Gn 26:18 - Chuj San Sebastian Bible

¹⁸ Sjoyn pax win a 'uc'b'il a joyb'il can yuj Abraham 'a pecti', atn jun smucjnac eb' filisteo 'a yic chamnc xo Abraham cha. A sb'i a 'aycn 'och yuj smam cha, an̈ja a 'ix yac' Isaac chi sb'ioc.

Chuj San Mateo Bible

¹⁸ Ix sjoyanxi juntzan̈ a' uc'b'ila' chi' vin̈, a' b'ob'ilcan yuj vin̈ smam vin̈ chi', aton juntzan̈ a' ix smuc eb' vin̈ filisteo ayic toxo ix cham vin̈ smam vin̈ chi'. A sb'i a' aycanoch yuj vin̈ smam vin̈ chi', an̈eja' ix yac'canoch vin̈ sb'ioc a'.

Gn 26:18 ပူးပေါင်းရင်းမြစ်များ

Gn 21:25

Yuj cha, 'ix yaln cot Abraham 'a Abimelec yuj jun a 'uc'b'il a', chajtlto a eb' schecb' Abimelec x'i'n 'ec' a'.

Gn 21:30

'Ix yaln Abraham 'ixtic: —A ucwn̈ calnelu tic, to ec yaj wu'uj, toto tza chaj 'ayin, tzyal 'el'chi to tza chaj ab'i to an b'ojnac jun 'uc'b'il a tic, xchi.

Gn 21:31

Yuj cha, scuchn can jun lugar chi Beerseba, yujto ata 'ix yac' eb' sti 'a jun jun.

Gn 26:17

Yuj cha, x'at Isaac, xc'och cajn 'a span̈nil yic Gerar, ata xcan cajan.

Gn 26:19

A ewin schecb' Isaac cha, a yic wan sjoyn ewin a 'uc'b'il a 'a jun 'a'lic cha, ax x'aji x'ilchj jun sjaj a yuj ewinac.

2 Cr 26:10

Sb'on pax jun tzo'n̈ cuartel chi 'a lum cusltac lu'um. Caw niwn jun tzo'n̈ c'ob'a sjoyo, yujto caw niwn scajb'en noc' 'ay 'a lum pan̈n 'a'lic, yet' pax 'a yich eb' lum witz. An̈jtona', caw 'ay eb' smunljum tzmunlj 'a 'awj uva, yet' 'a jun tzo'n̈ xo 'awb'ente 'ay 'a lum jolm witz. Caw wal pitz'n 'och 'a sc'ojl smunlji.

Salmos 16:4

'Oj niwtjoc syailal eb' tz'a'n servil junc xo comn dios. Ma'oj wa'ch in b'a wa'n schic'l no xajmb'al yet' eb'. May xon b'a'n̈ 'oj in b'inoc sb'i sdiosal eb' cha.

Os 2:17

Jun 'ejmn̈ej 'oj wi'cn 'el 'a sti sb'inan sb'i eb' Baal cha, man̈x 'a 'oxlajn̈b'a'n̈ 'oj sb'inoc coti.

Zacarías 13:2

An Jehová in, an tzwala, to a 'a smasnil yol smacb'en jun nacion̈ tic, c'uxn 'oj wac' lajwc smasnil jun tzo'n̈ yechl tzalx 'och diosal, sec wach' man̈x 'oj naxc cot sb'i eb'. Ax wi'n pax 'el smasnil eb' tzcob' yalch sb'a in checb'oc, yet' smasnil eb' 'aych snab'en 'a ewin demonio.