Gn 25:27 - Chuj San Sebastian Bible

²⁷ 'Ix q'uib' chan̈ chawn̈ eb' 'unn cha. A win Esaú schaj sc'ojl win yec' b'eyc'oc 'a calte'. Caw jeln x'aj win 'a ma'j noc'. A pax win Jacob jun, cojn ta tzmunlj 'a scamplamento eb'.

Chuj San Mateo Bible

²⁷ Ix q'uib'n̈ej chavan̈ unin chi'. A vin̈aj Esaú pechoj noc' ix sc'ulej vin̈. An̈ej caltac te' snib'ej vin̈ tz'eq'ui. Axo pax vin̈aj Jacob chi', malaj b'aj tz'ec' vin̈ d'a najat, ayn̈ejec' vin̈ d'a scampamento.

Gn 25:27 ပူးပေါင်းရင်းမြစ်များ

Gn 10:9

A Nimrod cha, jeln sma'w noc' 'a sat Jehová, yuj cha, 'ay jun paxti tzyal eb' 'anma 'ixtic: Lajn win 'icha Nimrod, win jeln sma'w noc' 'a sat Jehová, xchi eb'.

Gn 21:20

A Dios xcolwj yet' win 'unn cha, yic xq'uib' cha'an̈. 'Ix can cajn win 'a cusltac lum 'a yol yic Parán; julm noc' x'aj 'el'chi. Ax 'ix 'aji, 'ix yij sb'a win yet' jun 'ix 'aj Egipto yuj snun cha.

Gn 27:40

Cojn yet' a espada 'oj stac' a coln a b'a, schecb' pax ni o'tac 'oj ajcn 'ochi. Palta ax yic 'ayx ep, 'oj a col-l a b'a 'a yol sc'ab' na, xchi Isaac cha.

Gn 46:34

tzeyalni, chajtlto 'ilm ex calnelu, 'ilm ex pax wacax. Cojn no calnelu tic tzqui caj 'icha eb' qui mam quichm on̈, xe chi 'a winac, sec wach' 'oj e can 'a lum Gosén tic, yujto a ewin 'aj Egipto tic, 'ay yowlal yuj eb', toto junn̈j tz'aj eb' yet' eb' cajm calnelu, xchi José cha.

Gn 6:9

Atn yab'xil win Noé tic: A Noé, caw wal wach' xyutj sb'a 'a sat Dios, cojxn win wach' snab'en 'a scal eb' 'anma 'a yic jun tiempoal cha, 'ix sb'eylb'ej 'icha tznib'j Dios.

Job 1:1

A 'a yol smacb'en lum Uz, ata 'ay jun winc Job sb'i, caw wal wach' sb'eyb'al may tas tu tzb'o'o, caw 'ay yel'ch Dios 'a sat, matz ya't sb'a 'a scal maysch'olnil.

Job 1:8

Yuj cha, xyaln Jehová 'ixtc 'a winac: ¿May am 'aj 'ix elcn win in checb' Job? May junc xo mach lajn snab'en yet' win 'a yolyib'n̈q'uinal, caw wal yiclum win 'ayin, tojl sb'eyb'al, 'ay xiwc'ojlal, may 'aj tzb'o win tas maysch'olnil, xchi Dios 'a winac.

Job 2:3

Yuj cha, xyaln Jehová 'ixtc 'a winac: ¿May am 'aj 'ix 'elcn win in checb' Job? May junc xo mach lajn snab'en yet' win 'a yolyib'n̈q'uinal, caw wal yiclum win 'ayin, tojl sb'eyb'al, 'ay xiwc'ojlal, may 'aj tzb'o win tas maysch'olnil. O'oj 'ix in satn 'el smasnil tas 'a winac, palta man̈ yujoc cha, sjun win snab'en, xchi Dios.

Salmos 37:37

Tzcham wal cochc q'ueln 'a eb' wach' snab'en, caw wach' 'oj 'el'choc eb', yujto a junc'ojlal tzsayc' eb'.

Jeremías 35:7

'Ix ya'n pax yowlal qui b'on catut, matz cawj cawb'ente', matz cawj uva. Yaljnac can 'ayn̈ on̈, to an̈j 'a yoltc mantiado tzon̈ 'eq'ui, 'ixta 'oj caj quec' najtloc tiempoal 'a jun lum 'aj ton̈j 'e'lb'a quec' tic.

A Ch'an̈ Carta D'a Eb' Hebreo 11:9

Yujto ya'jnac 'och Dios 'a sc'ojol, yuj cha, c'ochnc cajn 'a jun lugar ya'jnac Dios sti ya'n 'a 'a. A te mantiado sb'ojnac yatutoc. An̈jtona', 'ixta yutjnac sb'a Isaac yet' Jacob, yujto locn eb' xchan jun 'aj ya'jnac Dios sti cha.