Gn 25:31 - Chuj San Sebastian Bible

³¹ Palta xyaln Jacob 'ixtic: Toto tza ta'wj can a macl yic b'ab'l 'unnab'ilal 'ayin, toto 'ixta', tzwac' tas tza c'uxu, xchi Jacob cha.

Chuj San Mateo Bible

³¹ —D'a sb'ab'elal, ac'can a derecho yic b'ab'el vinaquil d'ayin, ichato chi' ol vac'ani, xchi vin̈aj Jacob chi'.

Gn 25:31 ပူးပေါင်းရင်းမြစ်များ

Gn 25:30

Yuj cha, xyaln win Esaú 'ixtc 'a win Jacob: —Tzin tew 'ayach, 'ac' in c'ux jac a tan chac yilx cha, caw tzin cham yuj wejel, xchi winac. (Yuj cha, Edom x'ajx can sb'ic winac.)

Gn 25:32

Yuj cha, xyaln Esaú 'ixtic: —'Ilto, wan in cham yuj wejel, yilx jun in macl yic b'ab'l 'unnab'ilal cha ¿tas wal 'oj 'och wu'uj? xchi winac.

Gn 27:36

—Tom yuj chi jun sb'in can ni Jacob. Xchalal xo in yixtn ni tic, b'ab'el 'ix yijcan 'ec' ni in macl yic b'ab'l 'unnab'ilal, ax pax ticnec; tzyi'n can pax 'ec' ni wach'l to wic xon yaji. ¿Man̈x am wal junc xo wach'l c'ub'b'il can 'el 'oj 'ayn jun mamin? xchi Esaú cha.

Gn 32:28

Xyaln win 'a Jacob 'ixtic: —A ticnec man̈x 'oj a b'ic Jacob. Palta Israel 'oj a b'i'oc, yujto stac' 'a'n owl yet' Dios, yet' pax 'anma', xchi winac.

1 Cr 5:1

A Rubén, atn win sb'ab'l 'unnal Israel, ax eb' yunnal: atn Hanoc, Falú, Hezrón yet' Carmi. Palta a Rubén ma'ix yij smacl yic sb'ab'l 'unnab'ilal, yujn̈ej to syam cot win yistzil smam. A jun smacl yic sb'ab'l 'unnab'ilal cha, ata x'ajx can 'a eb' yunnal José, atn junx win yunnal pax Israel cha. A yic xb'ey tiempo, a Judá caw niwn yel'ch 'ix 'aj 'a yib'n̈ eb' yu'tac, yujto a 'a x'elt jun yajal, palta ax jun macl yic b'ab'l 'unnab'ilal cha, a 'a José, ata 'aycni.

Dt 21:16

a yic tzc'och stiempoal spojn 'ec' win tas 'ay 'a 'a, yic tzya'n 'a eb' yunnal cha, matz tac' ya'n win smacl yic b'ab'l 'unnab'ilal 'a win yune 'ix caw tzchamc'ojlej win cha, yujto a jun tzb'o cha, caw man̈ wach'oc. A win yune 'ix chacb'il 'el cha, caw yel a win b'ab'l 'unn yaji.

Dt 21:17

Yuj cha, yowlal tzchaj win mamb'il chi jun yunnal chi sb'ab'l 'unnaloc, cha'ejm tzyutj win ya'n smacl jun yunnal chi 'a tas 'ay 'a 'a, yujto caw sb'ab'l 'unnal yaji; 'ay yaln win yic schan smasnil smacl yic sb'ab'l 'unnab'ilal cha.

A Ch'an̈ Carta D'a Eb' Hebreo 12:16

Yowlal may junc ex tze b'o 'ajmulal. May ex cab' tzeyij 'el e nab'en 'a Dios, 'icha yutjnac sb'a win Esaú. A win cha, b'ab'l 'unin. Yuj cha, 'ay yaln yic schan jun tzo'n̈ tas 'a smam. Palta schon̈cn 'el jun tzo'n̈ 'aj 'ay yaln yic schan cha. 'Ix schan jun schib'l wal stojloc.