Gn 27:28 - Chuj San Sebastian Bible

²⁸ Ya' cab' cot Dios n̈ab' 'a yib'n̈ a lu'um, sec wach' 'oj 'aj smasnil 'awb'en 'a sat lum lu'um, caw wach' 'oj 'aj a trigo yet' pax a uva.

Chuj San Mateo Bible

²⁸ Ac'jocab' n̈ab' d'a yib'an̈ lum a luum yuj Dios yic te vach' ol aj sat avb'en. Man̈xo jantacoc ixim trigo yed' vino ol ic'a'.

Gn 27:28 ပူးပေါင်းရင်းမြစ်များ

Gn 27:37

'Ix yaln Isaac chi 'a Esaú 'ixtic: —'Ilto, tox xwa'ch yopiso ni Jacob 'a eb'an̈. Smasnil eb' yu'tac 'oj 'och eb' schecb'oc. An̈jtona', tox 'ix walcni, to til wal 'oj yutc ya'n trigo yet' te uva 'a na. ¿Tasto wal wach' tzach wutj ach wunnal? xchi.

Gn 27:39

Yuj cha, xyaln can pax Isaac 'ixtc 'a 'a: Caw wal najt tzach 'elcn 'a sat lum lum 'ay syaxil sat, yet' 'a 'aj wach' ya'n n̈ab'.

Gn 45:18

Tzyi'n cot ewin a mam cha, yet' smasnil yunnal. A wal lum lum caw wal wach' 'a Egipto tic, a lum 'oj wac' 'a winac, a wal 'aj wach' tz'aj 'awb'en, ata wach' 'oj wa eb' yet' yunnal.

Gn 49:20

Ach xo ach tic Aser, 'oj yac' sobra tas 'oj a c'uxu', 'oj a c'ux pax tas tzc'ux ewin rey.

Gn 49:25

Yuj wal dios 'a in Diosal tzach colni, atn jun tztac' yuj smasnil, a tz'a'n syaxilal 'a eb'an̈, atn n̈ab' tzcot 'a satcha'an̈, sb'al sat a lu'um, yic tzq'uib' onnal yet' yic tzq'uib' pax chan̈ a cajb'en noc'.

A Ch'an̈ Schab'l Libro Samuel 1:21

Man̈x cab' 'em n̈ab' yet' chicb'chan̈ 'a yib'n̈ eb' lum switzl Gilboa, man̈x 'a tas 'oj 'awxoc yic tz'ajx ofrendail. Man̈x 'oj stac' yawx eb' lu'um yujto ata x'och chamel. Ata xte'x can 'ejm jun tzo'n̈ tas tzmacn sat jul-lab' 'a eb' syajlil chon̈b' Israel. Ata 'ix can stzictznil jun q'uen tzmacn sat jul-lab' tzc'anlb'ej Saúl.

A Ch'an̈ B'ab'el Libro Yic Yab'ixal Eb' Rey 17:1

'Ay jun schecb' Dios Elías sb'i, ata cajn 'a chon̈b' Tisbe 'a yol yic Galaad. A aljnac 'ixtc 'a win Acab: An tic schecb' in Jehová qui Diosalec an̈ israel on̈ tic. 'A sat tzwaln can 'ayach, to man̈x 'oj yac' n̈ab' jaye'oc ab'il, man̈x 'a xon chicb'chan̈ 'oj 'em 'a 'ac'wal, masnto an 'oj walxi, xchi.

A Ch'an̈ B'ab'el Libro Yic Yab'ixal Eb' Rey 5:11

'Ix ya'n Salomón tas 'ay tz'och yuj Hiram 'a junjn ab'il: 75 mil quintal 'ixm trigo, 115 mil galón aceite yic olivo.

2 Cr 2:10

'Oj wa't tas 'oj sc'ux eb' a munljum cha. 'Oj wa't 60 mil quintal 'ixm trigo, an̈jtona', 'ixta pax 'ixm cebada, 110 mil galón yal uva, an̈jtona', 'ixta pax aceite, xchi Salomón.

Salmos 104:15

atn yal uva tz'a'n tzaljoc qui c'ojl on̈, ax aceite tz'a'n pacb'oc qui sat yet' 'ixm 'ixm tzqui waj on̈.

Salmos 133:3

Lajn pax 'icha chicb'chan̈ tz'em 'a lum jolm witz Hermón, mto 'a lum tzaln Sión. A 'a Sión cha, ata tzya' cot Jehová swach'c'ojlal, atn q'uinl 'a jun 'ejmn̈ej.

Salmos 36:8

Ach tzac' tas tzqui c'ux on̈, tza'n cuc' a a caw wach', caw wal tzon̈ b'ut'j si'mb'il on̈.

Pr 19:12

A yowl sc'ojl junc win rey, caw 'ay smay, lajn wal 'icha yic tz'el yaw junc no león. Ax swach'c'ojlal winac, lajn wal 'icha yic tz'em chicb'chan̈ 'a yib'n̈ te c'ultac.

Pr 3:20

Yuj sjelnal cha, tzpac' q'uet eb' a a', tzcot pax n̈ab' 'a scal 'asun.

Is 45:8

An 'oj wa' cot tojlal 'a satcha'an̈, 'icha tz'aj scot chicb'cha'an̈, 'icha pax tz'aj scot n̈ab' 'a scal 'asun, ax lum lum tzchan yemli. Niwtj cab' colnb'il 'icha sat te 'awb'ente', ax tojlal, pojl cab' 'icha te snich te', yujto an Jehová in, an 'oj wac' 'el'choc, xchi.

Jeremías 14:22

Caw may junc comn dios 'a sdiosal eb' chuc chon̈b'al to tztac' ya'n cot n̈ab'. Matz tac' ya'n cot satchan̈ yaxn̈ab' 'a mun yol yico'. Mamin Jehová qui Diosal ach on̈, cojn ach ton tztac' a'n coti, yuj cha, caw tzach ca'ch yipc qui c'ojl on̈, xin chi 'a 'a.

Jl 2:19

ax yaln 'ixtic: 'Oj wac' e trigo, yal eyuva, eyaceite, masnto 'oj e b'ut'ji. Man̈x 'oj wac' b'uchwjoc eb' chuc chon̈b'al 'ayex.

Miqueas 5:7

A yic cha, a eb' yin̈tl Jacob 'oj canoc, 'oj yi' cot eb' wach'ilal 'a scal nan̈loc chon̈ab', 'icha tz'aj sya'xb' te c'ultc yuj n̈ab', mto yuj chicb'chan̈ tz'em 'a 'ac'wal. A Jehová 'oj 'a'nc cot jun wach'ilal cha, man̈oc 'a eb' 'anma 'oj cotoc.

Zacarías 8:12

'Oj can eb' 'a junc'ojlal. A yuva eb', caw wal 'oj yac' sat. A slum eb', yel xo wach' 'oj yutc ya'n sb'a'al. A satcha'an̈ a 'oj 'a'nc cot chicb'cha'an̈. An xo 'oj wac' smasnil jun tzo'n̈ chi 'a eb' 'anma tzcan to 'a jun chon̈b' tic.

Zacarías 9:17

Man̈x jantcoc swach'il, caw wal wach' yilx 'oj 'aj eb' 'aj chon̈b' cha. Yujto 'oj yac' sobra 'ixm trigo yet' yal uva, yuj cha, caw wal wach' 'oj 'aj sq'uib' eb' quelem, yet' eb' cob'es.

Nm 13:20

tzyac' am lum sb'a'al mto ma'ay, 'aym te 'awb'ente 'a sat lu'um, mto ma'ay. Man̈ ex xiwoc; tzeyij cot sat te 'awb'ente chi quil 'a tic, xchi 'a eb'. A wal yel-l te sb'ab'l sat uva yic 'ix xit'c' eb' cha.

Nm 18:12

An̈jtona', an Jehová in, an tzwac' pax sb'ab'l sat 'awb'en 'ayach, atn jun tzo'n̈ tzyac' eb' israel 'ayn 'a junjn ab'il: Atn aceite caw wach', yal uva caw wach' yet' 'ixm trigo.

Ro 11:17

Palta 'ay eb' wit israelal 'elnc 'a yol sc'ab' Dios. 'Icha junc sc'ab' te olivo tzu'x 'el 'a snun, 'ixta 'ajnc eb' yeli. Ax xo, 'icha sc'ab' junc te olivo mun pa'nac, 'ixta 'ex, yujto man̈ ex israeloc. Palta 'icha to ex c'on̈x can 'och sjelc eb' 'a jun sc'ab' 'aj tzuc'b'il 'elt 'a snun cha, yujto 'ay eyaln eyic yet' eb' qui mam quichm an̈ israel on̈ tic on̈.

Dt 32:2

A in cuynb'il 'oj wal tic, lajn wal 'icha yic tz'em n̈ab'. A jun tzo'n̈ in paxti 'oj walcn tic, lajn 'icha yic tz'em chicb'cha'an̈. An̈jtona', 'icha wal yem n̈ab' 'a yib'n̈ te 'itaj, yet' 'a yib'n̈ te c'ultac, 'ixta 'oj 'ajoc.

Dt 33:13

'Ix yaln 'ixtc 'a yib'n̈ eb' yin̈tl José: Ya' cab' 'ejm Jehová syaxilal 'a yib'n̈ slum eb', a cab' chicb'chan̈ caw wach' tz'ejm 'a yib'an̈, ax a a tzq'uel 'a yol lu'um, a cab' a tzc'an eb'.

Dt 33:28

Ex wit chon̈ab', yelc'ojlal tzex can cajn 'a sat lum lum cha. A eb' eyin̈til, caw junc'ojlal 'oj 'aj yec' yuj eb' 'a sat lum lum cha. A 'a lum e lum cha, caw wach' 'oj 'aj 'ixm trigo yet' yal uva. May b'a'n̈ 'oj 'och wan ya'n n̈ab' 'a yib'n̈ lu'um.

Dt 7:13

'Oj ex schamc'ojloc, ax ya'n syaxilal 'a eyib'an̈, 'oj yac' pax q'uib' e b'isul. 'Oj yac' syaxilal 'a yib'n̈ eb' eyunnal, 'a yib'n̈ e trigo, 'a yib'n̈ eyal uva, eyaceite, e wacax, e calnelu 'oj e caj 'a sat lum lum 'aj ya'jnac sti ya'n 'a eb' qui mam quichmec.

A Ch'an̈ Carta D'a Eb' Hebreo 11:20

A Isaac, caw ya'jnac 'och Dios 'a sc'ojol. Yuj cha, 'aycto yaln cani, tas jun tzo'n̈ yaxilal 'oj scha Jacob yet' Esaú.

Josué 5:6

Yujto chawinc ab'il 'ix b'eyc' eb' 'a lum cusltac lu'um, ax smasnil ewin quelmtac stiempoal xo yoch soldadoil, a eb' cha, caw pit xyutj sb'a eb'. Yuj cha, xya'n can Jehová sti', to ma'oj yil eb' 'anma chi lum lum 'aj ya'jnac sti ya'n 'a smam yichm eb', atn lum til wal syaxil sat.