Gn 25:3 - Chuj San Sebastian Bible

³ A Jocsán atn smam Seba yet' Dedán. Ax eb' yin̈tl Dedán, atn eb' asureo, eb' letuseo yet' eb' leumeo.

Chuj San Mateo Bible

³ A vin̈aj Jocsán smam vin̈aj Seba yed' vin̈aj Dedán. A pax eb' yin̈tilal vin̈aj Dedán jun, aton eb' asureo, eb' letuseo yed' eb' leumeo.

Gn 25:3 ပူးပေါင်းရင်းမြစ်များ

Gn 25:2

Atn eb' yunnal tic yet' 'ix, Zimram, Jocsán, Medán, Madián, Isbac yet' Súa.

Gn 25:4

A eb' yunnal Madián atn: Efa, Efer, Hanoc, Abida, yet' Elda. Smasnil jun tzo'n̈ eb' tic, yin̈tl 'ix Cetura eb'.

A Ch'an̈ Schab'l Libro Samuel 2:9

axta 'ix ya'ch can win reyl 'a yib'n̈ Galaad, 'a Gesuri, 'a Jezreel, a Efraín, 'a Benjamín yet' 'a smasnil chon̈b' Israel.

A Ch'an̈ B'ab'el Libro Yic Yab'ixal Eb' Rey 10:1

A 'ix reina yic chon̈b' Sabá, xyab' 'ix yel yab'xil Salomón, to caw niwn yel'chi, yujto caw tz'ijx chan̈ Jehová yu'uj. Xjaw 'ix 'a Jerusalén yic tzwul ya'nc prowal 'ix Salomón yet' jun tzo'n̈ tas tzc'anb'ej, jun tzo'n̈ to caw ya snachj 'eli. Caw niwn eb' schecb' 'ix ajun yet'oc. Yet' pax 'ix nan̈l e no cameyo, cuchb'il jun tzo'n̈ perjuma yuj e no', caw niwn pax q'uen oro, yet' pax jun tzo'n̈ q'uen q'uen caw wach' yilxi. A yic xjaw 'ix 'a yojltac Salomón, 'ix sc'anb'n 'ix smasnil jun tzo'n̈ tas nab'il yu'uj.

Job 6:19

A eb' b'eymal 'anma yic chon̈b' Temán, yet' eb' yic Saba, xcob' sayc' eb' a a chi 'a sti b'e cha.

Salmos 72:10

A eb' sreyl Tarsis, yet' eb' cajn 'a lum checl 'a snan̈l a mar, eb' sreyl Sabá, yet' pax eb' yic Seba, ya' cab' eb' siylab' yet' stojlb'al 'a win rey.

Is 21:13

A jun tzo'n̈ tic alb'il can 'ixtc 'a yib'n̈ Arabia: Ex chon̈wjum 'aj Dedán, ex to tz'ec' 'ac'wl eyuj 'a calcte 'a Arabia:

Is 60:6

Ax eyilni to til wal 'oj jawc eb' 'anma 'ayx yet' scameyo: 'Ay eb' 'oj cot 'a Madián. 'Ay eb' 'oj cot 'a chon̈b' Efa, 'oj jawc smasnil eb' 'aj Sabá. Caw 'al yaj eb' yet' yicatz ax sjaw eb', yet' eb' q'uen oro yet' incienso. 'Oj yaln eb' swach' paxti 'ayn an Jehová in, yujto satjub'tac yilx tas tzin b'o yil eb'.

Jeremías 25:23

'Ix wa'n 'a eb' yin̈tl Dedán, eb' yic Tema, eb' yic Buz; yet' smasnil eb' chon̈b' tzjoxn 'el xil sjolm 'a stz'eynb'il sjolom.

Jeremías 49:8

Ex 'aj chon̈b' Dedán, 'ixquec 'eloc, c'ub'jec 'el e b'a 'a yoltc n̈aq'ue'en, yujto 'oj in satl schon̈b' Esaú tic. 'Ix c'och stiempoal wa'n 'och syailal.

Ez 25:13

Yuj cha, an Yajl in tic, an tzwal 'ixtic: 'Oj wi' chan̈ in c'ab', ax wa'n 'och yailal 'a yib'n̈ eb' 'aj Edom. 'Oj in satl smasnil 'anma yet' no noc'. 'Oj 'el yich slajw 'el eb' 'a Temán masnto 'oj c'och 'a Dedán. 'Oj cham eb' 'anma chi yuj owal.

Ez 27:15

A eb' 'aj Rodas yet' eb' cajn 'a jun tzo'n̈ xo chon̈b' 'ay 'a sti a mar, tzwulc' eb' manwjoc 'ayach, ax q'uen marfil yet' ébano, a tzya'cn eb' stojloc tas tzman cha.

Ez 27:20

At 'a Debán, atta tzyij cot eb' jun tzo'n̈ posmtac tzq'ue 'a sat no xila tz'u'um.

Ez 27:6

A te sma'lab'il a yic te barco cha, 'ix b'o te 'a te mach' 'ix cot 'a lum Basán; ax te q'uisis xcot 'a Chipre, a te x'och smacloc eb' te barco cha. A q'uen marfil, a 'aych pax yelwnub'loc.