz'ub'n 'elt José sti jun tzo'n̈ xo eb' yu'tac cha, 'ix 'oc' pax 'a yic la'n 'och 'a eb'. Xlajw cha, ste'wtzan sb'a ewin yu'tac chi spaxtin yet'oc.

A Ch'an̈ Schab'l Libro Samuel 19:39

Smasnil eb' ajun yet'oc, 'ix 'e't eb' 'a yojl a Jordán cha. A yic tox 'ix 'e't win rey, 'ix stz'ub'n can 'elt win sti win Barzilai, 'ix yaln can sb'a win 'a 'a. Xlajw cha, 'ix meltzj win Barzilai 'a yatut.

Ex 18:7

Yajn̈j wal cha, 'ix 'elt Moisés 'a yol smantiado 'at scha sn̈i', 'ix 'em n̈ojn sc'och 'a yojltac sn̈i cha, stz'ub'n 'elt sti'. Ax yic xlajw sc'anb'lan eb' sc'ojol, 'ix 'och eb' 'a yol smantiado Moisés.

Ex 4:27

'Ix yaln Jehová 'ixtc 'a Aarón: 'Ixc 'at chaj o'tac Moisés 'a cusltac lu'um, xchi. Yuj cha, x'at Aarón 'at scha jun yu'tac chi 'a lum cusltac lu'um, atn 'a lum witz 'aj 'ix sch'ox sb'a Dios Moisés. Ax yic schan sb'a eb', 'ix laj ya'lanc eb' stzatzl sc'ojol, stz'ub'nc 'elt eb' sti'.

Lc 7:45

Ma'ix a tz'ub' in ti', yic tza ch'oxn a chamc'ojlal 'ayin. Ax jun 'ix tic, yictax in jaw 'a tic, ma'ix 'och wan 'ix stz'ub'n woc tic.

A Tas Sc'ulejnac Eb' Schecab' Jesús Hechos 20:37

Xlajw sleslwi eb', 'ix syamn 'och eb' yoc' smasnil. Junjnal xlaj sla'cot eb' Pablo cha. 'Ix stz'ub'n can 'elt eb' sti'.

Ro 16:16

A yic tzlaj e chanc e b'a, tzlaj eya'lac stzatzl e c'ojl 'a chamc'ojlal, yujto yic ex xo Dios. A eb' 'a junjn yiglesia Cristo 'a jun lugar tic, tic tzya't eb' stzatzl e c'ojl ta jun xo.

A Scarta San Pablo D'a Eb' Aj Colosas 4:5

A yic tzex paxtin yet' eb' man̈ creyenteoc 'a junjn 'ejem, caw wach'n̈j tzeyutj e b'eyb'al yil eb'.