Gn 25:34 - Chuj San Sebastian Bible

³⁴ Xlajw cha, xya'n Jacob wa'il, yet' jun 'uc'b' tan chi 'a Esaú, ax yic xlajw swa'i, 'ix q'ue wa'an, 'ix 'atxi, may xon jac tas tzna yuj smacl yic sb'ab'l 'unnab'ilal cha.

Chuj San Mateo Bible

³⁴ Ix lajvi chi' ix yac'an ixim pan yed' jun plato vael vin̈aj Jacob chi' d'a vin̈. Axo yic ix lajvi sva vin̈, ix q'ue vaan vin̈, ix b'at vin̈. Malaj yelc'och jun derecho yic b'ab'el uninal chi' d'a vin̈.

Gn 25:34 ပူးပေါင်းရင်းမြစ်များ

Gn 25:29

'Ay jun c'ual, wan sb'on win Jacob tas tzc'uxu, yic xjaw win Esaú b'eyc'oc 'a b'esan, caw wal c'unb'nac winac.

Gn 25:33

'Ix yaln pax Jacob: 'Ac' a ti 'ayn 'a yic jun rato tic, xchi Jacob cha. —Inye, xchi Esaú, 'ix ya'n sti yic tzch'oxn 'eli to tzta'wj can smacl yic sb'ab'l 'unnab'ilal 'a Jacob cha.

Gn 26:1

A 'a yic jun tiempoal cha, 'ix jaw jun niwquil wejl 'a jun lugar cha, 'icha ya'jnac 'a stiempoal win Abraham. Yuj cha, x'atcn Isaac 'a yol yic Gerar, 'a 'aj 'ayc' win Abimelec sreyl eb' filisteo.

Gn 27:32

Yuj cha, 'ix sc'anb'n Isaac 'a 'ixtic: —¿Machch jun? xchi 'a winac. —An Esaú in, a b'ab'l 'unnal in, xchi winac.

Salmos 106:24

'Ix b'ey jab' tiempo yuj eb', schab'c'ojlan eb' lum lum caw wach', ma'ix ya'ch eb' yipc sc'ojl tas alb'il can o'oj.

Ec 8:15

Yuj cha, tzwaln an tic, ya' sb'a 'ayn̈ec 'ec' 'a yolyib'n̈q'uinl tic, to smoj wal tzon̈ tzaljec, tzqui c'uxnec tas tzqui c'uxu, tzcu'nec tas tzcuq'uej, atn yuj cha, tzon̈ munljec; tzalj coyc pax yuj qui q'uinl tzyac' Dios.

Is 22:13

A eyico', cojn tzaljc'ojlal tze b'o 'a e q'uin̈, tze miln cham no wacax yet' no calnelu. Tze chi wal chib'ej, tzeyu'n pax 'an̈. Tzeyaln 'ixtic: Wa coyec, cu'c 'an̈, toq'ue ax q'uic'an tzon̈ chamec, xe chi.

Zacarías 11:13

Xlajw cha, xyaln Jehová 'ayn 'ixtic: 'Ij 'at jun tzo'n̈ tumn cha, 'at 'a'cn 'aj tzmolx 'a yet'l 'a yojl watut, xchi. Xwi'n 'at jun in tojl caw niwquil snan eb' cha, jun tumn smoj in chan yaln eb', 'ix 'at wa'nc 'ejm q'uen 'a yol yet'l 'a yatut Dios.

Mt 22:5

Yuj cha, x'at yalnc ewin schecb' cha. Palta ax eb' 'awtb'il cot cha, toxn ma'ix syiclj eb' scoti. 'Ay eb' x'at yil smunljel, 'ay pax eb' x'at yilcn schon̈.

Mt 26:15

'ix yaln 'a ewin 'ixtic: —Toto 'oj wa'ch Jesús 'a yol e c'ab', ¿jantc tzin e tojo? xchi 'a ewinac. Yuj cha, xya'n ewin 30 q'uen tumn plata 'a 'a.

A Tas Sc'ulejnac Eb' Schecab' Jesús Hechos 13:41

Ex b'uchwjum, 'iltec. Sat cab' e c'ojl eyilni, ax e chami. Yujto 'ayx 'ec' 'a in nab'en tas 'oj in b'o 'a e cal 'a jun tiempoal tic, palta ma'oj e cha eyab'i' yic 'oj alxoc 'ayex, xchi Dios 'a Ch'an̈ U'un̈, xchi Pablo 'a eb'.

1 Co 15:32

A 'a Efeso tic, 'ay jun tzo'n̈ eb' 'a'jnac 'och jun tas 'a wib'an̈. Caw ow eb' 'icha junc noc' caw 'ay smay. Toto may in q'uinl 'a jun 'ejmn̈ej, ¿tas yuj tzwixtj in b'a tzyal cha? Toto ma'oj pitzwc pax eb' chamnac, to 'ixta', caw am wach' ton̈j tzca'c qui gana jac ticnec. Wa coyec, tzcu'nec tas tzcuq'uej, toq'ue chamnc on̈c xo q'uic'an.