Gn 28:12 - Chuj San Sebastian Bible

¹² Ax 'a jun 'ac'wl cha, 'ix 'och swayich, ax xyilni, 'ay jun b'e 'icha c'o'och, te'n 'ejm 'a sat lu'um, masnto tzq'ue'ch 'a satcha'an̈. Ax xyilni to a eb' yángel Dios tzq'ue'i tz'emt eb' 'a jun c'och cha.

Chuj San Mateo Bible

¹² A d'a jun ac'val chi', ix och jun svayich vin̈, ix yilan vin̈ to ay jun b'e icha c'ooch. Schaq'ue d'a sat lum tic, masanto sq'uec'och d'a satchaan̈. Ix yilan vin̈ to a eb' yángel Dios sq'uei, tz'emta eb' d'a jun b'e chi'.

Gn 28:12 ပူးပေါင်းရင်းမြစ်များ

Gn 15:1

Yic xlajw 'ec' jun tzo'n̈ tic, 'ix paxtin Jehová yet' Abram 'a 'icha waychil, 'ix yaln 'a 'ixtic: —Man̈ ach xiw Abram, an 'oj ach in colo', caw wal niwn spac 'oj a cha', xchi Dios.

Gn 15:12

Ax yic xq'uic'b'i, caw xcham Abram swayi, 'ix jaw xiwlal 'a 'a, yujto caw q'uic'q'uinal.

Gn 20:3

Ax 'a jun 'ac'wal, 'ix waychni Abimelec, to a Dios 'ix aln 'a 'ixtic: 'Oj a chami, yujto a 'ix 'ix x'at ac' cotoc yic tz'och 'ix estzilc alni, 'ay yichmil 'ix, xchi 'a winac.

Gn 41:1

X'ec' chab' ab'il, 'ay jun 'el x'och swaych win rey, ax xyilni lin̈n 'ec' 'a sti a niwquil a tzcuch Nilo.

A Ch'an̈ B'ab'el Libro Yic Yab'ixal Eb' Rey 19:5

'Ix 'ec' c'otn sway 'a yich te te cha. Ax yic waync cha, 'ix c'och jun ángel 'a 'a, 'ix spitzn 'el swayan̈, 'ix yaln 'a 'ixtic: Q'uen̈ wa'an, wa'an̈, xchi 'a 'a.

2 Cr 16:9

A Jehová tzlaj yil smasnil tas tzuj 'a yolyib'n̈q'uinl tic, yic tzch'oxn 'el spoder, tzya'n ste'nal eb' wach' snab'en 'a 'a, toto a tzya'ch eb' yipc sc'ojol. Oc xo jun, a jun xa b'o cha, lajn 'icha junc may snab'en. Yuj cha, a ticnec yet' 'a yic 'oj b'ey tiempo, owln̈ej 'oj ela', xchi 'a 'a.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Dn 7:1

'Ay jun 'ac'wal, 'a yic yab'lil xo yoch win Belsasar reyl 'a Babilonia, 'ay jun swaych Daniel x'ochi. 'Ay tas xyil 'a swaych cha. Ax 'a yic x'el swayan̈, 'ix stz'ib'n can jun tzo'n̈ tas caw niwc yel'ch xyil cha.

Nm 12:6

'ix yaln 'a eb' 'ixtic: 'Ab'c tas 'oj wal 'ayex: A yic tzwa'n cot junc in checb' 'a e cal, an tzin ch'ox in b'a 'a 'a, tzin paxtin pax 'a 'icha waychil 'a 'a.

Mt 1:20

Ax yic wan snan win José jun cha, 'ay jun yángel Cajlil 'ix ch'ox sb'a 'a win 'a swayich, 'ix yaln 'a 'ixtic: —José, ach yin̈tl can David, man̈ ach xiw e'n a b'a yet' 'ix María tic, yujto a Yespíritu Dios 'ix 'a'n pitzwc jun 'unn chi 'a 'ix.

Mt 2:19

Ax yic xcham win Herodes cha, 'ix ch'oxn pax sb'a jun yángel Cajlil 'a José 'a swayich, yic 'ayc' 'a Egipto cha, 'ix yaln 'ixtc 'a 'a.

Jn 1:51

'Ix yaln pax Jesús 'ixtc 'a eb' 'ayc' yet' cha: —Wal yel tzwal 'ayex, 'oj eyila', jacn satcha'an̈. Ax eb' yángel Dios, 'ay eb' tz'eml 'a in tz'ey, 'ay eb' tzpaxx q'ue'i, yujto 'Ochnc in 'Anma'il, xchi Jesús 'a eb'.

A Ch'an̈ Carta D'a Eb' Hebreo 1:1

A 'a pecti', til wal yoclemal tas yutjnac Dios yaln 'a eb' qui mam quichmec. Til wal 'ejm sc'anlb'ejnac eb' schecab'.

A Ch'an̈ Carta D'a Eb' Hebreo 1:14

Palta ax eb' ángel chi smasnil, espíritun̈ej eb', ya'mal servil Dios yaj eb'. Checb'il cot eb', yic tzwul colwjc eb' 'ayn̈ an̈ 'oj qui chac qui colnb'il 'a jun 'ejmn̈ej.