Gn 28:20 - Chuj San Sebastian Bible

²⁰ Atn 'a jun lugar chi 'aj 'ix ya'cn Jacob sti', 'ix yaln can 'ixtic: Toto tz'och Dios wet'oc, tzin stan̈wni 'a 'aj tzin 'at tic, tzya'n tas 'oj in c'uxu', tzya'n pax in pichul,

Chuj San Mateo Bible

²⁰ Ata' ix yac'can sti' vin̈aj Jacob, ix yalan vin̈ icha tic: Tato a Dios ol in tan̈vanoc, ol ochn̈ej ved'oc b'aj van in b'at tic, ol yac'n̈ej in vael yed' in pichul,

Gn 28:20 ပူးပေါင်းရင်းမြစ်များ

Gn 28:15

'Aynn̈ej 'och et'oc, ax ach in tan̈wni pax 'a 'ajtil 'oj eq'ui, ax ach wi'n meltzjoc 'a lum lum tic jun 'ejm xo. May wal b'a'n̈ 'oj ach wactcani. 'Oj in yicl 'icha xwutj wa'n in ti 'ayach, xchi Dios 'a swaych Jacob cha.

Gn 31:13

An ton Dios in, xin ch'ox in b'a 'aych 'a Bet-el, 'a 'ajtil a secjnac can q'ue aceite 'a yib'n̈ jun q'uen q'ue'en, atn 'a 'aj a'jnac can a ti 'ayin. A ticnec 'ixc muc'uc, 'eln̈ 'a jun lugar tic, tzach meltzj 'a a lu'um, 'a 'aj 'aljnac ach, xchi Dios 'ayin, xchi Jacob 'a eb' 'ix yistzil cha.

Gn 35:3

Coyc mu'c 'a Bet-el, ata 'oj in b'o junc yet'l xajmb'al yuj yi'mb'ilc chan̈ sb'i Dios, atn jun colwjnac wet'oc yic 'ayn 'och wal 'a somc'ojlal, xcolwj pax wet' 'aj in laj 'eq'ui, xchi winac.

A Ch'an̈ Schab'l Libro Samuel 15:8

Yujto wa'jnac in ti 'a 'a, yic 'ayn 'ec' 'a chon̈b' Gezur 'a yol yic Siria. Ata waljnac 'a 'ixtic: Toto tzyal a c'ojl ach Jehová to tzin meltzj pax 'a Jerusalén, 'oj woch 'emmquilal 'aych 'a Hebrón, xin chi, xchi Absalón cha.

1 Cr 4:10

'Ix leslwi win 'a qui Diosalec an̈ israel on̈c tic, 'ix yalni: Tzin tew 'aych Mamin, to tzac' a yaxilal 'a wib'an̈. Tzin nib'j to niwquil in lu'um, tzin nib'j tzach 'och pax wet'oc, yic tzin a coln 'el 'a yailal, sec wach' matz in 'ixtxi, xchi 'a slesal. Ax Dios 'ix 'a'n tas 'ix sc'an cha.

Salmos 116:14

A 'in ti wa'jnac 'a Jehová, 'oj wac' 'el'choc 'a sat smasnil eb' wit chon̈ab'.

Salmos 116:18

A 'in ti wa'jnac 'a Jehová, 'oj wac' 'el'choc 'a sat smasnil eb' wit chon̈ab'

Salmos 119:106

'Ix wac' in ti', to yowlal 'oj in yiclc tas xwala', yuj cha, 'oj in b'eylb'oc jun tzo'n̈ a ley tic, yujto tojl eb'.

Salmos 22:25

Ach in Diosal, a wal 'ajtil caw niwn yaj syamn sb'a eb' a chon̈ab', ata 'oj ach in b'itnoc. A 'a yojltac eb' tzach yiclni, ata 'oj wac' 'el'choc tas ta'wb'il wuj 'ayach.

Salmos 56:12

Ach in Diosal, 'oj in yiclc jun tzo'n̈ in ti 'ix wac' 'ayach, atn jun xajmb'al yic tzwaln yuj diosal 'ayach,

Salmos 61:5

'Ix ab' tas 'ajtil 'ix wac' in ti 'ayach, 'ix ac' in macl 'a scal eb' to 'ay el'ch 'a sat.

Salmos 61:8

'Ixta 'oj wutc in b'itnan a b'i 'a smasnil tiempo. 'A junjn c'u ax in yiclni tas 'aj 'ix wac' in ti 'ayach.

Salmos 66:13

'Oj in c'och 'a atut, ax wa'n tz'a in xajmb'al 'a ojltac; 'ixta 'oj wutc wa'n 'el'choc tas 'aj 'ix wac' in ti 'ayach,

Salmos 76:11

Ca'c qui ti 'a Jehová qui Diosalec, palta tzca'n 'el'choc. E masnil ex nacion̈ oyn ex 'och 'a sla'nil schon̈ab', 'ijec cot eyofrenda 'a 'a, yujto smoj 'ay yel'ch 'a e sat.

Is 19:21

'Ixta wal 'oj yutc Jehová sch'oxn sb'a 'a eb' 'aj Egipto sec tz'ojcax 'el yuj eb', yuj cha, ax ya'n 'ejm sb'a eb' 'a 'a. 'Oj laj yac' eb' xajmb'al yet' yofrenda, ax laj ya'n can eb' sti 'a Jehová to yowlal 'oj syiclc eb'.

Jn 1:16

A jun cha, caw tz'acn swach'c'ojlal. Yuj cha, tz'acn tzch'ox swach'c'ojlal chi 'ayn̈ec.

A Tas Sc'ulejnac Eb' Schecab' Jesús Hechos 18:18

A Pablo, niwn to tiempo x'och wan 'a Corinto cha. Xlajw cha, xyaln can sb'a 'a eb' creyente, 'ix 'ati yic tzpax 'a Siria. 'Ix 'at canb' Priscila yet' cu'tac Aquila yet'oc. 'Ix 'emch eb' 'a jun chon̈b' Cencrea. Yic mantzac 'och eb' 'a yol barco, 'ix sjoxn can 'el Pablo xil sjolom. A jun chi senya, chajtlto 'ay jun strato tzyac' 'a Dios.

1 Ti 6:8

Yuj cha, toto tzchax tas tzqui c'ux 'a junjn c'u, toto 'ay pax qui pichul, tzalj con̈.

A Ch'an̈ B'ab'el Libro Samuel 1:11

Xya'n can 'ix sti 'a Jehová 'ixtic: Mamin Jehová caw wal tztac' oj smasnil. Toto smoj wal eln 'och in cusc'ojlal an a checb' in tic, tzin a nan coti. Comnoc tz'el wal a c'ojl a'n junc wune winc 'unin. A jun wune cha, tzwac' pax eco'oc 'a smasnil tiempo yic tzach ya'n servil. Ma'oj joxxoc 'el xil sjolom, sec a tzch'oxn 'eli to ec yaji, xchi 'ix.

A Ch'an̈ B'ab'el Libro Samuel 1:28

Ax ticnec, to tzwul wa'cn win yico'oc Jehová, yaln̈ej jantc tiempo 'oj yil winac, xchi 'ix. Xlajw cha, x'em n̈ojnjoc win yaln sb'a 'a Jehová.

A Ch'an̈ B'ab'el Libro Samuel 14:24

Palta a eb' israel, caw 'ix tzactzj chan̈ eb' 'a jun c'u cha, yujto 'ay jun sti Saúl xyal 'ixtic: Cot cab' catb' 'a yib'n̈ mach tzwa 'a yic mantzac q'uic'b' cha'an̈ yic mantzac wa'x in pac 'a eb' 'ajc'ojol, xchi. Ax eb' chon̈ab', mantzac wa xon eb' jab'oc.