Gn 24:53 - Chuj San Sebastian Bible

⁵³ Yajn̈ej xyi'n q'uet win smasnil siylab' to nab'a oro, yet' plata, yet' pichul, 'ix ya'n 'a 'ix Rebeca cha, yet' 'a win snul'j 'ix cha, yet' pax 'a 'ix snun 'ix.

Chuj San Mateo Bible

⁵³ Elan̈chamel ix yic'q'ueta jantac silab' vin̈, aton q'uen oro, q'uen plata yed' pichul, ix yac'an vin̈ d'a ix Rebeca yed' d'a vin̈ snulej ix yed' pax d'a ix snun ix.

Gn 24:53 ပူးပေါင်းရင်းမြစ်များ

Gn 24:10

Xlajw cha, 'ix si'n 'elt siylab' caw wach' 'ay 'a scal smasnil tas 'ay 'a spatron̈ cha, 'ix yi'n 'at lajn̈wan̈ no cameyo yet'oc, yic 'ix 'at 'a schon̈b' can win Nacor 'a yol yic Mesopotámia.

Gn 24:22

Ax yic xlajw yu'n e no cameyo chi a', 'ix yi'n q'uet win jun q'uen oro, 'icha yumchiquin, 'ix ya'n 'och win q'uen 'a sn̈i 'ix, 'aym nan̈loc swacl gramos yal-l q'ue'en. 'Ix ya'n pax win chab' q'uen brazalete nab'a oro 'a 'ix, jab'xoj man̈toc chan̈e onza yal-l eb' q'ue'en.

2 Cr 21:3

A smam eb' cha, til wal q'uen oro, yet' q'uen plata 'ix siyj 'a eb', yet' jun tzo'n̈ xo tas to chan̈ stojol. 'Ix ya'n pax jun tzo'n̈ chon̈b' caw wach' yajch smuroal 'a yol yic Judá 'a eb', palta a jun 'opiso yic reyal, 'ix yac' 'a Joram, yujto a b'ab'l 'unnab'il yaji.

Esdras 1:6

Smasnil eb' cajn 'a stz'ey eb', 'ix colwj eb' ya'n q'uen plata, q'uen oro, no c'ajb'en noc' yet' tas 'ay 'a eb', yet' jun tzo'n̈ tas to chan̈ stojol, yet' smasnil tas to tz'el 'a sc'ojl eb' ya'ni.

Ex 11:2

Yuj cha, al 'a smasnil eb' et israelal tic, eb' winac yet' eb' 'ix 'ix, to tzc'an eb' oro yet' plata 'a eb' 'aj Egipto cajn 'a stz'ey, xchi Dios.

Ex 12:35

'Ix syiclni eb' israel chi tas 'ix yal Moisés, sc'ann eb' oro, plata yet' pichl 'a eb' 'aj Egipto cha.

Ex 3:22

Junjn eb' 'ix 'ix israel, 'oj sc'an eb' 'ix tas 'ay 'a eb' 'ix 'aj Egipto cajn 'a stz'ey. Toxn̈ej tzann̈j 'ixl 'ayc' 'a e cal, 'oj yac' eb' plata mto oro, mto pichul, sec a 'oj eya'ch yet' eb' eyunnal yic 'oj eyelta. 'Ixta 'oj eyutc eyi'n 'ec' tas 'ay 'a eb' 'aj Egipto cha, xchi Dios.

Cantares 1:10

Sja'l wal yilx spac'b'il a ti 'a scal a yumchiquin. Sja'l pax yilx a jaj 'a 'aj 'aych a ton̈.

Cantares 4:13

Lajn ach 'icha 'aj 'ay te 'awb'ente granado wan swolni, ax eb' te sat cha, caw wal chi eb' te', 'icha pax 'aj 'awb'il te alheña tznichni,

Is 39:2

Caw wal chab'il sjaw eb' schecb' chi yuj Ezequías. Xlajw cha, 'ix sch'oxn 'a eb' tas molb'il yuj 'a yol yatut, atn q'uen plata, q'uen oro, perjuma, aceite caw wal wach' yet' 'a 'aj molb'il yamc'ab' yic owal, yet' pax jantcn̈ej tas 'ay 'a 'a. C'uxn 'ix sch'ox 'ilxoc smasnil.