Gn 24:60 - Chuj San Sebastian Bible

⁶⁰ 'Ix yaln can eb' wach' paxti 'a yib'n̈ Rebeca chi 'ixtic: Ya' cab' Dios syaxilal 'a eb'an̈, 'oj och snunc smiyon̈al xo 'anma'. A smasnil one 'oj 'aljoc, a 'oj 'a'nc ganar eb' chon̈b' 'ajc'ojl yajch 'a eb', xchi eb' 'a 'ix.

Chuj San Mateo Bible

⁶⁰ Ix yalan vach' lolonel eb' d'a ix Rebeca icha tic: Yac'ocab' svach'c'olal Jehová Dios d'a ib'an̈, ol ach och snunoc jantac smillonal anima. A jantac eb' ol och ajc'olal d'a eb' une' ol aljoc, ol can eb' d'a yalan̈ yuj eb' une' chi', xchi eb'.

Gn 24:60 ပူးပေါင်းရင်းမြစ်များ

Gn 1:28

Xya'n Dios syaxilal 'a yib'n̈ eb', xyaln 'a eb' 'ixtic: 'Alj cab' eyunnal, q'uib' cab' e b'isul, b'ut'j cab' 'el sat lum lum tic eyu'uj. 'Oj eyac' yajlil 'a yolyib'n̈q'uinl tic, 'a yib'n̈ no chay 'ay 'a yojl a mar, 'a yib'n̈ no ch'ic tz'ec' jen̈n̈oc, yet' 'a yib'n̈ smasnil no noc' tz'ec' 'a sat lum tic, xchi.

Gn 14:19

'Ix yaln wach' paxti 'a yib'n̈ Abram 'ixtic: Ya' cab' Dios swach'c'ojlal 'a eb'an̈, atn Dios to Cojxn Niwn Yel'chi, a xb'on satcha'an̈ yet' lum lum tic.

Gn 17:16

'Oj wac' yaxilal 'a yib'n̈ 'ix, 'oj 'aljoc junc onnal yet' 'ix, niwn nacion̈ 'aj 'oj 'och 'ix nunb'ilal. Caw niwn eb' sreyl chon̈b' 'oj 'eltoc 'a scal yin̈tl 'ix, xchi Dios.

Gn 22:17

to tzwalcn 'el in wach' paxti 'a eb'an̈. 'Oj wic' wal chan̈ sb'isl en̈til. 'Icha wal sb'isl c'anal 'a satcha'an̈, 'icha pax yarenail sti a mar, 'ixta 'oj 'aj eb'. Ax ya'n pax ganar eb' 'a eb' 'ajc'ojl yajch 'a 'a.

Gn 24:61

Xlajw cha, xq'ue 'ix Rebeca chi yet' eb' 'ix schecb' chi 'a yib'n̈ e no cameyo cha. 'Ix 'och tza'n eb' 'a spatc win checb' cha. 'Ixta ton 'ix yutj win checb' chi 'at yi'noc cot 'ix Rebeca, xlajw cha, 'ix paxta.

Gn 28:3

Ax Dios tztac' yuj smasnil, a 'oj yac' syaxilal 'a eb'an̈, til wal 'oj 'aj 'el'ch sb'isl en̈til. A 'a scal eb', ata niwn nacion̈ 'oj 'eltoc.

Gn 32:1

Xlajw cha, xb'ey cot win Jacob, ax x'aji schan sb'a win yet' jun tzo'n̈ yángel Dios.

Gn 48:20

Atn wal 'a jun c'u cha, ata xyalcn Jacob swach' paxti 'a yib'n̈ eb' 'ixtic: —A eb' eyican b'aq'uin̈, 'oj sc'anlb'oc eb' e b'i yic tzyaln eb' wach' paxti 'a yib'n̈ junc 'anma'; 'oj yal eb' 'ixtic: Ya' cab' qui Mam Dios syaxilal 'a eb'an̈, 'icha xyutj ya'n 'a win Efraín, yet' 'a win Manasés, 'oj schic eb', xchi win Israel cha. 'Ixta xyutj win ya'n b'ab'ljoc win Efraín 'a win Manasés.

Gn 9:1

'Ix yaln can Dios wach' paxti 'a yib'n̈ Noé, yet' 'a eb' yunnal. 'Ix yaln 'a eb' 'ixtic: Niwtj cab' 'el eyunnal, 'a'c b'ut'joc sat lum lum tic.

Jeremías 29:6

'A'c 'och eyistzil, 'alj cab' eyunnal yet'oc, 'och cab' pax yistzil eb' eyunnal cha, 'alj cab' pax yunnal eb'. Q'uib' cab' e b'isl ta', man̈ 'emtoc cab' e b'isul.

Dn 7:10

'Ay jun c'ac' tz'elt 'a yojltac 'icha sb'ey a a'. Caw smil-l xo sb'isl eb' tz'a'n servil, smiyon̈al xo sb'isl eb' lin̈n 'och 'a yojltac. Xlajw cha, x'el yich yoch b'eyc'ojlal, 'ix jacw jun tzo'n̈ ch'an̈ libro.

Lv 25:46

Ax yic 'oj e chami, tzcan eb' yico'oc eb' eyunnal b'aq'uin̈. Tz'och eb' smosooc eb', palta ax israel ex tic, may wal junc eb' eyit chon̈b' tic tztac' eyixtni, yujto eyit chon̈b' e b'a.

Dt 21:19

Toto 'ixta tzyutj sb'a win 'unnab'il cha, ax eb' mamb'il cha, tzyij 'at eb' jun yunnal chi 'a sdespacho eb' yichmtac wincal chon̈ab'.