Gn 28:18 - Chuj San Sebastian Bible

¹⁸ Ax yic sacb' 'el 'a junx c'u cha, caw seb' q'ue wan Jacob, 'ix yi'n cot q'uen q'uen 'ix 'och sc'an̈jolmoc cha, slin̈n can chan̈ q'ue'en, yic tzcan q'uen yechloc jun lugar cha, secn can 'ejm aceite 'a yib'n̈ q'ue'en.

Chuj San Mateo Bible

¹⁸ Ayic ix sacb'i d'a junxo c'u, ix pet q'ue vaan vin̈, ix yic'ancot q'uen q'ueen ix yac'och vin̈ sc'an̈ jolomoc chi, ix yac'ancanq'ue lin̈an q'uen vin̈, ix can q'uen yecheloc, ix secanq'ue aceite vin̈ d'a yib'an̈ q'ueen.

Gn 28:18 ပူးပေါင်းရင်းမြစ်များ

Gn 21:14

A yic caw sq'uin̈b'il to 'a yic junx c'u, 'ix yac' win Abraham pan yet' jun tz'um b'ut'n yet' a 'a 'ix Agar. Xya'n scuch 'ix, xya'n pax 'och win 'unn chi 'a yol sc'ab' 'ix. 'Ix 'at 'ix, palta man̈ checloc 'aj tzc'ochi, a 'a cusltac lum 'a yol yic Beerseba, ata 'ix satcn 'at 'ix yet' win 'unn cha.

Gn 22:3

Yic wal caw sq'uin̈b'ilto, 'ix q'ue wan Abraham, 'ix ya'n 'och stz'um jun no sb'uru, stzu'n win sc'atzitz yic tz'a te yet' jun xajmb'al cha. 'Ix 'at 'a jun lugar 'aj 'ix yal Dios 'a 'a. Xyi'n 'at Isaac, yet' pax chawn̈ eb' schecab'.

Gn 28:11

'Ix c'och 'a jun lugar, axta xcan wayc 'a jun 'ac'wl cha, yujto tox 'ix 'em c'u. Ax yic xwayi, 'ix yi'n cot jun q'uen q'uen sc'an̈jolmoc, xlajw cha xwayi.

Gn 31:13

An ton Dios in, xin ch'ox in b'a 'aych 'a Bet-el, 'a 'ajtil a secjnac can q'ue aceite 'a yib'n̈ jun q'uen q'ue'en, atn 'a 'aj a'jnac can a ti 'ayin. A ticnec 'ixc muc'uc, 'eln̈ 'a jun lugar tic, tzach meltzj 'a a lu'um, 'a 'aj 'aljnac ach, xchi Dios 'ayin, xchi Jacob 'a eb' 'ix yistzil cha.

Gn 31:45

Xlajw cha, xyi'n cot Jacob jun q'uen q'ue'en, slin̈n cha'an̈, yic tz'och ch'oxnb'ilal 'a eb'.

Gn 35:14

Xlajw cha, sayn win jun q'uen q'uen c'atn xoj, slin̈n can chan̈ win q'uen 'a 'aj xpaxtin yet' Dios cha, secn can 'ejm win aceite yet' yal uva 'a yib'n̈ q'ue'en, yuj siylab'il 'a Dios.

Gn 35:20

Sb'on chan̈ win Jacob jun munamento 'a yib'n̈ 'aj xmucx can 'ix, atn jun chi tzch'oxn 'aj mucb'il 'ix Raquel cha, checlto yaj jun chi ticnec.

A Ch'an̈ Schab'l Libro Samuel 18:18

A yic pitznto Absalón, 'ix ya'n b'o jun munamento 'a jun pan̈n 'a'lic yic eb' rey. A sb'i xya'ch 'a 'a, yujto may junc yunnal tz'a'n b'inaxc sb'i. A jun cha, checlto yaj ticnec. A jun munamento yic Absalón, xchi eb' 'anma 'a 'a.

Salmos 119:60

Caw yajn̈j cha, xin yiclni jun tzo'n̈ a checnb'il tic, may niwn tiempo xwij 'eq'ui.

Ec 9:10

A smasnil tas tzqui b'o'ec, qui b'oc 'a smasnil qui c'ojol; yujto a yic 'oj qui chamec, yic 'ayn̈ecx 'ec' 'a campusan, toc 'ayt tas 'oj qui b'oc ta'. Ata', man̈x 'a tas 'oj qui na'ec, man̈x 'a pax yel'ch jelnal ta'.

Is 19:19

A 'a jun tiempoal cha, 'ay jun yet'l xajmb'al yic Jehová 'oj b'o 'a yol smacb'en Egipto. Ax 'a sla'nil smon̈jon Egipto cha, ata 'oj lin̈xoc can chan̈ junc q'ue'en, yuj yi'nb'ilc chan̈ sb'i Jehová.

Nm 7:1

A yic xlajw ya'n b'o Moisés scajnub' Dios, 'ix stzicn 'och aceite 'a 'a, 'a smasnil syamc'ab'il, 'a yib'n̈ jun yet'l xajmb'al, yet' pax 'a yib'n̈ smasnil syamc'ab'il yic tz'ochcn 'a yopiso.

Josué 4:9

An̈jtona', xya'n Josué tusxoc can lajchwe xo q'uen 'a yojl a Jordán cha, atn 'aj 'ochnc wan lin̈n eb' ya'mal 'och sti eb' 'anma 'et'jnac te scaxail trato. A jun tzo'n̈ q'uen cha, 'ix cann̈j eb' ta'.

A Ch'an̈ B'ab'el Libro Samuel 7:12

Xlajw cha, 'ix yi'n cot Samuel jun q'uen niwquil q'ue'en, 'ix ya'n can 'ejm 'a snan̈l Mizpa yet' Sen. 'Ix ya'n can scuch Eben-ezer, xyaln 'ixtic: 'Ix colwjn̈ej Jehová quet'ec masnto 'a jun c'u tic, xchi.