Gn 27:27 - Chuj San Sebastian Bible

²⁷ 'Ix snitzn 'ochch sb'a Jacob chi 'a stz'ey smam cha, yic tz'ub'n 'elt sti cha, ax Isaac su'lni spichl win yunnal cha. Xlajw cha, xyaln can jun tzo'n̈ swach' paxti tic 'a yib'n̈ win 'ixtic: N', atn wal sjab' ni wunnal tic. Lajn wal sjab' ni 'icha te snich te', te 'ay 'a scaltcte to 'ac'b'il yaxilal 'a yib'n̈ yuj Jehová.

Chuj San Mateo Bible

²⁷ Ix snitzanb'at sb'a vin̈aj Jacob chi', ix tz'ub'anelta sti' vin̈ smam vin̈ chi'. Ix suc'lan spichul vin̈ vin̈aj Isaac chi', ix yalan vach' lolonel chi' vin̈ d'a yib'an̈ vin̈ icha tic: Icha sjab' an̈ an̈c'ultac ay d'a caltac te' tz'ac'ji syaxil yuj Jehová, icha val chi' sjab' vin̈ vuninal.

Gn 27:27 ပူးပေါင်းရင်းမြစ်များ

Gn 26:12

A 'a yic jun ab'il cha, x'aww trigo win Isaac 'a jun lugar cha, caw wal wach' 'ix 'aj smunljel, niwn tas 'ix smolo, yujto a Jehová, a x'a'n syaxilal 'a yib'an̈.

Gn 27:15

Xlajw cha, xyi'n 'elt 'ix ya't pichl Esaú cha, win sb'ab'l 'une 'ix, te molb'il 'a yol yet'l eb' cha, xya'n 'och 'ix 'a Jacob, win stza'n 'une 'ix.

Gn 27:26

Xlajw cha, xyaln pax 'a win 'ixtic: —Nitz cot a b'a 'a in tz'ey ach wunnal, tzlajw cha, tza tz'ub'n 'elt in ti', xchi.

Gn 27:39

Yuj cha, xyaln can pax Isaac 'ixtc 'a 'a: Caw wal najt tzach 'elcn 'a sat lum lum 'ay syaxil sat, yet' 'a 'aj wach' ya'n n̈ab'.

Gn 48:10

Caw 'ichm winc xo win Israel cha, man̈xtzac stac' wal yilni. Snitzn 'och José eb' yunnal 'a stz'ey smam cha, x'och la'n win 'a ewin 'unn cha, stz'ub'n 'elt win sti eb'.

Gn 48:15

Xyaln can win wach' paxti 'a yib'n̈ José 'ixtic: A Dios 'aj syicljnac in mam 'ichm Abraham, yet' in mam Isaac, a tzin tan̈wni yictax in 'alji yet' yic in b'ey cot 'a wojltac.

Salmos 65:10

Ach tzac' yaxb'oc sat lu'um, tza tojlb'tzan smasnil sch'olquixtacl sat. Tza'n c'unb'oc lum yuj yaxn̈ab', tza'n a yaxilal 'a yib'n̈ tas tz'el 'a sat lu'um.

Cantares 2:13

Til xo wal sat eb' te snun higo, ax te sat uva, caw wal su'q'ui xo yec' sjab' te'. Ach cob's 'ix to chamc'ojlb'il wu'uj, lem, q'uen̈ wa'an, con̈ muc'uc, yujto nab'ilch wu'uj.

Dt 33:13

'Ix yaln 'ixtc 'a yib'n̈ eb' yin̈tl José: Ya' cab' 'ejm Jehová syaxilal 'a yib'n̈ slum eb', a cab' chicb'chan̈ caw wach' tz'ejm 'a yib'an̈, ax a a tzq'uel 'a yol lu'um, a cab' a tzc'an eb'.

A Ch'an̈ Carta D'a Eb' Hebreo 11:20

A Isaac, caw ya'jnac 'och Dios 'a sc'ojol. Yuj cha, 'aycto yaln cani, tas jun tzo'n̈ yaxilal 'oj scha Jacob yet' Esaú.

A Ch'an̈ Carta D'a Eb' Hebreo 6:7

An̈ec tic, lajn on̈c 'icha lum lu'um. A yic tzya'n n̈ab', tzyu'j 'ejm lum a a'. 'Ay lum lum caw wach' sb'al tzyac' 'a eb' tzmunlj 'och 'a sat, yuj cha, tzya'n Dios syaxilal 'a lu'um.