Gn 28:16 - Chuj San Sebastian Bible

¹⁶ A yic 'ix 'el swayn̈ Jacob, snan 'ixtic: Wal yel 'ayc' Jehová 'a jun lugar tic, an xo, caw wal man̈ wojcoc, xchi.

Chuj San Mateo Bible

¹⁶ Ayic ix el svayan̈ vin̈, ix snaan vin̈ icha tic: D'a val yel ayec' Jehová d'a jun lugar tic, man̈ vojtacoclaj, xchi vin̈.

Gn 28:16 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 3:15

Ax yic 'ix 'el swayn̈ Salomón, 'ix yiln cot sb'a to swaych x'ochi. Ax yic 'ix japx 'a Jerusalén, 'ix c'och 'a yojltac scaxail strato Jehová, 'ix ya'n xajmb'al to tz'a smasnil, yet' xajmb'al yic junc'ojlal. Xlajw cha, 'ix ya'n 'och jun niwquil wa'el, xyawtn cot smasnil eb' 'aych yopiso wac yet'oc.

Job 33:14

A Dios, til wal nab'enal tzyutj paxtinc sb'a, palta matz nachj 'el cuj an̈ 'anman̈ec tic.

Job 9:11

Q'uinloc tz'ec' Dios 'a in tz'ey, toc wal tztac' wilni toto 'ayc' 'a in la'nil tic, toc wal tzuj wojcan 'eli.

Salmos 139:7

¿'Ajtil tz'at in c'ub'c 'el in b'a 'a Espíritu? ¿'Ajtil wach' tzin c'ub'j 'el in b'a 'a ojltac?

Salmos 68:35

Caw satjub'tac yilx yaj Dios 'a yol scajnub'. A qui Diosalec an̈ israel on̈ec tic, tzyac' qui jelnalec yet' quip. ¡Alx cab' wach' paxti 'a qui Diosalec!

Ex 15:11

Mamin Jehová, may junc xo dios tztac' slajb'tzan sb'a et'oc, may junc xo mach caw wach' 'icha ach tic, may junc xo mach tztac' sch'oxn milagro 'icha tas satjub'tac tza b'o'o.

Ex 3:4

Ax yic 'ix yiln Jehová to wan sc'och Moisés chi 'a stz'ey te c'ac' cha, 'ix paxtin 'elt 'a scal te', xyaln 'ixtic: —Moisés, Moisés, xchi. —Waj Mamin, xchi Moisés cha.

Ex 3:5

'Ix yaln Dios 'ixtc 'a 'a: —Man̈ ach 'ochlc 'a tic, 'ij 'el a xan̈ab', yujto a jun lugar 'aj tzach jaw tic, an 'ay wico', an 'ayn 'ec' 'a tic.

Is 8:13

An Jehová in tztac' wuj smasnil, a 'ayn smoj a xiwi, niwn cab' wel'ch 'a a sat.

Jeremías 31:26

A yic xlajw wiln jun tzo'n̈ tic, 'ix 'el in wayan̈, in 'ec' q'uel-loc, caw wach' 'aj in way xwab'i.

Nm 12:6

'ix yaln 'a eb' 'ixtic: 'Ab'c tas 'oj wal 'ayex: A yic tzwa'n cot junc in checb' 'a e cal, an tzin ch'ox in b'a 'a 'a, tzin paxtin pax 'a 'icha waychil 'a 'a.

Josué 5:13

A yic 'ayc' Josué 'a sla'nil Jericó, 'ay jun c'ual 'ix yilni to 'ay jun winc lin̈n 'ec' 'a yojltac. A jun winc cha, yamb'il jun espada yu'uj. Ax Josué 'ix c'och 'a stz'ey, sc'anb'n 'a 'ixtic: —¿Tom quitb'eym qui b'a et'oc, mto etb'eym a b'a yet' eb' 'ajc'ojl yajch 'ayn̈ on̈? xchi 'a winac.

Josué 5:15

Ax win syajlil eb' soldado Jehová, 'ix ta'w win 'ixtc 'a Josué: —'Ij 'el a xan̈ab', yujto a jun lugar 'aj lin̈n ach 'ec' tic, to yicn̈ej Jehová yaji, xchi. Ax Josué, 'ix syiclj tas 'ix alx 'a 'a.