Gn 27:35 - Chuj San Sebastian Bible

³⁵ Palta xyaln Isaac 'a 'a: —Tox 'ix wulc' ni o'tac chi 'ayin, atn ni 'in 'ixtn paxti', yuj cha, a ni 'ix 'i'n can smasnil wach'l to ec xon yaji, xchi.

Chuj San Mateo Bible

³⁵ Ix yalan vin̈aj Isaac chi' icha tic: —A vin̈ uc'tac ix ul in ixtanoc, toxo ix yic'b'at masanil vach' lolonel vin̈ ictaxon yaji, xchi vin̈. Axo ix tac'vi vin̈aj Esaú chi':

Gn 27:35 ပူးပေါင်းရင်းမြစ်များ

Gn 27:33

Caw wal 'ix sat sc'ojl Isaac, toxn̈ej tzquecni spaxtini, xyaln 'ixtic: —¿Mach pax ni xit' ma'j noc' chi jun, yuj cha, 'ix wul sb'ab'l 'a'nc ni no in chi'? An tic 'ix in c'ux smasnil, yic mantzac ach jaw 'ayin, yuj cha, xwaln can 'el wach' paxti 'a yib'n̈ na. A ticnec, yic xo ni yaj wach'l cha, xchi Isaac.

Gn 29:25

Ax yic sacb'eli, xyiln cot sb'a win Jacob to a 'ix Lea xway yet'oc, yuj cha, x'at yalnc 'a win Labán 'ixtic: —¿Tas yuj 'ixtc in otej? Yuj 'unx Raquel in munlj 'ayach. ¿Tas yuj tzin extej? xchi.

A Ch'an̈ Schab'il Libro Yic Yab'ixal Eb' Rey 10:19

Yuj cha, 'awtjec cot smasnil mach to schecb' yaji, yet' smasnil eb' to ya'mal 'och sti eb' 'anma yaj 'a 'a, may junc mach tzyac' palta, yujto 'ay jun in niwquil xajmb'al to yic Baal yaj wu'uj, tzann̈j mach tzyac' palta sjawi, 'oj milxoc chamoc, xchi. Palta a Jehú ton̈j 'ix yal jun tic, yujto yojc xoni, to 'oj milxoc cham eb' tz'och 'emmquilal 'a Baal cha.

Job 13:7

¿Am tzeyutj e nani to 'oj stac' e colwj 'a Dios yet' eya'm 'esal? ¿Am tzeyutj e nani to 'ay tas 'oj yac' ganar 'a spatic?

Jeremías 9:4

Ach Jeremías, a smasnil eb' a wach'c'ojol, yet' eb' o'tac, caw tzyac' eb' 'es 'a apatic, yuj cha, man̈x a'ch eb' yipc a c'ojol.

Malaquías 2:10

¿Tom man̈ junn̈joc qui Mamc qui masnil, atn Dios jun on̈ b'onec? ¿Tas pax yuj tzquixtjec qui b'a jun? 'In tzca'c tu 'ayn̈ junjn on̈ec, tzquixtnec 'el strato Dios ya'jnac yet' eb' qui mam quichmec.

2 Co 4:7

'Ay ton jun caw wach' tic 'ayn̈ on̈, palta an̈ tic on̈, lajn on̈ 'icha junc lum chen on̈, yujto may jac quel'ch on̈. Yuj cha, tzcheclj 'eli, to a jun niwquil poder tic, man̈ quico'oc on̈, cojn Dios 'ay yico'.

1 Ts 4:6

Caw man̈ quixtquec junc eb' quit creyenteal yet' jun tzo'n̈ tic. Xcham wal 'ec' calnc 'ayx on̈, toto 'ay eb' tzb'on jun tzo'n̈ maysch'olnil tic, caw 'oj yac' Dios syailal eb'.